Расширенный поиск
21 Апреля 2026 года
Логин: Регистрация
Пароль: Забыли пароль?
Навигация
Словарь
  • Тил бла келеди джыр да.
  • Джюрек кёзден алгъа кёрюр.
  • Тёрде – темир таякълы, къаяда – чыпчыкъ аякълы.
  • Джангыз терек къынгыр ёсер.
  • Бек ашыкъгъан меннге джетсин, дегенди аракъы.
  • Ариу сёз – джаннга азыкъ, аман сёз – башха къазыкъ.
  • Сабий болмагъан джерде, мёлек болмаз.
  • Сакъалы текени да бар, мыйыгъы киштикни да бар.
  • Иши джокъну, сыйы джокъ.
  • Кёл ашады да, кеси ашады.
  • Тёрдеги кюлсе, эшикдеги ышарыр.
  • Ачлыкъ отха секиртир.
  • Гырджын – тепсини тамадасы.
  • Чоюнну башы ачыкъ болса, итге уят керекди.
  • Битмегеннге сакъал – танг.
  • Тешигини къатында, чычхан да батыр болур.
  • Аманнга алтын чыдамаз.
  • Алтыда кюлмеген, алтмышда кюлмез.
  • Къарнынг бла ёч алма.
  • Шекер бла туз – бир болмаз, ушамагъан – юй болмаз.
  • Эшекни не къадар тюйсенг да, ат болмаз.
  • Айтханы чапыракъдан ётмеген.
  • Билмейме деген – бир сёз
  • Аджалсыз ёлюм болмаз.
  • Эр абынмай, эл танымаз.
  • Къатын къылыкъсыз, эр тынчлыкъсыз.
  • Тюзлюк тас болмайды.
  • Хар адамгъа кеси миннген тау кибик.
  • Байлыкъдан саулукъ ашхыды.
  • Джарлы эскисин джамаса, къууаныр.
  • Кийим тукъум сордурур.
  • Кёб ант этген, кёб ётюрюк айтыр.
  • Къонагъынгы артмагъын алма да, алгъышын ал.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Эринчекни аурууу – кёб.
  • Ата Джуртун танымагъан, атасын да танымаз.
  • Тиширыусуз юй – отсуз от джагъа.
  • Тешик этген тынчды, аны джамагъан къыйынды.
  • Мал тутхан – май джалар.
  • Къызны минг тилер, бир алыр.
  • Эки къатын алгъанны къулагъы тынгнгаймаз.
  • Окъумагъан сокъурду, сокъур ташха абыныр!
  • Кесинг сынамагъан затны, адамгъа буюрма.
  • Тойгъан антын унутур.
  • Билим ат болуб да чабар, къуш болуб да учар.
  • Сабийликде юретмесенг, уллу болса – тюзелмез.
  • Адам къыйынлыгъын кёлтюрюр, зауукълугъун кёлтюрмез.
  • Кёпюр салгъан кеси ётер, уру къазгъан кеси кетер.
  • Терек ауса, отунчу – кёб.
  • Джашынгы кесинг юретмесенг, джашау юретир.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
"ХВАСТАТЬ, МИЛАЯ, НЕ СТАНУ", Эти популярные в свое время песни я когда-то перевела на родной язык, может быть с большим юмором, чем в оригиналах. Надеюсь, найдется джигит, который захочет исполнить их. на карачаево-балкарском языке.
 
#1
Джаратама3
19.10.2015 14:06:28 Translit
Наным, аны билиб къой
(Хвастать, милая, не стану)

Сен ариугъа келечи айтмай,
Сансыз озуб кетелмем.
Кесими къаты махтамай,
Муратыма джетелмем.

Бир адамгъа джолукъмазса,
Меннге иги айтмагъан.
Сен бир къызгъа тюбемезсе,
Сукълана, кёз атмагъан.

Мен бурнуму кёкге тагъа
Айланыргъа керегем.
Алай сени кёргенимде...
Джаным чыкъмай ёлгенем.

Бер дей эсенг, мен джанымы
Терк чыгъарыб берейим.
Джюреклени, сюе эсенг,
Ауушдуруб кёрейик.

Сенде джюрек сууукъ болур,
Меники уа кюйдюред.
Сенде сюйюм, аяу салмай,
Тамам къаты сюйдюред.

Кюн да, ай да, джулдузла да
Сени сюй деб туралла.
Джюрегими, кёзюмю да
Сени таба бургъанла.

Айт сёзюнгю тынгылама,
Менден иги кимди, айт!
Келечиге ёлюм джокъду –
Кел мени бла бизге къайт.

Сенсиз джашау джашау тюлдю,
Къачырлыкъма, келмесенг.
"Башханы сюй", - деб ойнама,
Сюйрерикме, тюнгюлсем.

Джюрек отну суу джукълатмайд,
Наным, аны билиб, къой.
Анга дарман джангыз олду –
Бизни юйде барлыкъ той...

Загрузка плеера


(Былайгъа орус джырны кеси салынса, иги боллукъ эди, макъамын билмеген да юренирча)

«СОЛТАН БОЛСАМ ЭД…»
(«Кавказская пленница» фильмде джырны эниклеу)

Юч къатын алырем, болсамед Солтан!
Кёлюме джарагъан – юч сейирлик джан…
Къызыныб, ашыгъыб этмейим палах –
Ненча бла таб болур, о сыйлы Аллах?!
Бир излейме ючню алыргъа,
Бир къоркъама башсыз къалыргъа.

Зульфия халатха итиу урады,
Фатима, ышара, тепси къурады.
Гюлгюлюм тигеди. Меннге уа – хана:
Къанымы ичерле юч къайын ана.
Бир излейме ючню алыргъа,
Бир къоркъама башсыз къалыргъа.

Юч мёлек юч тюрлю тепсеб булджутса!
Хар бийчем хар кюнде ачха тутдурса!..
О, неле айтама?! Тыбырым къурур –
Юч къатын башымы юч джары бурур.
Бир излейме ючню алыргъа,
Бир къоркъама башсыз къалыргъа.

Ючден аз – азды, деб, алайды кёлюм.
Ючден аз алыргъа къыймайды кёзюм.
«Юч къатын юч башлы эмеген болур!» –
Деб кетди тюшюмде бир ариу обур.
Бир излейме ючню алыргъа,
Бир къоркъама башсыз къалыргъа.

Сайлагъан тюлдю тынч юч бла джангыздан –
Атламынг терс болду – тюнгюл джанынгдан.
Оллахи, ант этдир, турсам да кюсей,
Мен болсамед Солтан, къалырем кютей!
Бир излейме ючню алыргъа,
Бир къоркъама башсыз къалыргъа.


 
 
 
#2
Джаратама0
19.10.2015 14:16:12 Translit
Цитата
Айгюль пишет:
Наным, аны билиб къой
"Куплеты Курочкина"!!!))))))))) :emoji106:
Ма шаа Аллах! Бек джаратдым))))))))))

http://muzmix.com/catalog/films/2560/11913 - вот здесь минус и возможность записать)). Это для "широких масс")). А если кто из профессиональных певцов в студии запишет, то тоже с удовольствием послушаем)).
Я самая классная на форуме))))))))))))))
 
 
 
#3
Джаратама2
19.10.2015 14:34:30 Translit
Тамам да келишдиргенсе эгечим, бек джарат дым. Энди эсге салыб джырлаб айланныкъ ма! Сау бол АЙГЮЛЬ!

Кюлме ансы, менда бир зат салаим - орус джырны бизнича. Типа загадки.

Терезе тюбюндеда, чаккъанды ахсыл БИШНЯ))) ,
Чыккъанды толгъан АЙЧЫКъ ой ариуа кекке.
Подругла талай болуб, орамгъа джилгъанла,
Мен да ой кесим джангыз ЭЛЬБАда ойнайма...... Орус тилде макъамын билгенге - без проблем))))))))))))))))))))
COGNOSCE TE IPSUM!
 
 
 
#4
Джаратама0
19.10.2015 14:36:04 Translit
Я самая классная на форуме))))))))))))))
 
 
 
#5
Джаратама0
30.10.2015 11:21:25 Translit
Энтда бир джыр... сюймекликни юсюнден


ГОРИ, ГОРИ, МОЯ ЗВЕЗДА

Джарыт, джарыт, ариу джулдуз,
Сюймекликни нюр джулдузу.
Сенден башха насыб излемей
Ётдюрлюкме джашаууму.

Сюймекликни шам джулдузу,
Ётген кюнню джарыкъ ызы.
Ёмюрлюкге болгъанса, наным,
Джюрегими сукъланч джыры.

Сени нюрюнг тёкген джарыкъ
Джылытады тыбырымы.
Ёлсем да мен, ариу джулдузум,
Джарытырса къабырымы.


Ана тилге "тюшюрген" Байрамукъланы Фатима
 
 
 
#6
Джаратама0
30.10.2015 16:11:42 Translit
"ВЕЧЕРНИЙ ЗВОН" деген аламат джырны эниклей, аны макъамы бла джырларча джазылгъан назму

***
Ингир аяз, ингир аяз,
Сагъышлагъа тартхан аууаз.

Туугъан джуртха элтед эсим –
Тансыкъ джюрек къозгъайд кесин.

Туугъан джуртда мийик тауум,
Балий татыу этген джауум.

Туугъан джуртда ата юйюм,
Ана кёзле, сабий кюнюм.

Туугъан джуртха къайтырем мен,
Келесе деб, тюбесенг сен…

Ингир аяз, ингир аяз,
Сагъышлагъа тартхан аууаз...
 
 
 
Страницы: 1
Читают тему (гостей: 1)

Форум  Мобильный | Стационарный