Расширенный поиск
12 Августа 2026 года
Логин: Регистрация
Пароль: Забыли пароль?
Навигация
Словарь
  • Босагъагъа джууукъ орун болса, ашыгъыб тёрге озма.
  • Къонакъ хазыр болгъанлыкъгъа, къонакъбай хазыр тюлдю.
  • Халкъгъа джарагъан, джарлы къалмаз.
  • Эл ауузу – элия.
  • Нарт сёз – тилни бети.
  • Мухар, кеси тойса да, кёзю тоймаз.
  • Ариу сёз аурууунгу алыр.
  • Къумурсхала джыйылсала, пилни да джыгъадыла.
  • Тик ёргени, тик энгишгеси да болады.
  • Ач къарным, тынч къулагъым.
  • Термилгенинги табмазса, кюлгенинге тюберсе.
  • Чабакъгъа акъыл, табагъа тюшсе келеди.
  • Ёксюзню тилеги къабыл болур.
  • Бермеген къол, алмайды.
  • Къызгъанчдан ычхыныр, мухардан ычхынмаз.
  • Къыз келсе, джумуш эте келеди, къатын келсе, ушакъ эте келеди.
  • Башынга джетмегенни сорма.
  • Билим насыб берир, билим джолну керир.
  • Ариу сёз джыланны орнундан чыгъарыр.
  • Джол бла сёзню къыйыры джокъ.
  • Джан саулукъ бермей, сан саулукъ бермезсе.
  • Тюзню ётмеги тюзде къалса да, тас болмаз.
  • Аманнга игилик этсенг, юйюнге сау бармазса.
  • Сагъыш – къартлыкъгъа сюйюмчю.
  • Ишленмеген джаш – джюгенсиз ат, ишленмеген къыз – тузсуз хант.
  • Кесине гебен этелмеген, биреуге черен эте эди.
  • Тура эдим джата, къайдан чыкъды хата?
  • Ашхы болсанг, атынг чыгъар, аман болсанг, джанынг чыгъар.
  • Тилчи тилден къаныкъмаз.
  • Ач къалгъандан, кеч къалгъан къолай.
  • Зарда марда джокъ.
  • Миллетни бойну – базыкъ, аны бла кюрешген – джазыкъ.
  • Терслик кетер, тюзлюк джетер.
  • Тенги кёбню джау алмаз, акъылы кёбню дау алмаз.
  • Адам къыйынлыгъын кёлтюрюр, зауукълугъун кёлтюрмез.
  • Сёз – кюмюш, джыр – алтын.
  • Алма терегинден кери кетмез.
  • Джашны джигитлиги сорулур, къызны джигерлиги сорулур.
  • Къонакъны къачан кетерин сорма, къачан келлигин сор.
  • Элни кючю – эмеген.
  • Эллинг бла джау болсанг да, юйюнг бла джау болма.
  • Борчунг бар эсе, хурджунунга ойлаб узал.
  • Кёбге таш атма.
  • Кюн кёрмеген, кюн кёрсе, кюндюз чыракъ джандырыр.
  • Аман къатын сабий табса, бий болур…
  • Нёгер болсанг, тенг бол, тенг болмасанг, кенг бол.
  • Джаш болсун, къыз болсун, акъылы, саны тюз болсун.
  • Эл бла кёргенинг эрелей.
  • Адамгъа аман кюн соруб келмейди.
  • Къобан да къуру да къобханлай турмайды, адам да къуру да патчахлай турмайды.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
"ХВАСТАТЬ, МИЛАЯ, НЕ СТАНУ", Эти популярные в свое время песни я когда-то перевела на родной язык, может быть с большим юмором, чем в оригиналах. Надеюсь, найдется джигит, который захочет исполнить их. на карачаево-балкарском языке.
 
#1
Джаратама3
19.10.2015 14:06:28 Translit
Наным, аны билиб къой
(Хвастать, милая, не стану)

Сен ариугъа келечи айтмай,
Сансыз озуб кетелмем.
Кесими къаты махтамай,
Муратыма джетелмем.

Бир адамгъа джолукъмазса,
Меннге иги айтмагъан.
Сен бир къызгъа тюбемезсе,
Сукълана, кёз атмагъан.

Мен бурнуму кёкге тагъа
Айланыргъа керегем.
Алай сени кёргенимде...
Джаным чыкъмай ёлгенем.

Бер дей эсенг, мен джанымы
Терк чыгъарыб берейим.
Джюреклени, сюе эсенг,
Ауушдуруб кёрейик.

Сенде джюрек сууукъ болур,
Меники уа кюйдюред.
Сенде сюйюм, аяу салмай,
Тамам къаты сюйдюред.

Кюн да, ай да, джулдузла да
Сени сюй деб туралла.
Джюрегими, кёзюмю да
Сени таба бургъанла.

Айт сёзюнгю тынгылама,
Менден иги кимди, айт!
Келечиге ёлюм джокъду –
Кел мени бла бизге къайт.

Сенсиз джашау джашау тюлдю,
Къачырлыкъма, келмесенг.
"Башханы сюй", - деб ойнама,
Сюйрерикме, тюнгюлсем.

Джюрек отну суу джукълатмайд,
Наным, аны билиб, къой.
Анга дарман джангыз олду –
Бизни юйде барлыкъ той...

Загрузка плеера


(Былайгъа орус джырны кеси салынса, иги боллукъ эди, макъамын билмеген да юренирча)

«СОЛТАН БОЛСАМ ЭД…»
(«Кавказская пленница» фильмде джырны эниклеу)

Юч къатын алырем, болсамед Солтан!
Кёлюме джарагъан – юч сейирлик джан…
Къызыныб, ашыгъыб этмейим палах –
Ненча бла таб болур, о сыйлы Аллах?!
Бир излейме ючню алыргъа,
Бир къоркъама башсыз къалыргъа.

Зульфия халатха итиу урады,
Фатима, ышара, тепси къурады.
Гюлгюлюм тигеди. Меннге уа – хана:
Къанымы ичерле юч къайын ана.
Бир излейме ючню алыргъа,
Бир къоркъама башсыз къалыргъа.

Юч мёлек юч тюрлю тепсеб булджутса!
Хар бийчем хар кюнде ачха тутдурса!..
О, неле айтама?! Тыбырым къурур –
Юч къатын башымы юч джары бурур.
Бир излейме ючню алыргъа,
Бир къоркъама башсыз къалыргъа.

Ючден аз – азды, деб, алайды кёлюм.
Ючден аз алыргъа къыймайды кёзюм.
«Юч къатын юч башлы эмеген болур!» –
Деб кетди тюшюмде бир ариу обур.
Бир излейме ючню алыргъа,
Бир къоркъама башсыз къалыргъа.

Сайлагъан тюлдю тынч юч бла джангыздан –
Атламынг терс болду – тюнгюл джанынгдан.
Оллахи, ант этдир, турсам да кюсей,
Мен болсамед Солтан, къалырем кютей!
Бир излейме ючню алыргъа,
Бир къоркъама башсыз къалыргъа.


 
 
 
#2
Джаратама0
19.10.2015 14:16:12 Translit
Цитата
Айгюль пишет:
Наным, аны билиб къой
"Куплеты Курочкина"!!!))))))))) :emoji106:
Ма шаа Аллах! Бек джаратдым))))))))))

http://muzmix.com/catalog/films/2560/11913 - вот здесь минус и возможность записать)). Это для "широких масс")). А если кто из профессиональных певцов в студии запишет, то тоже с удовольствием послушаем)).
Я самая классная на форуме))))))))))))))
 
 
 
#3
Джаратама2
19.10.2015 14:34:30 Translit
Тамам да келишдиргенсе эгечим, бек джарат дым. Энди эсге салыб джырлаб айланныкъ ма! Сау бол АЙГЮЛЬ!

Кюлме ансы, менда бир зат салаим - орус джырны бизнича. Типа загадки.

Терезе тюбюндеда, чаккъанды ахсыл БИШНЯ))) ,
Чыккъанды толгъан АЙЧЫКъ ой ариуа кекке.
Подругла талай болуб, орамгъа джилгъанла,
Мен да ой кесим джангыз ЭЛЬБАда ойнайма...... Орус тилде макъамын билгенге - без проблем))))))))))))))))))))
COGNOSCE TE IPSUM!
 
 
 
#4
Джаратама0
19.10.2015 14:36:04 Translit
Я самая классная на форуме))))))))))))))
 
 
 
#5
Джаратама0
30.10.2015 11:21:25 Translit
Энтда бир джыр... сюймекликни юсюнден


ГОРИ, ГОРИ, МОЯ ЗВЕЗДА

Джарыт, джарыт, ариу джулдуз,
Сюймекликни нюр джулдузу.
Сенден башха насыб излемей
Ётдюрлюкме джашаууму.

Сюймекликни шам джулдузу,
Ётген кюнню джарыкъ ызы.
Ёмюрлюкге болгъанса, наным,
Джюрегими сукъланч джыры.

Сени нюрюнг тёкген джарыкъ
Джылытады тыбырымы.
Ёлсем да мен, ариу джулдузум,
Джарытырса къабырымы.


Ана тилге "тюшюрген" Байрамукъланы Фатима
 
 
 
#6
Джаратама0
30.10.2015 16:11:42 Translit
"ВЕЧЕРНИЙ ЗВОН" деген аламат джырны эниклей, аны макъамы бла джырларча джазылгъан назму

***
Ингир аяз, ингир аяз,
Сагъышлагъа тартхан аууаз.

Туугъан джуртха элтед эсим –
Тансыкъ джюрек къозгъайд кесин.

Туугъан джуртда мийик тауум,
Балий татыу этген джауум.

Туугъан джуртда ата юйюм,
Ана кёзле, сабий кюнюм.

Туугъан джуртха къайтырем мен,
Келесе деб, тюбесенг сен…

Ингир аяз, ингир аяз,
Сагъышлагъа тартхан аууаз...
 
 
 
Страницы: 1
Читают тему (гостей: 1)

Форум  Мобильный | Стационарный