Расширенный поиск
18 Апреля 2026 года
Логин: Регистрация
Пароль: Забыли пароль?
Навигация
Словарь
  • Джырына кёре эжиую.
  • Сёлеш деб шай берген, тохта деб, сом берген.
  • Аман хансны – урлугъу кёб.
  • Ханы къызы буюгъа-буюгъа киштик болду.
  • Суугъа – чабакъ, къаягъа – ыргъакъ.
  • Сёз къанатсыз учар.
  • Ата Джуртуму башы болмасам да, босагъасында ташы болайым.
  • Ишин билген, аны сыйын чыгъарады.
  • Къонакъ кёб келюучю юйню, къазаны отдан тюшмез.
  • Ётюрюкню башын керти кесер.
  • Ёлген ийнек сютлю болур.
  • Къонакъ аман болса, къонакъбай джунчур
  • Къобан да къуру да къобханлай турмайды, адам да къуру да патчахлай турмайды.
  • Адамгъа аман кюн соруб келмейди.
  • Ач уят къоймаз.
  • Ашыкъгъан cуу, тенгизге джетмез.
  • Адебсиз адам – джюгенсиз ат.
  • Аджалсыз ёлюм болмаз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Таукел адам тау тешер.
  • Эм уллу байлыкъ – джан саулукъ.
  • Тюкюрюк баш джармаз, налат кёз чыгъармаз!
  • Оюмсуз атлагъан, аджалсыз ёлюр.
  • Ёлмесенг да, къарт дамы болмазса?
  • Тешик этген тынчды, аны джамагъан къыйынды.
  • Тёгюлген тюгел джыйылмайды.
  • Суу ичген шауданынга тюкюрме.
  • Джаханимни кёрмей, джандетге кёл салмазса.
  • Уллу атлама – абынырса, уллу къабма – къарылырса.
  • Биреуге аманлыкъны тилеме да, кесинге ашхылыкъны тиле.
  • Айыбны суу бла джууалмазса.
  • Адам къаллай бир ишленмесе, аллай бир кесин уллу кёреди.
  • Айтылгъан сёз ызына къайтмаз.
  • Ана къолу ачытмаз.
  • Кёбден умут этиб, аздан къуру къалма.
  • Аш кетер да бет къалыр.
  • Тюз сёз баргъан сууну тыяр.
  • Гугурук къычырмаса да, тангны атары къалмаз.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Баш болса, бёрк табылыр.
  • Джолда аягъынга сакъ бол, ушакъда тилинге сакъ бол.
  • Накъырданы арты керти болур.
  • Ариу джол аджал келтирмез.
  • Биреу ашаб къутулур, биреу джалаб тутулур.
  • Мухарны эси – ашарыкъда.
  • Чакъырылмагъан къонакъ – орунсуз.
  • Мураты болгъанны джюрек тебюую башхады.
  • Адамны джюреги нени кёрюрге сюйсе, кёзю да аны кёрюрге ёч болады.
  • Ачылгъан эт джабылыр, кёрген кёз унутмаз.
  • Ариу сёз – къылычдан джити.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
"ХВАСТАТЬ, МИЛАЯ, НЕ СТАНУ", Эти популярные в свое время песни я когда-то перевела на родной язык, может быть с большим юмором, чем в оригиналах. Надеюсь, найдется джигит, который захочет исполнить их. на карачаево-балкарском языке.
 
#1
Джаратама3
19.10.2015 14:06:28 Translit
Наным, аны билиб къой
(Хвастать, милая, не стану)

Сен ариугъа келечи айтмай,
Сансыз озуб кетелмем.
Кесими къаты махтамай,
Муратыма джетелмем.

Бир адамгъа джолукъмазса,
Меннге иги айтмагъан.
Сен бир къызгъа тюбемезсе,
Сукълана, кёз атмагъан.

Мен бурнуму кёкге тагъа
Айланыргъа керегем.
Алай сени кёргенимде...
Джаным чыкъмай ёлгенем.

Бер дей эсенг, мен джанымы
Терк чыгъарыб берейим.
Джюреклени, сюе эсенг,
Ауушдуруб кёрейик.

Сенде джюрек сууукъ болур,
Меники уа кюйдюред.
Сенде сюйюм, аяу салмай,
Тамам къаты сюйдюред.

Кюн да, ай да, джулдузла да
Сени сюй деб туралла.
Джюрегими, кёзюмю да
Сени таба бургъанла.

Айт сёзюнгю тынгылама,
Менден иги кимди, айт!
Келечиге ёлюм джокъду –
Кел мени бла бизге къайт.

Сенсиз джашау джашау тюлдю,
Къачырлыкъма, келмесенг.
"Башханы сюй", - деб ойнама,
Сюйрерикме, тюнгюлсем.

Джюрек отну суу джукълатмайд,
Наным, аны билиб, къой.
Анга дарман джангыз олду –
Бизни юйде барлыкъ той...

Загрузка плеера


(Былайгъа орус джырны кеси салынса, иги боллукъ эди, макъамын билмеген да юренирча)

«СОЛТАН БОЛСАМ ЭД…»
(«Кавказская пленница» фильмде джырны эниклеу)

Юч къатын алырем, болсамед Солтан!
Кёлюме джарагъан – юч сейирлик джан…
Къызыныб, ашыгъыб этмейим палах –
Ненча бла таб болур, о сыйлы Аллах?!
Бир излейме ючню алыргъа,
Бир къоркъама башсыз къалыргъа.

Зульфия халатха итиу урады,
Фатима, ышара, тепси къурады.
Гюлгюлюм тигеди. Меннге уа – хана:
Къанымы ичерле юч къайын ана.
Бир излейме ючню алыргъа,
Бир къоркъама башсыз къалыргъа.

Юч мёлек юч тюрлю тепсеб булджутса!
Хар бийчем хар кюнде ачха тутдурса!..
О, неле айтама?! Тыбырым къурур –
Юч къатын башымы юч джары бурур.
Бир излейме ючню алыргъа,
Бир къоркъама башсыз къалыргъа.

Ючден аз – азды, деб, алайды кёлюм.
Ючден аз алыргъа къыймайды кёзюм.
«Юч къатын юч башлы эмеген болур!» –
Деб кетди тюшюмде бир ариу обур.
Бир излейме ючню алыргъа,
Бир къоркъама башсыз къалыргъа.

Сайлагъан тюлдю тынч юч бла джангыздан –
Атламынг терс болду – тюнгюл джанынгдан.
Оллахи, ант этдир, турсам да кюсей,
Мен болсамед Солтан, къалырем кютей!
Бир излейме ючню алыргъа,
Бир къоркъама башсыз къалыргъа.


 
 
 
#2
Джаратама0
19.10.2015 14:16:12 Translit
Цитата
Айгюль пишет:
Наным, аны билиб къой
"Куплеты Курочкина"!!!))))))))) :emoji106:
Ма шаа Аллах! Бек джаратдым))))))))))

http://muzmix.com/catalog/films/2560/11913 - вот здесь минус и возможность записать)). Это для "широких масс")). А если кто из профессиональных певцов в студии запишет, то тоже с удовольствием послушаем)).
Я самая классная на форуме))))))))))))))
 
 
 
#3
Джаратама2
19.10.2015 14:34:30 Translit
Тамам да келишдиргенсе эгечим, бек джарат дым. Энди эсге салыб джырлаб айланныкъ ма! Сау бол АЙГЮЛЬ!

Кюлме ансы, менда бир зат салаим - орус джырны бизнича. Типа загадки.

Терезе тюбюндеда, чаккъанды ахсыл БИШНЯ))) ,
Чыккъанды толгъан АЙЧЫКъ ой ариуа кекке.
Подругла талай болуб, орамгъа джилгъанла,
Мен да ой кесим джангыз ЭЛЬБАда ойнайма...... Орус тилде макъамын билгенге - без проблем))))))))))))))))))))
COGNOSCE TE IPSUM!
 
 
 
#4
Джаратама0
19.10.2015 14:36:04 Translit
Я самая классная на форуме))))))))))))))
 
 
 
#5
Джаратама0
30.10.2015 11:21:25 Translit
Энтда бир джыр... сюймекликни юсюнден


ГОРИ, ГОРИ, МОЯ ЗВЕЗДА

Джарыт, джарыт, ариу джулдуз,
Сюймекликни нюр джулдузу.
Сенден башха насыб излемей
Ётдюрлюкме джашаууму.

Сюймекликни шам джулдузу,
Ётген кюнню джарыкъ ызы.
Ёмюрлюкге болгъанса, наным,
Джюрегими сукъланч джыры.

Сени нюрюнг тёкген джарыкъ
Джылытады тыбырымы.
Ёлсем да мен, ариу джулдузум,
Джарытырса къабырымы.


Ана тилге "тюшюрген" Байрамукъланы Фатима
 
 
 
#6
Джаратама0
30.10.2015 16:11:42 Translit
"ВЕЧЕРНИЙ ЗВОН" деген аламат джырны эниклей, аны макъамы бла джырларча джазылгъан назму

***
Ингир аяз, ингир аяз,
Сагъышлагъа тартхан аууаз.

Туугъан джуртха элтед эсим –
Тансыкъ джюрек къозгъайд кесин.

Туугъан джуртда мийик тауум,
Балий татыу этген джауум.

Туугъан джуртда ата юйюм,
Ана кёзле, сабий кюнюм.

Туугъан джуртха къайтырем мен,
Келесе деб, тюбесенг сен…

Ингир аяз, ингир аяз,
Сагъышлагъа тартхан аууаз...
 
 
 
Страницы: 1
Читают тему (гостей: 1)

Форум  Мобильный | Стационарный