Расширенный поиск
25 Июня 2026 года
Логин: Регистрация
Пароль: Забыли пароль?
Навигация
Словарь
  • Тойгъандан сора, ашны сёкме.
  • Аманнга алтын чыдамаз.
  • Аман адам элни бир-бирине джау этер.
  • Акъыл аздырмаз, билим тоздурмаз.
  • Ишни ахырын ойламай, аллын башлама.
  • Уллу айтханны этмеген – уллаймаз.
  • Ёлген ийнек сютлю болур.
  • Тилчи тилден къаныкъмаз.
  • Аман хансны – урлугъу кёб.
  • Джырчы ёлсе, джыры къалыр.
  • Накъырданы арты керти болур.
  • Башда акъыл болмаса, эки аякъгъа кюч джетер.
  • Аякъларынгы джууургъанынга кёре узат.
  • Джангызны оту джарыкъ джанмаз!
  • Чакъырылмай келген къонакъ сыйланмай кетер.
  • Къуру гыбыт бек дыгъырдар.
  • Аманны къуугъан, аманлыкъ табар.
  • Ауругъан – джашаудан умутчу.
  • Эри аманны, къатыны – аман.
  • Сабийликде юретмесенг, уллу болса – тюзелмез.
  • Юй ишлеген балта эшикде къалыр.
  • Ким бла джюрюсенг, аны кёзю бла кёрюнюрсе.
  • Акъыл къартда, джашда тюйюлдю – башдады.
  • Элни кючю – эмеген.
  • Эшекге миннген – биринчи айыб, андан джыгъылгъан – экинчи айыб.
  • Аз сёлешген, къайгъысыз турур.
  • Алим болгъандан эсе, адам болгъан къыйынды.
  • Джарлыны эшигин махтагъан джабар.
  • Сакъламагъан затынга джолукъсанг, не бек къууанаса, не бек ачыйса.
  • От кюйдюрген, сау болса да, тот кюйдюрген, сау болмаз.
  • Тенгинг джокъ эсе – изле, бар эсе – сакъла!
  • Эринчекни аурууу – кёб.
  • Кечеси – аяз, кюню – къыш, джарлы къаргъагъа бир аш тюш!
  • Ишни аллы бла къууанма да, арты бла къууан.
  • Ёгюзню мюйюзлери ауурлукъ этмейдиле.
  • Ашыкъгъан cуу, тенгизге джетмез.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Ойнай-ойнай кёз чыгъар.
  • Рысхы – сют юсюнде кёмюк кибикди.
  • Бал чибинни ургъаны – ачы, балы – татлы.
  • Эм уллу байлыкъ – джан саулукъ.
  • Окъугъан озар, окъумагъан тозар.
  • Ачлыкъда тары гырджын халыуадан татлы.
  • Окъугъанны бети джарыкъ.
  • Аджаллыгъа окъсуз шкок атылыр.
  • Телиге от эт десенг, юйюнге от салыр.
  • Ёлюк кебинсиз къалмаз.
  • Ашатыргъа иш – ашхы, ишлетирге аш – ашхы.
  • Ариу сёз аурууунгу алыр.
  • Урама да – ёледи, сатама да – келеди.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
Амина Газаева - член Союза писателей России! Поздравляем!))
 
#1
Джаратама0
22.12.2016 08:37:14 Translit
Мурадин Ольмезов

"Хурметли къарачай-малкъар миллет"!
Бюгюн Москвадан къууанчлы хапар келгенди. Поэзиябызны алтын джулдузчугъун - ГАЗАЛАНЫ АМИНАНЫ Россей джазыучуланы биригиуюне (Союзуна) алгъандыла. Келигиз, назмучу эгешчигибизни джюрегибизден алгъышлайыкъ!" - деб, Мурадин Ольмезов Фейсбукда джазгъанны окъуб, быллай хапарны сыйлы орну "Эльбрусоидни" сайтыды, мында джыйылады миллетибизни белгили, магъаналы, историягъа кирлик затлары (исторические моменты), деген сагъышда, бу хапарны бери кечюрмей къоялмадым.

Ма шаа Аллах! Керти да бек къууанч хапар болду, Аллах къууандырсын Аминаны мындан ары да! Ызы къалын болсун!) :гоккачыкъ: :гоккачыкъ: :гоккачыкъ:

Билал Лайпановны игилиги бла Аминаны чыгъармалары биринчи бизи сайтда басмаланнгандыла (для широкой публики, Кязим Мечиев бла Исмаил Семеновну атлары бла етген конкурсда елче болгъаныны юсюнден да бизни сайтда джазылгъанды, сора къууанмай къалай этеим?)) Къууаннганымы да "Эльбрусоидде" джазмай къалай чыдайым?)))


Багъалы эльбрусоидчи тенглерим! Барыгъызгъа да быллай кюн келсин: Аминача тутхан ишигизде бет джарыкълы болуб, миллетими аты иги бла айтдырдым, сюйген ишим бла кюреширча энтда бир джангы мадар (возможность) къошулду, деб, кеси кесигизге кел салырча))
Я самая классная на форуме))))))))))))))
 
 
 
#2
Джаратама1
22.12.2016 11:46:17 Translit
Ма ша Аллах! Алгъышлайма! Ызы къалын болсун, Амина!
Сэстренка,Амин Аллах алгъышларынга!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#3
Джаратама1
22.12.2016 19:47:50 Translit
Сэстренка,

Союзгъа кирген - ол да къууанч болур, алай а, манга эм уллу къууанч - адамланы джюреклери ачыкъ, халал, кенг болгъаны, бир-бирини джетишимлерине къууана билгенлери. Сени да, Сэстренка, Аллах къууандыргъанлай турсун - къыйынынг уллуду бу миллет сайтны отун джукълатмай турууда, башха ишлеринги айтмай къойсакъ да.

Аминагъа джетишимле теджеген бла бирге. тюзюн айтыргъа излейме: бусагъатда Эресейни джазыучуларыны Союзуну совет заманладача дараджасы, магъанасы къалмагъанды. Алай а, ары кирирге керекди - дуния былай турмаз. Газаланы Амина, анга рекомендацияла бергенле да сау болсунла.

Ол Союзгъа кирирге тыйыншлыла бизде дагъыда бардыла - джаш тёлюбюз бек фахмулуду: Айшат, Къара чачлы, Шаудан... Алай демек - бизни адабиятыбызны тамбласы барды.
Литературасы болгъан халкъ, джазыучулары кёб болгъан халкъ - тилин да, культурасын да сакълаяллыкъды.
Аллах къууанчдан айырмасын.


 
 
 
#4
Джаратама1
22.12.2016 20:03:48 Translit
Присоединяюсь к поздравлениям! :гоккачыкъ:
 
 
 
#5
Джаратама1
22.12.2016 20:37:51 Translit
Хы да, мен а китабын да окъугъанма!) Аминаны Союзгъа киргенин билгенимде мени да эсиме Рахайланы тынгысызжюреклери тюшген эди.

Аиша, бирге сакълабыз сизден къууанч хапар.)
Изменено: shaudan - 22.12.2016 20:49:49
 
 
 
#6
Джаратама1
22.12.2016 21:08:04 Translit
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
 
 
 
#7
Джаратама0
23.12.2016 01:56:04 Translit
Цитата
shaudan пишет:
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
Кертиси бла да, къайдадыла ала? Мен билмейме. Кеслери кёрюнюрге излемеселе - табхан къыйынды.
 
 
 
#8
Джаратама0
12.01.2017 01:03:11 Translit
Жукъла,
Малкъарым,
сен,
мен
белляу айтайым
сени
хар гюлюнге,
юйюнге,
элинге.
Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,
белляуну да жая
ол
женгил къанатдан.
Болсун,
Малкъарым,
хар
кеченг
дайым да шош,
эрттенинг а –
чууакъ.
Алай болмаса – бош
белляула да
айтхан,
назмула да
жазгъан,
Аллахым сакъласын
мени
ол ачыудан.

© #Газаланы_Амина
 
 
 
#9
Джаратама0
16.01.2017 00:14:49 Translit
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#10
Джаратама0
16.01.2017 03:29:55 Translit
Цитата
Айшат пишет:
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!


Аиша, вот то, что мне воистину нравится

* * * * *

Кюрешме
болургъа ёхтем,
къарачы жаууннга сабыр.
Энип келип
бийик кёкден
назик чёпге айтады жыр.

Кюрешме болургъа уллу,
гынтты да этме,
тенгим, бош.
Къая бийикди,
къарыулу,
алай а, кёр, турады шош.

Кюрешме кесинге дебер
сурап,
къарачы жулдузгъа:
бийикме демей,
жол нёгер
болады дайым
жолсузгъа.

#Газаланы_Амина
 
 
 
#
Джаратама0
  Translit
 
 
 
Страницы: 1
Читают тему (гостей: 1)

Форум  Мобильный | Стационарный