Расширенный поиск
25 Июня 2026 года
Логин: Регистрация
Пароль: Забыли пароль?
Навигация
Словарь
  • Эр сокъур болсун, къатын тилсиз болсун.
  • Джюрек кёзден алгъа кёрюр.
  • Чомарт джарлы болмаз.
  • Накъырданы арты керти болур.
  • Юй кюйдю да, кюйюз чыкъды, ортасындан тюйюш чыкъды.
  • Тау башында, тау болмаз, джангыз терек, бау болмаз.
  • Ёлген аслан – сау чычхан.
  • Ач бёрюге мекям джокъ.
  • Бойнуму джети джерден кессенг да, мен ол ишни этеллик тюлме.
  • Ишин билген, аны сыйын чыгъарады.
  • Байлыкъдан саулукъ ашхыды.
  • Къонакъ кёб келюучю юйню, къазаны отдан тюшмез.
  • Чомартны къолу берекет.
  • Бал – татлы, балдан да бала – татлы.
  • Чарсда алчыны эл кёреди.
  • Джангыз терек къынгыр ёсер.
  • Билим къая тешер.
  • Эшекге миннген – биринчи айыб, андан джыгъылгъан – экинчи айыб.
  • Ата Джуртуму башы болмасам да, босагъасында ташы болайым.
  • Ойнай-ойнай кёз чыгъар.
  • Билимсиз иш бармаз.
  • Джырына кёре эжиую.
  • Къызбайны юйюне дери сюрсенг, батыр болур.
  • Къуру гыбыт бек дыгъырдар.
  • Къыз чыгъаргъан – къызыл къымжа.
  • Айранын берсенг, челегин да къызгъанма.
  • Ашхы тенг джолгъа салыр, аман тенг джолдан тайдырыр.
  • Акъыллы айтыр эди, акъылсыз къоймайды.
  • Алтыннга тот къонмаз.
  • Джигер – джаннга къыйынлыкъ.
  • Билим – акъылны чырагъы.
  • Сескекли кесин билдирир.
  • Тура эдим джата, къайдан чыкъды хата?
  • Зар адамны насыбы болмаз.
  • Сабийни джумушха джибер да, ызындан бар.
  • Тойгъа алгъа да барма, тойда артха да къалма.
  • Джыйырма къойну юч джыйырма эбзе кюте эди.
  • Чомартны къолун джокълукъ байлар.
  • Хоншуну тауугъу къаз кёрюнюр, келини къыз кёрюнюр.
  • Арыгъан къош чамчы болур.
  • Айран тёгюлсе, джугъусу къалыр.
  • Телини эшигин, махтау джабар.
  • Бек ашыкъгъан меннге джетсин, дегенди аракъы.
  • Акъдан къара болмаз.
  • Сёз садакъдан кючлюдю.
  • Эл бла кёргенинг эрелей.
  • Тас болгъан бычакъны сабы – алтын.
  • Ачыу алгъа келсе, акъыл артха къалады.
  • Ат басханны джер билед.
  • Къызгъанчдан ычхыныр, мухардан ычхынмаз.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
Амина Газаева - член Союза писателей России! Поздравляем!))
 
#1
Джаратама0
22.12.2016 08:37:14 Translit
Мурадин Ольмезов

"Хурметли къарачай-малкъар миллет"!
Бюгюн Москвадан къууанчлы хапар келгенди. Поэзиябызны алтын джулдузчугъун - ГАЗАЛАНЫ АМИНАНЫ Россей джазыучуланы биригиуюне (Союзуна) алгъандыла. Келигиз, назмучу эгешчигибизни джюрегибизден алгъышлайыкъ!" - деб, Мурадин Ольмезов Фейсбукда джазгъанны окъуб, быллай хапарны сыйлы орну "Эльбрусоидни" сайтыды, мында джыйылады миллетибизни белгили, магъаналы, историягъа кирлик затлары (исторические моменты), деген сагъышда, бу хапарны бери кечюрмей къоялмадым.

Ма шаа Аллах! Керти да бек къууанч хапар болду, Аллах къууандырсын Аминаны мындан ары да! Ызы къалын болсун!) :гоккачыкъ: :гоккачыкъ: :гоккачыкъ:

Билал Лайпановны игилиги бла Аминаны чыгъармалары биринчи бизи сайтда басмаланнгандыла (для широкой публики, Кязим Мечиев бла Исмаил Семеновну атлары бла етген конкурсда елче болгъаныны юсюнден да бизни сайтда джазылгъанды, сора къууанмай къалай этеим?)) Къууаннганымы да "Эльбрусоидде" джазмай къалай чыдайым?)))


Багъалы эльбрусоидчи тенглерим! Барыгъызгъа да быллай кюн келсин: Аминача тутхан ишигизде бет джарыкълы болуб, миллетими аты иги бла айтдырдым, сюйген ишим бла кюреширча энтда бир джангы мадар (возможность) къошулду, деб, кеси кесигизге кел салырча))
Я самая классная на форуме))))))))))))))
 
 
 
#2
Джаратама1
22.12.2016 11:46:17 Translit
Ма ша Аллах! Алгъышлайма! Ызы къалын болсун, Амина!
Сэстренка,Амин Аллах алгъышларынга!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#3
Джаратама1
22.12.2016 19:47:50 Translit
Сэстренка,

Союзгъа кирген - ол да къууанч болур, алай а, манга эм уллу къууанч - адамланы джюреклери ачыкъ, халал, кенг болгъаны, бир-бирини джетишимлерине къууана билгенлери. Сени да, Сэстренка, Аллах къууандыргъанлай турсун - къыйынынг уллуду бу миллет сайтны отун джукълатмай турууда, башха ишлеринги айтмай къойсакъ да.

Аминагъа джетишимле теджеген бла бирге. тюзюн айтыргъа излейме: бусагъатда Эресейни джазыучуларыны Союзуну совет заманладача дараджасы, магъанасы къалмагъанды. Алай а, ары кирирге керекди - дуния былай турмаз. Газаланы Амина, анга рекомендацияла бергенле да сау болсунла.

Ол Союзгъа кирирге тыйыншлыла бизде дагъыда бардыла - джаш тёлюбюз бек фахмулуду: Айшат, Къара чачлы, Шаудан... Алай демек - бизни адабиятыбызны тамбласы барды.
Литературасы болгъан халкъ, джазыучулары кёб болгъан халкъ - тилин да, культурасын да сакълаяллыкъды.
Аллах къууанчдан айырмасын.


 
 
 
#4
Джаратама1
22.12.2016 20:03:48 Translit
Присоединяюсь к поздравлениям! :гоккачыкъ:
 
 
 
#5
Джаратама1
22.12.2016 20:37:51 Translit
Хы да, мен а китабын да окъугъанма!) Аминаны Союзгъа киргенин билгенимде мени да эсиме Рахайланы тынгысызжюреклери тюшген эди.

Аиша, бирге сакълабыз сизден къууанч хапар.)
Изменено: shaudan - 22.12.2016 20:49:49
 
 
 
#6
Джаратама1
22.12.2016 21:08:04 Translit
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
 
 
 
#7
Джаратама0
23.12.2016 01:56:04 Translit
Цитата
shaudan пишет:
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
Кертиси бла да, къайдадыла ала? Мен билмейме. Кеслери кёрюнюрге излемеселе - табхан къыйынды.
 
 
 
#8
Джаратама0
12.01.2017 01:03:11 Translit
Жукъла,
Малкъарым,
сен,
мен
белляу айтайым
сени
хар гюлюнге,
юйюнге,
элинге.
Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,
белляуну да жая
ол
женгил къанатдан.
Болсун,
Малкъарым,
хар
кеченг
дайым да шош,
эрттенинг а –
чууакъ.
Алай болмаса – бош
белляула да
айтхан,
назмула да
жазгъан,
Аллахым сакъласын
мени
ол ачыудан.

© #Газаланы_Амина
 
 
 
#9
Джаратама0
16.01.2017 00:14:49 Translit
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#10
Джаратама0
16.01.2017 03:29:55 Translit
Цитата
Айшат пишет:
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!


Аиша, вот то, что мне воистину нравится

* * * * *

Кюрешме
болургъа ёхтем,
къарачы жаууннга сабыр.
Энип келип
бийик кёкден
назик чёпге айтады жыр.

Кюрешме болургъа уллу,
гынтты да этме,
тенгим, бош.
Къая бийикди,
къарыулу,
алай а, кёр, турады шош.

Кюрешме кесинге дебер
сурап,
къарачы жулдузгъа:
бийикме демей,
жол нёгер
болады дайым
жолсузгъа.

#Газаланы_Амина
 
 
 
#
Джаратама0
  Translit
 
 
 
Страницы: 1
Читают тему (гостей: 1)

Форум  Мобильный | Стационарный