Расширенный поиск
24 Июня 2026 года
Логин: Регистрация
Пароль: Забыли пароль?
Навигация
Словарь
  • Билмегенинги, билгеннге сор.
  • Орну джокъну – сыйы джокъ.
  • Дуния аламаты сен эсенг да, игиме деб айтма.
  • Сибиртки да сыйлы болду, кюрек да кюнлю болду.
  • Зарда марда джокъ.
  • Чомарт джарлы болмаз.
  • Ариу джол аджал келтирмез.
  • Этни бети бла шорпасы.
  • Ойнай билмеген, уруб къачар.
  • Кёзюнде тереги болгъан, чёбю болгъаннга кюле эди.
  • Аурууну келиую тынч, кетиую – къыйын.
  • Урама да – ёледи, сатама да – келеди.
  • Ана кёлю – балада, бала кёлю – талада.
  • Ёлген эшек бёрюден къоркъмайды.
  • Ёмюрлюк шохлукъну джел элтмез.
  • Кёб джат да, бек чаб.
  • Тёзген – тёш ашар!
  • Адебсиз адам – джюгенсиз ат.
  • Ашыкъгъан cуу, тенгизге джетмез.
  • Джетген къыз джерли эшекни танымаз.
  • Байдан умут эте, джарлыдан ёгюз багъасы къорады.
  • Тойгъанлыкъ къойгъа джарашады.
  • Ач да бол, токъ да бол – намысынга бек бол.
  • Окъ къызбайны джокълайды.
  • Кёбге таш атма.
  • Тамбла алтындан бюгюн багъыр ашхы.
  • Ушамагъан – джукъмаз.
  • Керилген да, ургъан кибикди.
  • Билими азны – ауузунда кирит.
  • Иги адам абынса да, джангылмаз.
  • Уллу суу бла уллу ауруудан башынгы сакъла.
  • Байны оноуу, джарлыгъа джарамаз.
  • Тойгъан антын унутур.
  • Тенгни тенглиги джашай барсанг билинир.
  • Таукелге нюр джауар.
  • Бек анасы джыламаз.
  • Дженгил джетерикме деб, узун джолну къоюб, къысхасын барма.
  • Баланы адам этген анады.
  • Тели турса – той бузар.
  • Тил бла келеди джыр да.
  • Ауузу бла къуш тута айланады.
  • Ачлыкъда тары гырджын халыуадан татлы.
  • Къартха ушагъан джаш – акъыллы, джашха ушагъан къарт – тели.
  • Хата – гитчеден.
  • Ишни аллы бла къууанма да, арты бла къууан.
  • Эки къатын алгъанны къулагъы тынгнгаймаз.
  • Къонакъ кёб келюучю юйню, къазаны отдан тюшмез.
  • Адамны аты башхача, акъылы да башхады.
  • Ёлюр джаннга, ёкюл джокъ.
  • Уллу айтханны этмеген – уллаймаз.

Форум

Форум / Бёлюмле :: Тематические разделы / Санат бла маданият :: Искусство и культура
Страницы: 1
Амина Газаева - член Союза писателей России! Поздравляем!))
 
#1
Джаратама0
22.12.2016 08:37:14 Translit
Мурадин Ольмезов

"Хурметли къарачай-малкъар миллет"!
Бюгюн Москвадан къууанчлы хапар келгенди. Поэзиябызны алтын джулдузчугъун - ГАЗАЛАНЫ АМИНАНЫ Россей джазыучуланы биригиуюне (Союзуна) алгъандыла. Келигиз, назмучу эгешчигибизни джюрегибизден алгъышлайыкъ!" - деб, Мурадин Ольмезов Фейсбукда джазгъанны окъуб, быллай хапарны сыйлы орну "Эльбрусоидни" сайтыды, мында джыйылады миллетибизни белгили, магъаналы, историягъа кирлик затлары (исторические моменты), деген сагъышда, бу хапарны бери кечюрмей къоялмадым.

Ма шаа Аллах! Керти да бек къууанч хапар болду, Аллах къууандырсын Аминаны мындан ары да! Ызы къалын болсун!) :гоккачыкъ: :гоккачыкъ: :гоккачыкъ:

Билал Лайпановны игилиги бла Аминаны чыгъармалары биринчи бизи сайтда басмаланнгандыла (для широкой публики, Кязим Мечиев бла Исмаил Семеновну атлары бла етген конкурсда елче болгъаныны юсюнден да бизни сайтда джазылгъанды, сора къууанмай къалай этеим?)) Къууаннганымы да "Эльбрусоидде" джазмай къалай чыдайым?)))


Багъалы эльбрусоидчи тенглерим! Барыгъызгъа да быллай кюн келсин: Аминача тутхан ишигизде бет джарыкълы болуб, миллетими аты иги бла айтдырдым, сюйген ишим бла кюреширча энтда бир джангы мадар (возможность) къошулду, деб, кеси кесигизге кел салырча))
Я самая классная на форуме))))))))))))))
 
 
 
#2
Джаратама1
22.12.2016 11:46:17 Translit
Ма ша Аллах! Алгъышлайма! Ызы къалын болсун, Амина!
Сэстренка,Амин Аллах алгъышларынга!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#3
Джаратама1
22.12.2016 19:47:50 Translit
Сэстренка,

Союзгъа кирген - ол да къууанч болур, алай а, манга эм уллу къууанч - адамланы джюреклери ачыкъ, халал, кенг болгъаны, бир-бирини джетишимлерине къууана билгенлери. Сени да, Сэстренка, Аллах къууандыргъанлай турсун - къыйынынг уллуду бу миллет сайтны отун джукълатмай турууда, башха ишлеринги айтмай къойсакъ да.

Аминагъа джетишимле теджеген бла бирге. тюзюн айтыргъа излейме: бусагъатда Эресейни джазыучуларыны Союзуну совет заманладача дараджасы, магъанасы къалмагъанды. Алай а, ары кирирге керекди - дуния былай турмаз. Газаланы Амина, анга рекомендацияла бергенле да сау болсунла.

Ол Союзгъа кирирге тыйыншлыла бизде дагъыда бардыла - джаш тёлюбюз бек фахмулуду: Айшат, Къара чачлы, Шаудан... Алай демек - бизни адабиятыбызны тамбласы барды.
Литературасы болгъан халкъ, джазыучулары кёб болгъан халкъ - тилин да, культурасын да сакълаяллыкъды.
Аллах къууанчдан айырмасын.


 
 
 
#4
Джаратама1
22.12.2016 20:03:48 Translit
Присоединяюсь к поздравлениям! :гоккачыкъ:
 
 
 
#5
Джаратама1
22.12.2016 20:37:51 Translit
Хы да, мен а китабын да окъугъанма!) Аминаны Союзгъа киргенин билгенимде мени да эсиме Рахайланы тынгысызжюреклери тюшген эди.

Аиша, бирге сакълабыз сизден къууанч хапар.)
Изменено: shaudan - 22.12.2016 20:49:49
 
 
 
#6
Джаратама1
22.12.2016 21:08:04 Translit
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
 
 
 
#7
Джаратама0
23.12.2016 01:56:04 Translit
Цитата
shaudan пишет:
Ыразы болугъуз, темадан бир кесекчик кетейим. Эсигизде болур, адабият эришиу биринчи кере ётген жыл анга Мариям деп бир къызчыкъ къошулгъан эди "Хауачыкъ" атлы назмусу бла. Ол да бек фахмулу эди. Байчораланы Шамил а? Махийланы Жамбулат а? Най-най а, Най-най? Най-найгъа уллу кёлкъалдыма. Мен да назмуларын алай излеп, ол да кёрюнмей.) Нечик ариу жаза эди! Аллай таза фахму адамлагъа кёл берип, адамлыкъдан чыкъгъанланы да онгсуз этип турургъа боллукъду, Аллах сюйсе.
Кертиси бла да, къайдадыла ала? Мен билмейме. Кеслери кёрюнюрге излемеселе - табхан къыйынды.
 
 
 
#8
Джаратама0
12.01.2017 01:03:11 Translit
Жукъла,
Малкъарым,
сен,
мен
белляу айтайым
сени
хар гюлюнге,
юйюнге,
элинге.
Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,
белляуну да жая
ол
женгил къанатдан.
Болсун,
Малкъарым,
хар
кеченг
дайым да шош,
эрттенинг а –
чууакъ.
Алай болмаса – бош
белляула да
айтхан,
назмула да
жазгъан,
Аллахым сакъласын
мени
ол ачыудан.

© #Газаланы_Амина
 
 
 
#9
Джаратама0
16.01.2017 00:14:49 Translit
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#10
Джаратама0
16.01.2017 03:29:55 Translit
Цитата
Айшат пишет:
Цитата

shaudan пишет:

Жукъусуз черекни
макъамын
алайым,
салайым гёбелек
къанаты
юсюне.

Гёбелег а учар –
журтуму
башындан,

© #Газаланы_Амина

Къалай арюуду!


Аиша, вот то, что мне воистину нравится

* * * * *

Кюрешме
болургъа ёхтем,
къарачы жаууннга сабыр.
Энип келип
бийик кёкден
назик чёпге айтады жыр.

Кюрешме болургъа уллу,
гынтты да этме,
тенгим, бош.
Къая бийикди,
къарыулу,
алай а, кёр, турады шош.

Кюрешме кесинге дебер
сурап,
къарачы жулдузгъа:
бийикме демей,
жол нёгер
болады дайым
жолсузгъа.

#Газаланы_Амина
 
 
 
#
Джаратама0
  Translit
 
 
 
Страницы: 1
Читают тему (гостей: 2)

Форум  Мобильный | Стационарный