Расширенный поиск
26 Апреля 2026 года
Логин: Регистрация
Пароль: Забыли пароль?
Навигация
Словарь
  • Миллетни бойну – базыкъ, аны бла кюрешген – джазыкъ.
  • Тойгъа барсанг, тоюб бар, эски тонунгу къоюб бар.
  • Джерни букъусу кёкге къонмаз.
  • Мураты болгъанны джюрек тебюую башхады.
  • Ёзденликни кёбю ётюрюк.
  • Юреннген ауруу къалмаз.
  • Ургъан суудан башынгы сакъла.
  • Ичимден чыкъды хата, къайры барайым сата?
  • Тюзлюк шохлукъну бегитир.
  • Телини эшигин, махтау джабар.
  • Керек ташны ауурлугъу джокъ.
  • Джангыз терек къынгыр ёсер.
  • Мал тутхан – май джалар.
  • Къозулугъунда тоймагъан, къойлугъунда тоймаз.
  • Окъ къызбайны джокълайды.
  • Джарлы эскисин джамаса, къууаныр.
  • Джаханимни кёрмей, джандетге кёл салмазса.
  • Ашхы атаны – джашы ашхы, ашхы ананы – къызы ашхы.
  • Акъыллы айтыр эди, акъылсыз къоймайды.
  • Бал ашаргъа сюе эсенг, чибин ургъаннга тёз.
  • Къызгъанчдан ычхыныр, мухардан ычхынмаз.
  • Тулпарлыкъ, билекден тюл – джюрекден.
  • Ишлегенден, къарагъан уста.
  • Къарын къуру болса, джюрек уру болур.
  • Адамгъа аман кюн соруб келмейди.
  • Бети къызарыучу адамны, джюреги харам болмаз.
  • Баланы адам этген анады.
  • Джюз элде джюз ёгюзюм болгъандан эсе, джюз джууугъум болсун.
  • Ачыу алгъа келсе, акъыл артха къалады.
  • Айтхан – тынч, этген – къыйын.
  • Уясында не кёрсе, учханында аны этер.
  • Огъурлуну сёзю – суу, огъурсузну сёзю – уу.
  • Тили узунну, намысы – къысха.
  • Ёпкелегенни ашы татлы болады.
  • Тенгинг джокъ эсе – изле, бар эсе – сакъла!
  • От этилмеген джерден тютюн чыкъмайды.
  • Джети тилни билген джети кишиди.
  • Мухардан ач ычхынмаз.
  • Мал кёб болса, джууукъ кёб болур.
  • Ач келгенни – тойдур, кеч келгенни – къондур.
  • Чалманны аллы къалай башланса, арты да алай барады.
  • Ач къарынны, токъ билмез
  • Таула не мийик болсала да, аууш табылыр.
  • Иги адамны бир сёзю эки болмаз.
  • Къартны бурнун сюрт да, оноугъа тут.
  • Эри аманны, къатыны – аман.
  • Итли къонакъ джарашмаз.
  • Сёз къанатсыз учар.
  • Алим болгъандан эсе, адам болгъан къыйынды.
  • Ёлмесенг да, къарт дамы болмазса?

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Сиз сабий садлагъа къалай къарайсыз?!?, Кёбюсюнде хайырмыды андан огъесе хатамыды?!?
 
#1
Джаратама2
23.12.2012 01:07:13 Translit
Сабий сад! Заман бара-баргъаны сайын, бир сейир неле да чыгъада барадыла. Алай, сабий сад бизге таныш затды дерчады.
Ким айтсын манга, сабийни ёз анасындан иги ким тюзаталлыкъды жолгъа да, диннге да, тилге да!? Туугъан журтуна сюймекликни, алан миллетине кертичиликни ким тамырлаталлыкъды тынгылысыча аны кёлюнде эм жюрегинде?! Бу затланы мурдорлары салынмасала, была жокъдула деб къояргъа боллукъду, болсала да, тутхучсуздула!
Сабий юйюнде турса, ата-ана жылыуда ёссе, ол башха САБИЙди деяллыкъма! САдха жюрюген баланы жашауу:къобады эрттен бла, сюер-сюймез(кёбюсю) садха тебирейди, анда кюнюн оздурады, ингир бла юйюне келеди, ата-ананы кёреди, къууанч, той! ( Сау кюнню да къууана болмаз аллай бир). Алай, аны бла ол къууанчны бёлюрча кючлери ол экисинден биринде да жокъду, жарсыугъа! Ала арыб келгендиле, анга да хахай-тухай, жукъла дей, кече болду. Сабий тоялмайды ол такъыйкъаладан, сабий излеген этеди жууукъ къанын!
Орус юйюрледе, энди бизде да бола башлагъанды алай, сабийле ата-ана эсгертмей, чач тараргъа юйреннгенлей, биз уллулабыз деб тебирейдиле, ( я уже взрослая, моя личная жизнь, не вмешивайся) барыгъызгъа да эшитиле тургъан болурла. Кёбюсюнде, мени жашауума къатышма деген сёзле ышаныу болмаса чыгъадыла. Мен да, сиз да жюрек жарсыуубузну ышаннган адамыбызгъа айтабыз. Сабийлигинде жанында турмагъан анагъа, уллулукъда ышаныу болурму? Ол тыш адамча кёрюнеди бир-бирлеге.
Сабий юйде кеси эрикген этеди деген сылтау бла жашагъанлагъа уа, айтырым: кеси эриге эсе, эрикмезча этигиз, кесин нек къойгъансыз да? Нёгерле керекдиле анга ол эриге тебиреген эсе.
Мени ангыламазлыкъла да кёбдюле, билеме, болсада, сора мен аланы ангылаб бир кёрюрме!
"Къадарны этегинде...","Сени ючюн"...(с)
 
 
 
#2
Джаратама1
24.12.2012 14:14:06 Translit
Къара чачлы, тюзсе, артыкъсызда муслиманча джашауну излегенле сабийлерин динден бек узакъ адамлагъа аманат этгенлери тюз зат тюлдю...
 
 
 
#3
Джаратама1
24.12.2012 16:58:13 Translit
мэн англагъанга кёре сабий сад амалсызны иши болургъа керекди. ышанмайма , ышаналмайма. ол бу деп воспитателлени айырмай, саулай системагъа. бири экиси керти адамла, акъыл билим, адеб берикле болсала да, къуралгъан система адамладан бир уллу сюрюу ишлегенча алай кёрюнеди манга, энчиликни(тюз айтхан эсем ) къурутургъа излеп.. гитчеликден тюзлюк бла терсликни, адмлыкъны, игилик бла аманлыкъны юйюнде , кёз алында юлгюле бла юренирге кереклиди.
"образование" жаны бла къарасакъ жылдан жылгъа, окъуучула кёбюсю билим алгъан сылтау бла заманларын кечиндирип, аз-маз бир усталыкъ кибик алалсалада, акъыл а артыкъ эсленмейди... кертисин айтыргъа, щёндюгю жашауда блай тохтап сагъыш этерче адамны заманыда болмай къалады. кишиге аны сагъыш эткенида керек болмазмы..(орнунгда этер ишинги билда. къарнынгы тойдурда, "биз" санга эркин этген жашауунгу бардыр... ол "биз" дегенле уа кече-кюн демей, арымай-талмай, тюню-тюшлеринде да жарсыудадыла бизге къайсы ахшылыкъ игиликле байлыкъла къураргъа...-теория ... практикасыуа - ишлеген кибик этип, къайда незат юзерге. къарнымы тойдурургъа. хуржунуму толтурургъа. . башымда тургъан оноучу разы болуп, онг берип турсун )...
тёгерек-баш болгъан къазауат(гузаба), алдаула кёп. керексиз адетле кёп. исраф.. программанг тауусулургъа уа заманынгда озады, мыйынгда санынгда къартдан къарт бола, къарыусуз бола барады.. керти керекли билим а, адамны ишлендирген, къылыгъын несин да (динни ангылау, хар ишни адетине усталыкъ, тилинги байлыгъына юрениу д.а.к. ) , арт планга кетип, жашауда ыз къоймай , къуруп барадыла.
бу мэйнстримни башы уа - садикдеди.
дагъыда садикге бармаса тенглеринден артха къалады зат. башха сабийлеге къатышып, ала бла ойнай игиракъ ёседи дейдиле.. ёседа болур . айхай, алай а башында айтылгъанча къуралгъан системада анга къаллай адеб юретириклери, къаллай билим бериклери, къайсы сагъышлагъа бурукълары - уллу ишеклиликдеди
My homepage
 
 
 
#4
Джаратама1
24.12.2012 16:59:51 Translit
садиксизда нормально ёсгенбиз. школда да алгъа болмаса, артха къалмагъанбыз ))
Аллахха махтау!
My homepage
 
 
 
#5
Джаратама1
24.12.2012 19:58:34 Translit
Цитата
Къара чачлы пишет:
Сиз сабий садлагъа къалай къарайсыз?!
:lol::lol::lol: Сабий сад)))) Джокъмуду бизде "сабий сад"-ны орнун тутхан бир сёз?))) "Сабий терек бачха", дегенча?)))



Цитата
МЭН пишет:
садиксизда нормально ёсгенбиз...
...мектабсызда, университетсизда!!!:гыы:
 
 
 
#6
Джаратама0
24.12.2012 20:11:49 Translit
Totur_Ram, хеууа :гыы:
мектаб дегенинг неди? مكتبة? ))
My homepage
 
 
 
#7
Джаратама0
24.12.2012 20:18:30 Translit
МЭН, да мен кесибизни тилде суу устама да))) :гыы:
Хоу, мектаб сез араблыладан келген болур)))

"Детский сад"-ны да табдым - uşaq bağçası болады, тюркча. Ушак бачхасы)))
 
 
 
#8
Джаратама0
24.12.2012 20:25:25 Translit
Цитата
Totur_Ram пишет:
"Детский сад"-ны да табдым - uşaq bağçası болады, тюркча. Ушак бачхасы)))
къайсы тюркчада болады бу тюрлю сёз?
Сора теманы терсине нек бураса?))
 
 
 
#9
Джаратама0
24.12.2012 20:29:34 Translit
Totur_Ram, араблыладан келтирсек медресе дергее тийишлиракъды = )
ансы мектаб - библиотекады. китап деген сёзден . медресе -дерс деген сёзден ))
артыкъ ышанма ол сёзлюкге. суу уста :гыы:

андан эсе бир айт, сабийлеринги садикге ышанганмыса? огъесе кесингми ёсдюресе?)))
My homepage
 
 
 
#10
Джаратама0
24.12.2012 21:01:36 Translit
МЭН, арабча библиотека, бизнича уа - школду, мен ол сезню башха китабдада кергенме)))

Сабийлерим къайгъылы тюлме, къайры сюйселе ары барырла)))



Цитата
Abdullah пишет:
къайсы тюркчада болады бу тюрлю сёз?
Сора теманы терсине нек бураса?))
гугл переводчикни ичинде чекген тюркча)))
Теманы терсине айландырмайма, тюзете турама. "Сабий сад" деген неди? Тюз сезле бла джазыгъыз))) "Детский сад" дегенда табды, сабий саддан эсе)))
 
 
 
#
Джаратама0
  Translit
 
 
 
#11
Джаратама0
24.12.2012 21:21:41 Translit
Совет кърал бегиб, "детсад" дегенле къурала башлагъан сагъатда, къарачайлыла "сабий садла", "детсадла" да демей эдиле. Ол термин къарачай тилде "сабий джурт" деб, джазылыб башлагъан эди (ол заманда ана тилни тамырландырыу бара эди - "политика коренизации родных языков"). Школгъа, билблиотекагъа да былай дей эдиле:

школа - мектеб, окъул;
библиотека - китабхана, кютюпхане:
детсад - сабий джурт;
детдом - сабий юй.

Ол сагъатда чыкъгъан газетлеге, китаблагъа къарасагъыз - кёб сейир затха тюртюлюрге боллукъсуз.
Малкъар джанында "Бизни тилде терминле" деб, бир иги илму тинтиу кёрген эдим. Аны табыб былайгъа салалгъан болса - иги иш этерик эди.
 
 
 
#12
Джаратама2
24.12.2012 21:25:35 Translit
Totur_Ram,
сабийлеринг къайгъылы сен болмасанг,ким боллукъду? Огъесе ол чам этгенлигингмиди? Ала аз зат сюйюб, аз жары бармазла, оноуну къолларына бериб къойсанг, кесинги да аз жерге элтмезле!
"Къадарны этегинде...","Сени ючюн"...(с)
 
 
 
#13
Джаратама0
24.12.2012 21:33:31 Translit
Цитата
Totur_Ram пишет:
гугл переводчикни ичинде чекген тюркча)))
:чёссе: ийнанмайма, къалай гугл переводчик тюгел аллай сейир кёчюрмей эди мен билиб, мен да къарайымчы ........ къарадым "анаокулу" деб джазады менде уа)) азербайджан тюркча бла къатышдыргъан болурмуса сен билмейин? Андан сора да чоджук ювасы деб да айтыргъа джарарыкъды, не да чоджук креши гитчерек сабийле ючюн айтыладыла была.

Цитата
Totur_Ram пишет:
Теманы терсине айландырмайма, тюзете турама. "Сабий сад" деген неди? Тюз сезле бла джазыгъыз))) "Детский сад" дегенда табды, сабий саддан эсе)))
алаймыды, тюз огъуна айта болурса, 5+ сеннге))
 
 
 
#14
Джаратама0
25.12.2012 18:02:11 Translit
Sabr, :alamat: сау болугъуз, мени дженгиб къояеле, аллай сез джокъду, деб)) Сабий джурт - аламат сезге ошайды, "джуртну" мен къру Ата джурча ангылайма, ансы, ол мени терслигимди))


Цитата
Abdullah пишет:
5+ сеннге))
сау бол, сау бол!)))

Цитата
Къара чачлы пишет:
сабийлеринг къайгъылы сен болмасанг,ким боллукъду?
Бир иги аналары боллукъду, Аллах айтса! нелеринда этиб туруучу))) Менге "дневникге къол сал", деб, келе турурла, эки ыйыкъда бир кере))))
 
 
 
#15
Джаратама2
25.12.2012 19:14:03 Translit
Totur_Ram,
Аллах бар муратларынгы берсин! Алай, сен къатышмай,не иги аналары болса да жарарыкъ тюйюлд, сёз ючюн, уланларынг болсала, алагъа эркиши юйретиу керекди!
"Къадарны этегинде...","Сени ючюн"...(с)
 
 
 
#16
Джаратама0
25.12.2012 19:45:44 Translit
Къара чачлы, ну чо? садны джуртха тюрлендиребизми темада?)
My homepage
 
 
 
#17
Джаратама1
25.12.2012 23:33:44 Translit
Къара чачлы,
бизни садладан сабийле бурун суу бла зётелден башха бир зат хазна ала болмазла))
жашауда аз тюрлю болмайды, амалы болмагъан анагъа не айтхын? болушлугъу болмаса.
керти аламаты сабий садны мени къарауум бла айтайым. сабийге юц зыл толду, аны беребиз садха сагъат 9-14 дери. эртенликде юйде ашатабыз, биргесине татлы суу бла гырзын зау бишлакъ (бутерброт, сендвич) беребиз кюн ортада ашаргъа, сора сагъат экиде юйге келтиребиз. хар кимне да аламат.
сабий- солуду юйден, тенглери бла ойнады, дин сад болса бир эки аят юйренди, неда назму, алай анга кёре.
ана- юй зумушларын башха ишлерин (къагъыт, налог а.а.к.) этди. неда ишлемей болмай эсе, пол ставкагъа ишледи.
не дейсе аллай садха?))
Дорогу осилит идущий (с)
 
 
 
#18
Джаратама2
26.12.2012 01:34:43 Translit
МЭН,
Къайда эм къалай тюрлендириледи? Мен алыкъа зат да билмейме мында...
Изменено: Къара чачлы - 26.12.2012 01:45:25
"Къадарны этегинде...","Сени ючюн"...(с)
 
 
 
#19
Джаратама2
26.12.2012 01:47:25 Translit
turnala, Бусагъатдагъыладан сен айтхан табыракъ келеди!
Алай, аны бла бирге, сен а ма бу затха къалай къарайса?

Сабий излегенин толу ангылата башлагъан заманда, аны акъылы нени да билге излеб башлайды. Хар затны соруб, билирге итинеди. Ол, ол жылларында сейир этген, анга къууанч келтирген, аны жарсытхан затланы эсинде ёмюрге къояды дерге боллукъду.
Жарсыуугъа, бусагъатдагъы дунияда, бизни сабийлерибизден биз излегенча кёбюсю болмайдыла. Нек?
Биринчиси. Бек аздан он жылы жетгинчи, сабий кесин ангылаялмай турады. Миллетин, динин, тилин, журтун, тарыхын! Миллетге биттеу бар адет-тёребиз, тарыхыбыз киреди. Ма ол миллетни не миллет, къаллай миллет болгъанын; динибизни тюзлюгюн; ол тилни байлыгъын, тазалыгъын, ариулугъун; журтубузну тамашалыгъын; тарыхны чексизлигин, быланы барысын да ол сабий акъылыны эм жюрегини теренинде ёмюрге да къырылмаз шакъы бла жазыб къоярча, аны юсюне, сюйюб, излеб жазарча, ол чекге жетдирирге керекди. Аны бла тохтаб къалмай, къайтарыб, ол жазылгъанны эсине салыб, унута башласа, кеси эскерирча юйретирге. Ол заман, сабий кесини атын къайтарыб айтыб тургъанча боллукъду, анга не ат атасала да, ол билген этерикди ,ангылагъан, аны аты, ол билгенча болгъанын эм да тюрлендирирге излерик тюйюлдю! Аны себебли, не миллетни, не динни, не тилни, не журтну, не тарыхны юсюнде ол тюз жолдан бир заманда да шашмаз! Быланы барсысында анга аллай бирге билдирирге керекди, аны бир башха адам, не амал бла да башха акъылгъа буралмазча.
Экинчиси. Бу затланы сабийге ангылатхан, уллула бла тенглешдирсек, къыйын тюйюлдю. Уллугъа ангылатханча да ангылатылмазбыз. Сабий кеси эс берирге керекди, сабийни эсин а къалай алдыргъа боллукъду? Оюнла къураргъа керекди, кеслерин да къатышдырыб, соруула да соруб, жомакъла салыргъа, къысхасы, сабийни сейирсиндирирге! Артдан ол бу затха башын бурмай къояргъа да боллукъду, эриксе. Аны ючюн, кюнден - кюннге бекден – бек тартыла келирча бир зат келишдирирге керекди.
Ючюнсючю. Эм бек шахарда тургъан сабийле кереклидиле бу жумушда. Ыйыкъгъа эки, юч андан да иги, аланы жыяргъа керекди. Элледе, ыйыкъгъа бир да жетер.
Тёртюнчюсю. Кёб атала-анала муну ангыламазгъа боллукъдула, ангылатыргъа тийишлиди. Бу миллетни биригиуге, тилни сакълаугъа, адет-тёрени тас этмезге, тарыхны билирге чакъырады ансы, не миллетчиликге, неда башха бир затха угъай!
Бу барысы да тыныб барса, ёсерик тёлюле, бусагъатдагъы тёлюден миллет шартлагъа минг кере къаты болуруна сёз жокъду. Он сабийден бешиси сыйынса да бегимге, себебди.
Бешинчиси. Эм бек сабий психолог, тилни, тарыхны, динни билген къауум адам керекдиле!


Бу уллу жумушду, алай тынч къуралыбда къаллыкъ тюйюлдю, алай, мынга эс бериб, бу ишни кёлюбюз бла тутсакъ, кесигиз сагъыш этигиз, биз къаллай тёлю ёсдюрюр амалыбыз боллугъун! Жюз сабийден алтмышы сыйынса да бу бегимге, ОЛ НАСЫБДЫ!
"Къадарны этегинде...","Сени ючюн"...(с)
 
 
 
#20
Джаратама0
26.12.2012 01:48:08 Translit
Къара чачлы, топикни биринчи айтымын (дейим) тюрлендирген заманда , атында тюрлендирирге болады. бир кёр. болмаса бизлеге айт незатны къалай жазаргъа. мэн этерме =)
My homepage
 
 
 
#21
Джаратама0
26.12.2012 02:07:29 Translit
Къара чачлы,
да кертисин айтханда ол мен айтхан бла бу бирди
аламат боллукъ эди сабийлеге аллай зат ацылса, алай къыйында болмаз аны этерге, керти адамла керекдиле ансы.
къалай алай болсада, ата ана сабий бла алай кюрешиб турукъ тюйюлдюле, анга бек уллу сабырлыкъ керекди, бу къыйын дунияда уа алай зенгил болмаз. аллай бир зыйылыу этиле турса уа сабийлеге, устаз болса алагъа программа бла юйретиб, ангылытыб, къысхасы бла айтыргъа бек цабханлай элтирик болур эдиле аллай зер табсала сабийлерин.
бек уллу зарсыугъа шахарда ёсген сабийле ахырыда ангылаулары болмай ёсюб барадыла(((
Дорогу осилит идущий (с)
 
 
 
#22
Джаратама2
26.12.2012 02:14:43 Translit
МЭН, кёргенме,болмайды((((
ТУРНАЛА,бу жумушуну неда этиб,чегине жетдирирге керекди!
"Къадарны этегинде...","Сени ючюн"...(с)
 
 
 
#23
Джаратама0
26.12.2012 02:29:19 Translit
Къара чачлы, сёзсюз да! тепсерге, зырларгъа зыйылыула этиледиле да, бу ишге да бир эки кере ыйыкъгъа сабийлени зыя туругъа нек болмайды? алай эте сора хар кюн ишлеген садикда ацылыб къалыр Аллах буюрса.
Дорогу осилит идущий (с)
 
 
 
#24
Джаратама2
26.12.2012 03:04:17 Translit
turnala,
Алай бир башланса,андан ары кётюрюле барырына сёз да жокъду! Сёз болмазгъа керекди! Ол ёсерик жаш тёлюню биз-жаш тёлю сыйынмагъан кёб затдан сакълар амалы барды!Не онгубуз бар эсе да,хар нени да керюрге керекбиз!Кеч болгъунчу...
"Къадарны этегинде...","Сени ючюн"...(с)
 
 
 
#25
Джаратама0
26.12.2012 21:02:00 Translit
Къара чачлы, сау болугъуз! Биргелей!)))

Цитата
Къара чачлы пишет:
сен къатышмай,не иги аналары болса да жарарыкъ тюйюлд, сёз ючюн, уланларынг болсала, алагъа эркиши юйретиу керекди!
Сез джокъ, сез джокъ! Къру анагъа атыб къояргъа джарамаз! Хар айсайын сабийлени джыйыб: "Къылыкъ этемисиз, сабийле?" - деб, соруула соруб, "этмеесегиз игиди, этмегиз", - деб, юретиб, кампет-къалач бериб, къарагъа керекди! игитда!)))
 
 
 
#
Джаратама0
  Translit
 
 
 
#26
Джаратама2
24.01.2013 15:27:28 Translit
Totur_Ram, къой,къой,къой!
Алай терк жыймазса, эки-юч жылгъа бир жыйсанг жетеди да:думаю:!
Сен айгъа быланы бир кёрюргеми айтаса?
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный