Расширенный поиск
27 Июля 2026 года
Логин: Регистрация
Пароль: Забыли пароль?
Навигация
Словарь
  • Этни бети бла шорпасы.
  • Игиге айтсанг – билир, аманнга айтсанг – кюлюр.
  • Джарлыны тону джаз битер.
  • Таукел адам тау тешер.
  • Айранын берсенг, челегин да къызгъанма.
  • Зар адамны насыбы болмаз.
  • Къарт болгъан джерде, берекет болур, сабий болгъан джерде, оюн болур.
  • Джюрек кёзден алгъа кёрюр.
  • Джашны джигитлиги сорулур, къызны джигерлиги сорулур.
  • Кёпюр салгъан кеси ётер, уру къазгъан кеси кетер.
  • Къызын тута билмеген, тул этер, джашын тута билмеген, къул этер.
  • Къонакъ аман болса, къонакъбай джунчур
  • Къыз тиширыу кеси юйюнде да къонакъды.
  • Аш хазыр болса, иш харам болур.
  • Тил – кесген бычакъ, сёз – атылгъан окъ.
  • Джолунга кёре – джюрюшюнг, джагъанга кёре – юлюшюнг.
  • Башсыз урчукъ тюзюне айланмаз.
  • Джаным-тиним – окъуу, билим.
  • Хунаны тюбюн къазсанг, юсюнге ауар.
  • Кютгени беш эчки, сызгъыргъаны уа, джерни джарады.
  • Окъугъан – асыу, окъумагъан – джарсыу.
  • Ойнай-ойнай кёз чыгъар.
  • Къызгъанчдан ычхыныр, мухардан ычхынмаз.
  • Къыз келсе, джумуш эте келеди, къатын келсе, ушакъ эте келеди.
  • Элде адам къалмаса, ит тахтагъа минер.
  • Ашхы – джыяр, аман – джояр.
  • Джыгъылгъанны сырты джерден тоймаз.
  • Сабийни джумушха джибер да, ызындан бар.
  • Эли джокъну – кёлю джокъ.
  • Элге къуллукъ этмеген, элге ие болмаз.
  • Элни кючю – эмеген.
  • Ат басханны джер билед.
  • Уллу атлама – абынырса, уллу къабма – къарылырса.
  • Айраннга суу къош, телиге джол бош.
  • Байлыкъ адамны сокъур этер.
  • Байны къызы баймакъ болса да, юйде къалмаз!
  • Ашхы болсанг, атынг чыгъар, аман болсанг, джанынг чыгъар.
  • Биреуню къыйынлыгъы бла кесинге джол ишлеме.
  • Битмегеннге сакъал – танг.
  • Окъдан джара эртде-кеч болса да бителир, сёз джара, ёмюрге къалыр.
  • Джюрекге ариу – кёзге да ариу.
  • Кесинг сынамагъан затны, адамгъа буюрма.
  • Орну джокъну – сыйы джокъ.
  • Ёлюк кебинсиз къалмаз.
  • Эр сокъур болсун, къатын тилсиз болсун.
  • Уллу суу бла уллу ауруудан башынгы сакъла.
  • Ойнай билмеген, оюн бузар.
  • Аджашханны ызындагъы кёреди, джангылгъанны джанындагъы биледи.
  • Ата джурт – алтын бешик.
  • Ашыкъгъан cуу, тенгизге джетмез.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
БОРЧМУДУ/BORCHMUDU?, Ана тилин билирге, Ана тилинде сёлеширге, окъургъа, джазаргъа муслиман адамгъа борчмуду?
 
#1
Джаратама1
12.09.2013 16:44:53 Translit
ДИНДЕН ТЕРЕН ХАПАРЛЫ КЪАРНАШЛАГЪА ТАЛАЙ СОРУУ:

1.Ана тилин билирге, Ана тилинде сёлеширге, окъургъа, джазаргъа, сабийлерине да Ана тилин билдирирге муслиман адамгъа борчмуду?

2.Башха динли, башха тилли миллетни тилин алыу, аны тилине кёчюу, аны кесине Ана тил этиу, ол тилде сёлешиб туруу - гюнахмыды, тюлмюдю?

3.Ана тилни бизге Аллахмы бергенди, огъесе, кесибизми къурагъанбыз? Аллах берген эсе, Ол берген затланы сакъларгъа, айнытыргъа борчлубуз, бермеген эсе - анга кёре... Тюз ангылаймамы экен?

4.Кесини туугъан анасын, аны ёсдюрген анасын атыб, бир башха динли, тилли ананы кесине Ана этген адам бла,
кесини ёз тилин башха динли, башха тилли бир миллетни тилине ауушдургъан халкъ - бирча гюнахлы тюлмюдюле дин кёзден къарасакъ?

Мен Ана тилибизде джазгъан соруула иги ангылашынмай эселе - эки тилге да уста бир форумчу орус тилге кёчюрсюн.
 
 
 
#2
Джаратама0
13.09.2013 01:58:49 Translit
Sabr, аламат тема, керекли заманда эм керекли жерде ачылгъанды!
Жууапланы сакълайбыз!
Изменено: Къара чачлы - 13.09.2013 01:59:17
"Къадарны этегинде...","Сени ючюн"...(с)
 
 
 
#3
Джаратама1
13.09.2013 10:46:06 Translit
Sabr,
Цитата
Sabr пишет:
ДИНДЕН ТЕРЕН ХАПАРЛЫ КЪАРНАШЛАГЪА ТАЛАЙ СОРУУ:
Формумда аллай бирэкюч адам барды да , алада окъугъаелле бу теманы..
Джаш"шыйыхла"уа сорууланы да тюз ангыламазгъа боллукъдула,тилни таб билмегенлери себебли, , ангылысала да тик-тик ёре-ёре , гитче хатачы сабийге
къарт уллу кёллю алим сёлешгенча , джазарыкъдыла да джюрек джарлыкъдыла. Не джазарларыда примерно стили белгилиди : " Сакъалды борч! ана тилни билген борч тюлдю! далиль, джокъду! динде алан тилни юренигиз деб джокъду!!!!!!" ))))))))))) сора бу акъылманлагъа бой бермегенге уа "тели, аман, кяпыр,сатлыкъ, сокъур,сангырау, дак. затла атаргъа кюреширикдиле! Былай этерикдиле да биягъынлай динибизни эриши кёргюзтюрюкдюле да кетерикдиле... ТАРМЫЙЫЛЫКЪ!...

КЕСИНИ ОЮМУН-САГЪЫШЫН АЙТХАННЫ ,ГЮНАХХА САНАМАГЪЫЗ,АЛАНЛА! АНГА АЙТЫЛАДЫ ОНОУ ,КЕНГЕШ ЗАТ ДЕБ. ! КИЙИКЛЕ ,АГЪАЧ АДАМЛА ,НЕ ДА ОРУСЧА СЁЛЕШГЕН АРАБЛЫ БОЛУБ КЪАЛЫРГЪА КЕРЕК ТЮЛДЮ АДАМ!
с УВАЖЕНИЕм !
 
 
 
#4
Джаратама1
14.09.2013 00:37:38 Translit
Кечегиз Нёрлю болсун,,Багъалыларым! :превед: :ялучший:

Эркинлик берсегиз ,ходжала- хаджиле киргинчи ,мен ангылагъанымы бир джазайым.

Къуртну-къумурсханы,,теркни-тенгизни,кёкню- джерни ,къанатлыны, чабакъны, адамны ,малны.......Сыйлы Аллах джаратханды!!!

Хар джаратхан затына танылырча сыфат бергенди, аууаз, таууш бергенди........,

Адамулуна тил бергенди, намыс бергенди,ангы бергенди, Иман бергенди, уят-хайят бергенди.......

Дунияны башында тилле да Аллаху Тагъаладандыла ,деб турама.......

Адамла кеслери къураб айныгъан тил биле эсегиз , айтыгъыз........


Ёсюб келген тёлюлеге ТИЛНИ ,адетни -джорукъну билдириге АТА-АНА борчлудула!!!!

Бусагъатда чыртданда чурум джокъду...... киши бойнуна атаргъа ол джумушну....юйде Ана тилигизде сёлешигиз!

Бизни къралда болмагъанды аллай заман школлада Къарачай Тилни айнытхан ......билгенибиз Ата-Анадан болгъанды!

Айхай-айхай .....юренигиз, не къадар кёб тилге....кёб адетге....алай а. кесигизни чебкенигиз болмай, хахух чебкен кийиб къалай джашарыкъсыз джашауугъуда?


Гюнах болмаса да, бу иш бек ушагъусуз иш боллукъду , кесини ызын джюрюте билмеген!

Балалары:биз не миллетбиз? Биз не Тилде селеширге керекбиз? Кесибизни Тилде нек селешмейбиз?- деб, сорсала, не джууаб берликдиле Ата-Ана?


"Биз эринген этгенбиз Тилибизни- Джоругъубузну билирге"-дерик болурла.........
Изменено: Кергелен - 14.09.2013 04:34:17
 
 
 
#5
Джаратама0
14.09.2013 03:08:17 Translit
Цитата
Sabr пишет:
1.Ана тилин билирге, Ана тилинде сёлеширге, окъургъа, джазаргъа, сабийлерине да Ана тилин билдирирге муслиман адамгъа борчмуду?
АДАМГЪА борчду.


Цитата
Sabr пишет:
2.Башха динли, башха тилли миллетни тилин алыу, аны тилине кёчюу, аны кесине Ана тил этиу, ол тилде сёлешиб туруу - гюнахмыды, тюлмюдю?
Тююльдю гюнах. Сылхыр токълудан соруу аз, аны мыйысында къуртла бардыла.


Цитата
Sabr пишет:
3.Ана тилни бизге Аллахмы бергенди, огъесе, кесибизми къурагъанбыз? Аллах берген эсе, Ол берген затланы сакъларгъа, айнытыргъа борчлубуз, бермеген эсе - анга кёре... Тюз ангылаймамы экен?
Ким бергенинда нек чертлейме? Кесинъи адамгъа санаесенг, атангда анангда адам адетледен чыкъмаин тургъанэсэлэ -- ХОУ.


Цитата
Sabr пишет:
4.Кесини туугъан анасын, аны ёсдюрген анасын атыб, бир башха динли, тилли ананы кесине Ана этген адам бла,
кесини ёз тилин башха динли, башха тилли бир миллетни тилине ауушдургъан халкъ - бирча гюнахлы тюлмюдюле дин кёзден къарасакъ?
Не кёз бла къарасангда -- ОГЪАЙ. Халкъны тарлатыб тыргъа джыйсанг, аны ичинеда отну, ууну атсанг, сора ... халкъны не сюйгенингча
сыфат алдырыргъа боллукъса. Аны себебли халкъны гюнахы кёбге аз болурму?
 
 
 
#6
Джаратама0
14.09.2013 03:27:52 Translit
Тилге жарсыуунг уллу болгъанлыкъгъа, борчланы тюз тизергеда юренирге борчду )
Бек уллу борч тилге жетгинчи Аллахны танып, жашауну магъанасын излемеклик борчлуракъ болмазмы?
Сёзючюн, иман-шахадат, намаз, ораза, закят, хадж.. бланы борчмуду, ол борчну къалай толтурабыз... быллай бир жарсыуу кёрюнмейди.
Ол тилни Аллахны аллында борбузму дегенле, керти Аллахны алында борчубуз неди дегенле кёбмюбюз?
My homepage
 
 
 
#7
Джаратама0
14.09.2013 03:48:31 Translit
Sabr,

Къысхасы бла айтсакъ ,борч тюйюлдю !

Алай Кергелен, бек тап бек ариу келиштиргенди !
Однажды,один из праведников наставляя своего сына сказал: Будь с людьми подобно плодоносному дереву, когда в него кидают палки и камни ,оно отвечает наилучшим,спелыми плодами.
 
 
 
Страницы: 1
Читают тему (гостей: 1)

Форум  Мобильный | Стационарный