Расширенный поиск
26 Июня 2026 года
Логин: Регистрация
Пароль: Забыли пароль?
Навигация
Словарь
  • Ёксюзню къалачы уллу кёрюнюр.
  • Айырылмаз джууугъунга, унутмаз сёзню айтма.
  • Тенгинг джокъ эсе – изле, бар эсе – сакъла!
  • Тамырсыз терекге таянма – джыгъылырса.
  • Чакъырылмагъан джерге барма, чакъырылгъан джерден къалма.
  • Магъанасыз сёз – тауушсуз сыбызгъы.
  • Таукелге нюр джауар.
  • Юй ишлеген балта эшикде къалыр.
  • Ётюрюк хапар аякъ тюбю бла джюрюйдю.
  • Къарт болгъан джерде, берекет болур, сабий болгъан джерде, оюн болур.
  • Адамны адамлыгъы къыйынлыкъда айгъакъланады.
  • Башы ишлегенни, ауузу да ишлер.
  • Ариу – кёзге, акъыл – джюрекге.
  • Кечеси – аяз, кюню – къыш, джарлы къаргъагъа бир аш тюш!
  • Джолунга кёре – джюрюшюнг, джагъанга кёре – юлюшюнг.
  • Тойгъа алгъа да барма, тойда артха да къалма.
  • Тешик этген тынчды, аны джамагъан къыйынды.
  • Джюрекге ариу – кёзге да ариу.
  • Аллахдан тилесенг, кёб тиле.
  • Къонакъ кёб келюучю юйню, къазаны отдан тюшмез.
  • Аман къатын алгъан, арыр, иги къатын алгъан джарыр.
  • Акъдан къара болмаз.
  • Шекер бла туз – бир болмаз, ушамагъан – юй болмаз.
  • Насыб бютеу халкъны юлюшюдю.
  • Къаллай салам берсенг, аллай джууаб алырса.
  • Акъылсызны джууукъгъа алма, акъыллыны кенгнге салма.
  • Алтыда кюлмеген, алтмышда кюлмез.
  • Ёлюр джаннга, ёкюл джокъ.
  • Уллу сёлешме да, уллу къаб.
  • Джаным-тиним – окъуу, билим.
  • Ашаса, ашамаса да, бёрюню ауузу – къан.
  • Экеулен сёлеше тура эселе, орталарына барыб кирме.
  • Эл ауузу – элек, анга ийнаннган – халек.
  • Танг атмайма десе да, кюн къоярыкъ тюйюлдю.
  • Джарлы джети элни сёзюн этер.
  • Чоюнну башы ачыкъ болса, итге уят керекди.
  • Мен да «сен», дейме, сен да «кесим», дейсе.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Татлы тилде – сёз ариу, чемер къолда – иш ариу.
  • Джахил болса анасы, не билликди баласы?
  • Аман хансны – урлугъу кёб.
  • Байлыкъ тауусулур, билим тауусулмаз.
  • Тилчи тилден къаныкъмаз.
  • Чёбню кёлтюрсенг, тюбюнден сёз чыгъар.
  • Юйюнгден чыкъдынг – кюнюнгден чыкъдынг.
  • Биреуге аманлыкъ этиб, кесинге игилик табмазса.
  • Бир абыннган – минг сюрюнюр.
  • Ат басханны джер билед.
  • Эки элинги тыйсанг, джети элде махталырса.
  • Эринчекни эр алмаз, эр алса да, кёл салмаз, кёл салса да, кёб бармаз!

Форум

Форум / Бёлюмле :: Тематические разделы / Ана тилде :: Ana tilde
Страницы: 1 2 След.
ЧАКЪЫРАМА!, Сизге деп...
 
#1
Джаратама0
25.06.2014 16:18:03 Translit
Эрттен, кюн, ингир, кече ахшы болсун!
Эрттеден да кирмегенме бери, кирсем да жазарча болмай чыгъып кетеме.

Сау-саламатсыз деп, ышанама, Аллахдан барыгъызгъа саулукъ, узакъ ёмюр, тынчлыкъ тилейме!

Эм биринчи айтыргъа сюйгеним, бу эки кюнде жюрегим чексиз къууанчлыды, нек десегиз, Билал къарындашыбызны хайыры бла Нальчикге Бегийланы Абдуллаха къонакъ келгенди Норвегиядан Эрлинг Киттенсон деп (атын тюз,терс жаза эсем да билмейме).
Аламат адам, бир халал, ачыкъ жюрекли.
Ингилизи тилни кереклисича билмегениме биринчи кере анга тюбегенимеде жарсыуун этген эдим, алай аз-маз ангылагъаныма да къууанч тыпырлыма.
Баш кюн аны Малкъаргъа элтген эдик, Уллу Малкъаргъа, анда аламат тюбеген эдиле.
Тюнене Архызгъа барып келдик, чуанада да болдукъ, тамаша жерле.

Къарачайда да бек ахшы тюбедиле, сау болсунла, бютюнда Мамайланы жашлагъа, Акъбайланы Харуннга ыразылыгъымы билдиреме. Харун болмагъанча акъыллы, иги адамды, аны бла айла бла окъуна хапар айтып турурчады, бар айтханы сейир, аламат, керекли затла.
Бек кёп зат билдик, кёрдюк, юйге эрттен ала жетгенибиз да жарсытмады бизни, энтта аллай жолгъа,Аллах айтып чыгъарбыз!
Тюзю бу хапарны мен къонакъ ызына кетсе алай айтырма барын, бу теманы уа сизге деп ачханма.

Мында ана тилде этген бериулерими сала турлукъма, не уа ссылкаларын.

Къарагъыз, жаратмагъан затыгъыз болса айтыгъыз, билмегеними юйретигиз, не кёрюрге сюйгенигизни айтыгъыз!
"Къадарны этегинде...","Сени ючюн"...(с)
 
 
 
#2
Джаратама0
25.06.2014 16:19:46 Translit
http://www.allrussia.tv/kabardino-balkarija/

Бу ссылка бла кирсегиз ачылгъан бетни сол жанында ВИДЕО ПО ЗАПРОСУ дегенни ачасыз, ызы бла НА БАЛКАРСКОМГЪА киресиз, анда бар бериуле тау тилдедиле, къарагъыз.
Эм тюбюнде Атаны кюню, Знаки - Белгиле ала мени бериулеримдиле, интернетдге салыннган жангыз аладыла, энтта да онгума кёре атдырырма.
Изменено: Къара чачлы - 25.06.2014 16:27:18
"Къадарны этегинде...","Сени ючюн"...(с)
 
 
 
#3
Джаратама0
25.06.2014 17:04:42 Translit
Мен а бу Къара чачлы, Къайда тас болгъанды деп сагъышха къалып тургъанма
 
 
 
#4
Джаратама0
25.06.2014 17:26:12 Translit
Кюлтыпыс,
кет, кет, кет аурум.
Ийнанамыса, энтта жукълапма, ишде олтургъанлыкъгъа :lol:

Бир бош болалмай къалдым бу арт юч-тёрт айда, ариу эрикгенме.
"Къадарны этегинде...","Сени ючюн"...(с)
 
 
 
#5
Джаратама0
26.06.2014 02:50:15 Translit
Къара чачлы, cалам.

Къарадым. Кёз тиймесин кесинге да, телебериуюнге да.

Бир-эки айтырым да барды. Сёзлени - джазылыучу формаларыча айтыб бараса. Не ючюн? Энди халкъ алай сёлешибми башлагъанды?
Джауумла джауадыла деб джазабыз, айтсакъ а - джауумла джауалла.
барадыла - баралла, келедиле - келелле, чыкъгъандыла - чыкъгъанла... Сёзню къысха формасы тыйыншлыды (тилге да тынчды) сёлешген сагъатда.
Тюркге да Турция деб орусдача айтмай, Тюркие деб кеслерича айтылыб къалса иги болур. Неда Тюрк къралда, Тюркде - халкъда джюрюгенича.
Мен былай "критикачыкъ" да эте турурма, аны ючюн кёлюнг къалмаз.

Норвеж джазыучуну аты былайды: Эрлинг Киттелсен
 
 
 
#6
Джаратама0
26.06.2014 04:23:27 Translit
Джамагъат, Къара чачлыны телебериулерине бир къарагъыз - сокъуранмазсыз.
 
 
 
#7
Джаратама0
26.06.2014 06:11:10 Translit
а доступ к файлам у кого-нибудь есть? что бы выложить для скачивания
 
 
 
#8
Джаратама0
26.06.2014 16:01:24 Translit
Sabr, Аллах да ыразы, мен да ыразы. Не халат кёрсенг, эслесенг да айта тур, Билал.
Сизден, барынгдан да бир сёз эшитир эдим, не айтырсыз деп салама бериулени.
Сёзлени къысха - узун деп айтханда, Билал, эндиги бериуде алай айтып бир кёрейим да, сора не айтырларын эшитирбиз.

"Белгиле" деген ол циклды, айгъа бир кере барып турлукъду, анда бар тюрк тилледе сёлешген миллетлени юсюнден айтыллыкъды. Сора биринчи бериуде кесибизден башлагъаныбыз себепли, ол Норвегиядан келген къонакъны да ол бериуге саллыкъма. Тамбла съемкала, бюгюн Эльбрусну кёргюзтюрге алып кетгендиле.
"Къадарны этегинде...","Сени ючюн"...(с)
 
 
 
#9
Джаратама0
26.06.2014 16:02:18 Translit
mid1980, Эльбагъа барсам, ачылыпмыды аны да билмейме, Аллах айтып, заман тапсам, ютубха салдырырма.
Алай тап болур.
"Къадарны этегинде...","Сени ючюн"...(с)
 
 
 
#10
Джаратама0
26.06.2014 17:57:00 Translit
Къара чачлы,
Салам алейкум, Диана. Ол ссылка берген сайтдан сени бериуунг бла къалмай, болгъан бериулени фаиллерин къайдан алыргъа боллугъду? Алыб эльбрусоидни видеоразделине салынса, андан кебюрек адам керлюк эдиле, блайданда, башха къралладан да, алайдан компьютерге асыраргъа да боллукъдула. Аны бла сен болушаллыкъмыса?
...
 
 
 
#
Джаратама0
  Translit
 
 
 
#11
Джаратама0
26.06.2014 18:24:38 Translit
KALAYSA Pictures,
алейкум салам!)
Аны мен ишде жесткий дискге атдыраллыкъма аздан-аздан, сора Эльбагъа берип тураллыкъма.
Ансы мында да кёп турмайдыла, кетерип, кетерип турадыла сыйыннганыча.
"Къадарны этегинде...","Сени ючюн"...(с)
 
 
 
#12
Джаратама0
26.06.2014 21:14:16 Translit
Къара чачлы,
Цитата
Къара чачлы пишет:
Ансы мында да кёп турмайдыла, кетерип, кетерип турадыла сыйыннганыча.

ма алай тас болуб къалмазча да, бу ишге сен амалынгъа кере болушсанг, бек уллу хайыр этериксе.. барында кермегенме, может есть передачи и не интересные никому и никак, аны артда айыра турубуз... у тебя есть технические средства - жесткий диск, что бы начать сливать и передавать эти передачи в эльба-нальчик? а позже, блайдан именной саугъа этербиз санга, аны бла келтире турурча)))
...
 
 
 
#13
Джаратама0
27.06.2014 12:11:35 Translit
KALAYSA Pictures,а Эльбада конкурсда хорлагъан диским барды))) охо, энтта бирин берсегиз да ыразыма!))
Мен кесиме атдыра турурма, андан а Эльбагъа элте.
Болсунму?
Изменено: Къара чачлы - 27.06.2014 12:12:05
"Къадарны этегинде...","Сени ючюн"...(с)
 
 
 
#14
Джаратама0
27.06.2014 16:05:27 Translit
Къара чачлы,
ааа, алай ушаеди)) все, договорились.. :emojio68: там кому нибудь передавай, для Ильяса деб, пока складируйте, а мы уже разберемся...
...
 
 
 
#15
Джаратама0
28.06.2014 16:43:19 Translit
Къара чачлы,
не керюрге сюебизми? айтайым пА секрету ) Аллах айтса, энди окъууларындан къутулуп, тышында студентлерибиз Журтха къайта болурла, Журтдагъыланы да кюнлери бош, алай эсе ол жазыучу къауумну бирге жыйып, бериу къураялсанг, чыгъармаларын да окъутуп, бек аламат болур эди, Аллах айтса. Интернет бла окъуна селешип, келишип къаллыкъсыз, Аллах айтса. Манга уа саугъагъа-бериууюнге ссылка)
 
 
 
#16
Джаратама0
28.06.2014 16:46:43 Translit
Къара чачлы,
бек насыбынг тутса уа, сылтау бла Къарачайгъа да барырса, Аллах айтса. Минги тауну ары жанында поэзия бегирек айный болур дейме.
 
 
 
#17
Джаратама0
28.06.2014 21:04:38 Translit
Джаратдым)
 
 
 
#18
Джаратама0
30.06.2014 14:46:55 Translit
Цитата
Jabel пишет:

Къара чачлы,
бек насыбынг тутса уа, сылтау бла Къарачайгъа да барырса, Аллах айтса. Минги тауну ары жанында поэзия бегирек айный болур дейме.


Айхай маржа, эгечим, былайда уа жангылдынг, мен поэзия бизде къатыракъды ёсюп келген жаш тёлюню ичинде деп турама, алай не башхасы барды, Къарачайда, Малкъарда болса да, бирбиз да!)))
Ол сен айтхан теманы уа манга дери ачыкълап бошагъандыла, бусагъат ол мен ссылка Берген жерде бериуню аты къалай болгъанына бир къарайым да, айтайым, ансы унутханма, анда къарарса)))
"Къадарны этегинде...","Сени ючюн"...(с)
 
 
 
#19
Джаратама0
30.06.2014 14:47:12 Translit
Returner,
къууандым)))
"Къадарны этегинде...","Сени ючюн"...(с)
 
 
 
#20
Джаратама0
30.06.2014 14:51:39 Translit
Лаура, "Начало" деген бериуге бир къара, 2014 жыл 27 апрельде этилгенди, къарай барсанг кёрлюксе.
Ма ол бериудю конкурсну Юсю бла этилген)))))))
Мен Берген ссылкада бар бериулеге къарасанг ол андан да иги...
"Къадарны этегинде...","Сени ючюн"...(с)
 
 
 
#21
Джаратама0
30.06.2014 16:16:43 Translit
Къара чачлы,
тюзсе, башхабыз жокъду, Аллахха шукур. Къарачайда дагъыда, кез тиймесин, бардыла жазгъанлары энчи болгъанла, огъесе дело вкусамы болур. Энди аны къояйым. Бериуню уа башхаракъ къураргъа дейме. Аллах айтса, сени таба тебирей эсем, бир селеширбиз.
 
 
 
#22
Джаратама0
30.06.2014 16:31:21 Translit
Цитата
Jabel пишет:
Къара чачлы,
не керюрге сюебизми? айтайым пА секрету ) Аллах айтса, энди окъууларындан къутулуп, тышында студентлерибиз Журтха къайта болурла, Журтдагъыланы да кюнлери бош, алай эсе ол жазыучу къауумну бирге жыйып, бериу къураялсанг, чыгъармаларын да окъутуп, бек аламат болур эди, Аллах айтса. Интернет бла окъуна селешип, келишип къаллыкъсыз, Аллах айтса. Манга уа саугъагъа-бериууюнге ссылка)
Бек аламат идея. Джаш джазыучуланы, назмучуланы бир джерге джыйыб, бир ("Совещание молодых писателей") Кенгешиу болса, аны юсюнден телебериу да этилсе, ахыры аны бир иги китаб болуб чыкъса... Ол китабда бизни адабиятны алгъа элтирик джаш къауум кёрюнсе...

Быллай Джыйылыуну Бегийланы Абдуллах къураргъа боллукъ эди, анда уа теле-радио-басма къуллукъчулагъа да джазар зат табыллыкъ эди.

Джабел бек иги идеясы бла къууандырды, энди аны болдурур длжанындан кюрешилсе, бек магъаналы иш боллукъду.
 
 
 
#23
Джаратама0
30.06.2014 16:31:31 Translit
Jabel,
сакълайма :)
"Къадарны этегинде...","Сени ючюн"...(с)
 
 
 
#24
Джаратама0
29.07.2014 16:46:11 Translit
Тамбла ингирде Туменланы Альбертни юсюнден "ГЮРЕН" деген бериу барлыкъды, Мир каналда.! Къарарсыз!
"Къадарны этегинде...","Сени ючюн"...(с)
 
 
 
#25
Джаратама0
27.09.2014 03:48:22 Translit
Рахайланы Диана бла (Къара чачлы бла) ушакъ. Бу аламат бериуге тынгылагъыз:

http://picosong.com/9tq4/
 
 
 
#
Джаратама0
  Translit
 
 
 
#26
Джаратама0
29.09.2014 20:15:57 Translit
Мызыланы Исмаилны юсюнден бериу этеме 'Тюзлюкню жолоучусу" деп. Мен селешген отуз эки адамдан, селеширге ыразылыгъын жетиси бергенди! Айтырым, Исмаил миллети ючюн кишиден къоркъмагъанды, Ала неден къоркъадыла??? Исмаилны таныгъан адамла бар эселе, бериуде селеширге кеслеринде кишилик таба эселе, манга бир билдирсинле! Аллай адамларыбызны кетюрмесек бизни тюп боллуп кетеригибиз сезсюздю!
"Къадарны этегинде...","Сени ючюн"...(с)
 
 
 
#27
Джаратама0
29.09.2014 22:55:25 Translit
Къара чачлы, Этезланы Бахаутдин бла, Джуртубайланы Махди бла сёлешгенмисе?

Мен Мызыланы Исмайылны кесин танымай эдим, телефон бла Москвадан талай кере сёлешген болмаса.

Мызы улуну "История карачаево-балкарского народа..." ишин - тюрк, ингилиз тиллеге кёчюртдюрюб - " Ас-Алан" журналда (№1, 1998 джыл) басмалатхан эдим.

Мызыланы Исмайылгъа дери да болгъандыла айтханла, скифле, аланла да тюрк халкъладыла деб. Алай а, Исмайылча, ол кертини къаты джакълаб кюрешген болмагъанды.

Исмайыл, джандетли болсун, бизни халкъны Эс Тёрюнде ёмюр-ёмюрге турлукъ адамды.

 
 
 
#28
Джаратама0
30.09.2014 15:55:55 Translit
Sabr,
сёлеширге ыразылыкъларын была бергендиле: Джуртубайланы Махти, Этезланы Бахауддин, Зокаланы Зейтун, Жангуразланы Мухаммат, Эфендийланы Салих, Бегийланы Абдуллах, Исмаилны къызы Ира эм юйдегиси Исмаилны.
Мухаммат а уллу болушлукъ да этеди манга))!!!
"Къадарны этегинде...","Сени ючюн"...(с)
 
 
 
#29
Джаратама0
18.11.2014 05:59:25 Translit
Къара чачлы,салам алейкум. Ол бериулени къалай скачать этерге боллукъду?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#30
Джаратама0
18.11.2014 15:44:26 Translit
Карачай Карачай, ол бериулени къалай скачивать этгенлерин мен билмейме, алай этген а этедиле. Къайсы керекди? Мен Эльбрусоихда элтип, интернетге салдырырма сен атарча.
"Къадарны этегинде...","Сени ючюн"...(с)
 
 
 
Страницы: 1 2 След.
Читают тему (гостей: 1)

Форум  Мобильный | Стационарный