Расширенный поиск
25 Июня 2026 года
Логин: Регистрация
Пароль: Забыли пароль?
Навигация
Словарь
  • Тойгъан антын унутур.
  • Ёзденликни джайгъан – джокълукъ.
  • Бек ашыкъгъан меннге джетсин, дегенди аракъы.
  • Акъыллы – эл иеси, тели – эл баласы.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Ариу джол аджал келтирмез.
  • Ёлген ийнек сютлю болур.
  • Бети бедерден, намыс сакълама.
  • Чёбню кёлтюрсенг, тюбюнден сёз чыгъар.
  • Керек ташны ауурлугъу джокъ.
  • Билим – акъылны чырагъы.
  • Бети къызарыучу адамны, джюреги харам болмаз.
  • Телиге от эт десенг, юйюнге от салыр.
  • Тил – миллетни джаны.
  • Баш болса, бёрк табылыр.
  • Баланы адам этген анады.
  • Рысхысына кёре, джаш ёсер, къышлыгъына кёре, мал ёсер.
  • Кютгени беш эчки, сызгъыргъаны уа, джерни джарады.
  • Байдан умут эте, джарлыдан ёгюз багъасы къорады.
  • Джаралыны джастыгъында сау ёлюр.
  • Аллахдан тилесенг, кёб тиле.
  • Къонакъ хазыр болгъанлыкъгъа, къонакъбай хазыр тюлдю.
  • Эм ашхы къайын ана мамукъ бла башынгы тешер.
  • Ургъан суудан башынгы сакъла.
  • Ашхы болсанг, атынг чыгъар, аман болсанг, джанынг чыгъар.
  • Эте билген, этген этеди, эте билмеген, юретген этеди!
  • Миллетни бойну – базыкъ, аны бла кюрешген – джазыкъ.
  • Намыс сатылыб алынмайды.
  • Эм уллу байлыкъ – джан саулукъ.
  • Ашарыкъда сайлагъаннга – чий гырджын.
  • Тин – байлыгъынг, терен саулугъунг.
  • Гырджын – тепсини тамадасы.
  • Ётюрюкню башын керти кесер.
  • Уясында не кёрсе, учханында аны этер.
  • Танг атмайма десе да, кюн къоярыкъ тюйюлдю.
  • Ёлюр джаннга, ёкюл джокъ.
  • Башда акъыл болмаса, эки аякъгъа кюч джетер.
  • Ата – билек, ана – джюрек!
  • Къарнынг къанлынга кийирир.
  • Чакъырылмагъан къонакъ тёрге атламаз.
  • Эринчекни аурууу – кёб.
  • Эл ауузу – элия.
  • Хаухну атма, ёнгкючню сатма.
  • Акъыллы айтыр эди, акъылсыз къоймайды.
  • Ишлегенден, къарагъан уста.
  • Сууда джау джокъ, кёб сёзде магъана джокъ.
  • Гугук кесини атын айтыб къычыргъанча, мен, мен деб нек тураса?
  • Бетинги сатма, малынгы сат.
  • Эрни эр этерик да, къара джер этерик да, тиширыуду.
  • Къарт бла баш аша, джаш бла аякъ аша.

Форум

Форум / Бёлюмле :: Тематические разделы / Ана тилде :: Ana tilde
Страницы: 1 2 След.
Джаным-тиним АНА ТИЛИМ!!!!!!!, КЕЛИГИЗ...ДЖУУУКЪ БОЛУГЪУЗ...!!!!!!.БОЛУШАЙЫКЪ БИР-БИРИБИЗГЕ.... ТИЛИБИЗНИ САКЪЛАЙЫКЪ.... БАШЫБЫЗНЫ ЁРГЕ ТУТУБ КЪАРАЧАЙЛЫМА/МАЛКЪАРЛЫМА ДЕБ КЪУУАНЫБ АЙТАЙЫКЪ!!!!!!
 
#1
Джаратама0
10.11.2015 02:58:53 Translit
Багъалы эгечлерим эмда къарнашларым!!!! :мерси:
  1. Бюгюнден башлаб, хар гюрге кюн сайын :усипуси: ЭЛЬБРУСОИДДЕ -ФОРУМДА АНА ТИЛНИ КЮНЮ БОЛЛУКЪДУ!!!! :браво:

...джангыз ана тилде сёлешейик,келигиз ол кюн джетгенлей... :oops:
ТИЛИБИЗНИ унутмайыкъ...Сакълайыкъ... джокъ этиб къоймайыкъ.... :царь:

Халатла бла джазама...оооо..мен ана тилде джаза билмейме деб артына тартмагъыз)) бирликде-тирилик))
...алай бла юрене барлыкъбыз... болуша турлукъбуз... :куку:

БЛАЙДА СИЗ КЪОРКЪУР ЗАТ ДЖОКЪДУ 😉 :дайпять:
Гюрге кюн ол- в т о р н и к д и !!!!! :emojio68:

САУ БОЛУГЪУЗ ЭС БЁЛГЕНИГИЗГЕ!!!!
КЕТДИК :лечу:
 
 
 
#2
Джаратама0
10.11.2015 03:31:59 Translit
Nasib&Namis, мадар бар эсе, гюрге кюнден бир башха кюн - не барас, не орта, не байрым кюн башланса бу огъурлу иш.
1943 джыл Халкъыбызны джуртундан сюрюлген кюню - гюрге кюн болгъаны ючюн айтама.

Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн..

Тилибизден, джерибизден, тарихибизден да айыргъан эдиле. Тюрк халкъланы - къазахны, къыргъызны, юзбекни ичинде - тилибизни унутуб, тас болуб кетерикле деб тура эдиле. 600 кесек этиб, Сибирияны бузларына, Азияны къумларына чачханларында да, тас болмай, 14 джылдан Джуртубузгъа къайыта билдик. Сюргюнде, ол палахда да, тас этмей, келтиргенибиз не эди? ТИЛИБИЗ ЭДИ.

Ма ол тилибизге къоркъуу тюшгенди бюгюн. Терслик балтада, сабда да - оноучулада да, халкъны кесинде да.

Тилни сакълар ючюн кёб зат керек тюлдю - ол тилде сёлеширге керекди. Джюрюмеген зат ёледи - тил да алайды. Ана тилибизде сёлешгенлей турсакъ, тил джашарыкъды, биз да джашарыкъбыз. Ана тил ёлгенлей а - биз да халкъча сакъланныкъ тюлбюз - ёллюкбюз.

Хоншула - чечен, къабарты, юнгюш - кеслерини тиллеринде чыкъырдатыб сёлешедиле, биз а - бир сёзню кесибизча, он сёзню орусча бардырабыз.
Аладанмы хомухбуз, къарыусузбуз, тилибизни сакъламай, орус тилли болуб кетерге? Не къыйынлыгъыбыз барды биреуню тилин, адетин, къылыгъын алыргъа?

Тилибиз - Аллах берген аламатланы бириди. Аны сакъламасакъ, башха затларыбызны да сакълаяллыкъ тюлбюз. Америкадагъы къарачайлыла - ингилиз тилли,, Тюркдегиле - тюрк тилли, Арабдагъыла - араб тилли, Орта Азиядагъыла - къазах, къыргъыз тилли болуб кетиб барадыла, Алагъа айыб этер мадарыбыз джокъду.

Айыб кесибизге этейик. Джуртубузда джашаб, орус тилли болуб барабыз. Дунияда халкъла бары да кеслерин сакъларгъа кюрешедиле. Кесин сакълау - Ана тилин сакълаудан башланады. Биз къарачай-малкъар форумда да - интернет джуртубузда да - орус тилде сёлеширге кюрешебиз. Былайда да къарачай тилде сёлешмесек, къайда сёлеширикбиз?

Nasib&Namis, бек сау бол. Бек иги тема ачханса. Къарачайлылыгъыбызны сынарча, бир тема.
 
 
 
#3
Джаратама0
11.11.2015 02:21:07 Translit
Sabr,
Сизге сау бол!! Аллах разы болсун)
Башха кюннгеми разысыз сиз огъесе къойдукъму?!
 
 
 
#4
Джаратама0
11.11.2015 02:47:46 Translit
Цитата
Nasib&Namis пишет:
Sabr,
Сизге сау бол!! Аллах разы болсун)
Башха кюннгеми разысыз сиз огъесе къойдукъму?!
Турсун тургъаныча. Кюнлени тюрлендирген тынчды, адамланы тюрлендиргенди къыйын. Алай а, кюрешиб турургъа керекди.
Кимни тилеги, кимни башламы къабыл болур - аны оноуун этген Аллахды. Аллах болушсун тюз иннетли, тюз сёзлю, тюз ишли адамланы барына да.
 
 
 
#5
Джаратама0
11.11.2015 22:22:31 Translit
Nasib&Namis, сау болугъуз бу тема ючюн! Мен Тюркде джашайма, юйде бирбирибизле ана тилибизде сёлешебиз, да мен Къарачайлы нёгер табыб аны бла да сёлеширге сюе эдим алай а уллу шахарда Къарачайлы адамгъа тюбемедим былайда джашагъан джууукъларыбыздан сора. Аны амалтын бек къууандым сау болугъуз!
 
 
 
#6
Джаратама0
11.11.2015 22:35:48 Translit
Nasib&Namis, огъур бла башлайыкъ!)) :гоккачыкъ:
Сау бол, ответственностьны шеянга принимать этиб, тема открывать этгенинге, бизни да барыбызны да бери собирать этгенинге)))), энди ох деб мында общаться этербиз, разный рассказла рассказывать этербиз бир-бирибизге))), классно болду хар зат да))) :гыы:
Я самая классная на форуме))))))))))))))
 
 
 
#7
Джаратама0
11.11.2015 22:40:27 Translit
Черника, хош кел!!!))) :гоккачыкъ:
Эртде, Эльбрусоид джангы къуралгъан джыллада, тыш къралладан, артыкъ да бек Тюркден кеб адам къошула эди бу форумга. Оййй, къаллай ушакъла бардыра эдик! Бир талай сохта (студентле) да бар эдиле, Тюркде окъуй тургъанла, Къарачайдан, Малкъардан барыб. Кеб адам окъуб бошаб, ызларына келиб, бирер ишге джарашыб, кими Кавказда, кими Москвада джашайдыла энди. Сен а къалай тюшгенсе Тюркге? Россиядан баргъанмыса, анда туугъанмыса? Джаратамыса тургъан джеринги? Ма шаа Аллах, джууукъларыгъыз да бар эселе къатыгъызда, алай къыйын болмаз тышында тургъан).
Я самая классная на форуме))))))))))))))
 
 
 
#8
Джаратама0
11.11.2015 22:42:07 Translit
Цитата
Sabr пишет:
Алай а, башха тюрлю сагъыш этерге да боллукъду: ол кюн ангылагъанбыз барыбыз да бир халкъ болгъаныбызны: тукъум айырмай, сыныф кёзден къарамай, бай.джарлы деб юлешмей, атеист, иманлы деб да къарамай, коммунист, коммунист тюлсе деб да къарамай, барыбызны да башдан аякъ джуртубуздан сюргендиле - къарачай болгъаныбыз ючюн..
Билал, ол кюн атеист къалгъан болмаз эди... Аллахдан башха болушлукъ табмазлыкъларын ангыламагъан болмаз эди ол кюн не бир адамдан, не бир затдан.
Я самая классная на форуме))))))))))))))
 
 
 
#9
Джаратама0
11.11.2015 23:46:28 Translit
Sabr,Черника, Сэстренка, сау болугъуз ))) хо)))керти классно болду, Элен)))бирликде-тирилик... сизсиз джукъ да болмазлыгъын билигиз!))
 
 
 
#10
Джаратама0
12.11.2015 00:02:23 Translit
Цитата
Nasib&Namis пишет:
керти классно болду, Элен)))
))))))))
мен ойнаб джазгъан эдим бир орус сез, бир къарачай-малкъар))
Я самая классная на форуме))))))))))))))
 
 
 
#
Джаратама0
  Translit
 
 
 
#11
Джаратама0
12.11.2015 00:35:35 Translit
Сэстренка,
Хата джокъ, Эгешчигим)))))
 
 
 
#12
Джаратама0
12.11.2015 01:02:59 Translit
Сэстренка,
Керти къууандым былайда ана тилибизде ушакъ этилгенине. Мен да университетда сохтама) Былайда туугъанма, хо джаратама былайын алай а Ата-Джуртну кёрюрге бир да кёб излейме. Хо тюз айтаса)
 
 
 
#13
Джаратама0
12.11.2015 08:26:59 Translit
Бек аламат:)
Магъанасы кюнню ол болсун, бюгюнлюкде бир-эки деб адам къошулсун, тамласында кёб болурбуз Аллах буюрса))
Кюннлени къарасын кийерге джарамаз, къаза кетсенг къайсы кюннгеда табылыр "чёрный вторник" неда "кровавый воскресение", ол затха асыры терен кирмесек керекди!
Сёзню ызындан: (никто никого не заставляет!!!) разы болугъуз за мой французский, сизле бла бирге юрене барлыкъма:)
 
 
 
#14
Джаратама1
13.11.2015 23:20:06 Translit
ТИЛСИЗ МИЛЛЕТ ДЖОКЪ БОЛУР.
Акъбайланы И.
 
 
 
#15
Джаратама1
13.11.2015 23:30:21 Translit
ИГИ СЁЗ

ИГИ СЁЗНЮ БЫЧАКЪ КЕСМЕЗ,
ИГИ СЁЗНЮ БОРАН ЭЛТМЕЗ,
ИГИ СЁЗ ОТДА КЮЙМЕЗ,
ИГИ СЁЗГЕ БАГЪА ДЖЕТМЕЗ.


ИГИ СЁЗ ДЖОМАКЪДЫ,ДЖЫРДЫ,
СЁЗЮ БАРНЫ КЮЧЮ БАРДЫ!
ИГИ СЁЗСЮЗ ДУНИЯ ТАРДЫ,
ДЖЮРЕК,ДЖОЛ ДА КЪАРАНГЫДЫ.

ИГИ СЁЗ ДЖОЛ НЁГЕР БОЛАД,
КЪЫЙЫН КЮН БИРГЕНГЕ БАРАД.
БИЗ ЁЛСЕК- ИГИ СЁЗ КЪАЛАД,
ОЛ САУ КЪАЛГЪАНЛАГЪА ДЖАРАЙД.

МЕЧИЛЕНИ КЯЗИМ
 
 
 
#16
Джаратама0
14.11.2015 15:27:47 Translit
Алгъын бир хоншуланы сайтына тюрлгенем, анда джангы сёзле къурайэдиле кеслерини тилеринде, бизде этерчады ол затны. Тышында Исландиада барды аллай программа тыш сёзле кесини тилине къошмазгъа, къураштырыб келиштириб узун сёз болсада къуру да кесиникиледиле сёзле. Биз аладан кёре этерчабыз, "свод правил правописания" тюзю бла этерге керекди, битди аны бла))
Къалай кёресиз?
 
 
 
#17
Джаратама0
16.11.2015 00:42:40 Translit
Адам бала-
Ол сыйлыды хар неден:
Айыб алыр
Урлагъан бла тилеген.

Сенек, балта-
Ол джашчыкъны ишиди.
Сауут-саба
Иги къызны бетиди.
 
 
 
#18
Джаратама1
16.11.2015 00:45:13 Translit
Ауругъанны айыб болур къозугъан;
Абыннганны тургъуз,тутуб къолундан .
 
 
 
#19
Джаратама1
16.11.2015 00:48:19 Translit
Уллу кирсе,
Гитче ёрге турады.
Орнун берген,
Кеси сыйлы болады.
 
 
 
#20
Джаратама0
16.11.2015 00:49:29 Translit
Кёб сёлешген -
Ол айыбды адамгъа.
Юй хапарны
Баям этме орамгъа.
 
 
 
#21
Джаратама0
16.11.2015 00:51:26 Translit
Миллет деген- ол бир джуртну иеси;
Аны болур адет,намыс тёреси.
 
 
 
#22
Джаратама0
17.11.2015 00:58:35 Translit
Цитата

ЙУЖНЫ_ШПИЙЁНЪ пишет:
Алгъын бир хоншуланы сайтына тюрлгенем, анда джангы сёзле къурайэдиле кеслерини тилеринде, бизде этерчады ол затны. Тышында Исландиада барды аллай программа тыш сёзле кесини тилине къошмазгъа, къураштырыб келиштириб узун сёз болсада къуру да кесиникиледиле сёзле. Биз аладан кёре этерчабыз, "свод правил правописания" тюзю бла этерге керекди, битди аны бла))
Къалай кёресиз?

Бизни сёзлюк китабыбызда болмагъан джангы сёзле къураргъа дей? Огъесе,менми терс англадым )
 
 
 
#23
Джаратама0
25.11.2015 00:23:59 Translit
Бюгюн ана тилде сёлеширге керек шойбуз...

Къалгъан кюнледе уа?
 
 
 
#24
Джаратама0
25.11.2015 02:55:27 Translit
Цитата

Sabr пишет:
Бюгюн ана тилде сёлеширге керек шойбуз...

Къалгъан кюнледе уа?

Селеширге излеген кюн сайламайын селешсе иги болур )
 
 
 
#25
Джаратама0
25.11.2015 02:57:42 Translit
Языки айфона))
 
 
 
#
Джаратама0
  Translit
 
 
 
#26
Джаратама0
30.11.2015 01:19:01 Translit
Ана тил джокъ болса. .. миллетибизден кетерикдиле: намыс,адет, уят-хаят, адамлыкъ,шохлукъ,культурабыз,тарихибиз...
:тактак:
 
 
 
#27
Джаратама0
30.11.2015 01:26:05 Translit
Мен кесиме сёз бергенме ана тилден башхада блайда джазмазгъа!
Къалгъанла...сюйгенигизни бир этигиз.
 
 
 
#28
Джаратама0
13.12.2015 22:25:01 Translit
Бюгюн декабрны 13-сю. 2015 джыл кетиб барады... Джангы джыл джууукълашыб келеди!
Бу джыл бирда бир дженгил бошалыб барады...
Иш кюнле...баш кюн...гюрге кюн ...барас кюн ... орта кюн...байрым кюн...
Ары айланыб бери айлангынчын ол биягъы байрым кюн джетиб тура...
Биз да къарт болубму барабыз сора?!)))
 
 
 
#29
Джаратама0
13.12.2015 22:39:47 Translit
Цитата
Nasib&Namis пишет:
Биз да къарт болубму барабыз сора?!)))
огъай)) сюйген джюрег къарт болмайды..къоркма))))))))
 
 
 
#30
Джаратама0
13.12.2015 22:52:11 Translit
Цитата

alan111 пишет:
ЦитатаNasib&Namis пишет:
Биз да къарт болубму барабыз сора?!)))
огъай)) сюйген джюрег къарт болмайды..къоркма))))))))

))))))))))))) кёбден бери блай кюлмеген эдим))))
Сау кел,алан!)
Къайда тас болгъанса?!
Къачан алгъышлау тема ачабыз санга?)))
Айт...Тынглайма )
 
 
 
Страницы: 1 2 След.
Читают тему (гостей: 1)

Форум  Мобильный | Стационарный