Расширенный поиск
17 Апреля 2026 года
Логин: Регистрация
Пароль: Забыли пароль?
Навигация
Словарь
  • Келинни – келгинчи, бёркню кийгинчи кёр.
  • Къарыусузгъа кюлме, онгсузгъа тийме.
  • Эркишиге тары кебек танг кёрюнюр.
  • Кюлме джашха – келир башха.
  • Чабар ат – джетген къыз.
  • Кёб джашагъан – кёб билир.
  • Акъыл къартда, джашда тюйюлдю – башдады.
  • Къыйынлы джети элни къайгъысын этер.
  • Билимли ёлмез, билимсиз кёрмез.
  • Сабий болмагъан джерде, мёлек болмаз.
  • Тойгъа алгъа да барма, тойда артха да къалма.
  • Къая джолда джортма, ачыкъ сёзден къоркъма.
  • Эте билген, этген этеди, эте билмеген, юретген этеди!
  • Къартны бурнун сюрт да, оноугъа тут.
  • Эр сокъур болсун, къатын тилсиз болсун.
  • Огъурлуну сёзю – суу, огъурсузну сёзю – уу.
  • Къонакъ кёб келюучю юйню, къазаны отдан тюшмез.
  • Ойнаб айтсанг да, эслеб айт.
  • Намыс сатылыб алынмайды.
  • Битмегеннге сакъал – танг.
  • Кёзюнде тереги болгъан, чёбю болгъаннга кюле эди.
  • Кёпюр салгъан кеси ётер, уру къазгъан кеси кетер.
  • Нёгерсизни джолу узун.
  • Нарт сёз къарт болмаз.
  • Джетген къыз джерли эшекни танымаз.
  • Аман адам этегингден тутса, кес да къач.
  • Джуртун къоругъан озар.
  • Ётюрюкню башын керти кесер.
  • Аманны тукъумуна къарама, игини тукъумун сорма.
  • Джерни букъусу кёкге къонмаз.
  • Аджал соруб келмез, келсе, къайтыб кетмез.
  • Ашда уялгъан – мухар, ишде уялгъан – хомух.
  • Ата – билек, ана – джюрек!
  • Айтханы чапыракъдан ётмеген.
  • Ач келгенни – тойдур, кеч келгенни – къондур.
  • Тил джюрекге джол ишлейди.
  • Къызны минг тилер, бир алыр.
  • Къар – келтирди, суу – элтди.
  • Туз, гырджын аша, тюзлюк бла джаша.
  • Экиндини кеч къылсанг, чабыб джетер ашхам.
  • Джети тилни билген джети кишиди.
  • Дууулдаса – бал чибин, къонса – къара чибин.
  • Мал кёб болса, джууукъ кёб болур.
  • Элге къуллукъ этмеген, элге ие болмаз.
  • Арба аугъандан сора, джол кёргюзтюучю кёб болур.
  • Киштикге къанат битсе, чыпчыкъ къалмаз эди.
  • Артына баргъанны, къатына барма.
  • Алгъанда – джууукъ, бергенде – джау.
  • Къарт болгъан джерде, берекет болур, сабий болгъан джерде, оюн болур.
  • Чыкълы кюнде чыкъмагъан, чыкъса къуру кирмеген.

Форум

Форум / Пользователи / Сёз
Выбрать дату в календаре…Выбрать дату в календаре

Страницы: 1
Как найти те самые слова?, Наш народ гибнет не по дням, а по часам
 
#
21.01.2012 04:06:10 Translit
Сколько людей совершенно не задумываются над этим? Чем живут эти люди? Как донести до них, что жизнь может быть иной, что истинное счастье возможно лишь вместе с породившим нас народом. Как найти те самые слова?

Иги сёз

Иги сёзню бичакъ кесмез,
Иги сёзню боран элтмез.
Иги сёз отда да кюймез,
Иги сёзге багъа жетмез.

Иги сёзсюз жашау неди?
Тузсуз хантха теппе-тенгди!
Иги сёзню айтхан – эрди!
Акъылы, жюреги кенгди.

Иги сёз – халкъны кючюдю,
Зулмугъа кебин бичеди.
Ол игилени ишиди,
Осаллагъа къамичиди.

Иги сёз къоркъгъанны билмейд,
Байгъа мужурача тиед.
Жарлы юйге ёкюлча киред,
Къыйынлыкъгъа ол онг беред.

Окъ жерине жетип, суууйд,
Суу да бир заманда къуруйд,
Иги сёз сууумаз, къурумаз,
Аны киши тутп тыймаз.

Иги сёз – жомакъды, жырды,
Сёзю барны – кючю барды!
Иги сёзсюз дуния тарды,
Жюрек, жол да къарангыды.

Иги сёз – кёз жарыгъынгды,
Ахлунга айтырыгъынгды.
Жылы отду от жагъангда,
Ол къоруулайд душманынгдан.

Тоюнг, къууанчынг – иги сёз,
Кюнде жубанчынг – иги сёз.
Кюнде тыянчынг – игисёз,
Къаманг, къылычынг – иги сёз.

Иги сёз – жол нёгер болад,
Къыйын кюн биргеннге барад,
Биз ёлсек, иги сёз къалад,
Ол сау къанлагъа жарайд.

Кязим сёзюн бермез сизге,
Зулмуну сюйген бетсизле!
Мени сёзюм – нёгерд тюзге,
Тыянч факъыргъа, ёксюзге!
 
Перейти    
Страницы: 1

Форум  Мобильный | Стационарный