Не найдено
Форум Мобильный | Стационарный
| 18 Сентября | 2026 года |
Навигация
- Билеги кючлю, бирни джыгъар, билими кючлю, мингни джыгъар.
- Къалгъан ишге къар джауар.
- Минг тенг да азды, бир джау да кёбдю.
- Артына баргъанны, къатына барма.
- Кёзюнде тереги болгъан, чёбю болгъаннга кюле эди.
- Къарнынг тойгъунчу аша да, белинг талгъынчы ишле.
- Аман адамны тепсинге олтуртсанг, къызынгы тилер.
- Сибиртки да сыйлы болду, кюрек да кюнлю болду.
- Сескекли кесин билдирир.
- Шайтан алдады, тюзлюк къаргъады.
- Билген билмегенни юретген адетди.
- Ёзденликни кёбю ётюрюк.
- Чомарт джарлы болмаз.
- Джолда аягъынга сакъ бол, ушакъда тилинге сакъ бол.
- Сёлеш деб шай берген, тохта деб, сом берген.
- Эски джаугъа ышанма.
- Тамчы таш тешер.
- Керек ташны ауурлугъу джокъ.
- Ачылгъан эт джабылыр, кёрген кёз унутмаз.
- Ишлегенден, къарагъан уста.
- Кеси юйюмде мен да ханма.
- Соргъан айыб тюлдю, билмеген айыбды.
- Тили узунну, намысы – къысха.
- Ана – юйню кюн джарыгъы.
- Окъугъанны бети джарыкъ.
- Айран ичген – къутулду, джугъусун джалагъан – тутулду.
- Адам сёзюнден белгили.
- Ашхы – джыяр, аман – джояр.
- Сютден ауузу кюйген, суугъа юфгюре эди.
- Сютню башын джалагъан къутулур, тюбюн ичген тутулур.
- Аджашханны ызындагъы кёреди, джангылгъанны джанындагъы биледи.
- Джылар джаш, атасыны сакъалы бла ойнар.
- Эм уллу байлыкъ – джан саулукъ.
- Джарлы эскисин джамаса, къууаныр.
- Къатын байлыкъны сюер, эр саулукъну сюер.
- Къобан да къуру да къобханлай турмайды, адам да къуру да патчахлай турмайды.
- Аманны тукъумуна къарама, игини тукъумун сорма.
- Чабакъгъа акъыл, табагъа тюшсе келеди.
- Сыфатында болмагъаны, суратында болмаз.
- Кёбден умут этиб, аздан къуру къалма.
- Тенгни тенглиги джашай барсанг билинир.
- Ариу джол аджал келтирмез.
- Къар – келтирди, суу – элтди.
- Ашда уялгъан – мухар, ишде уялгъан – хомух.
- Кюлме джашха – келир башха.
- Къайтырыкъ эшигинги, къаты уруб чыкъма.
- Иги болса, тамадама – махтау, аман болса, меннге – айыб.
- Бир онгсуз адам адет чыгъарды, деб эштирик тюлсе.
- Ачны эсинде – аш.
- Ёлген эшек бёрюден къоркъмайды.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
