Не найдено
Форум Мобильный | Стационарный
| 14 Сентября | 2026 года |
Навигация
- Ушамагъан – джукъмаз.
- Аз сёлешген, къайгъысыз турур.
- Башланнган иш битер, къымылдагъан тиш тюшер.
- Ойнай билмеген, оюн бузар.
- Ачылгъан эт джабылыр, кёрген кёз унутмаз.
- Джашны джигитлиги сорулур, къызны джигерлиги сорулур.
- Эки къатын алгъан – эки ташны ортасына башын салгъан.
- Элде адам къалмаса, ит тахтагъа минер.
- Иги джашны ышаны – аз сёлешиб, кёб тынгылар.
- Джолунга кёре – джюрюшюнг, джагъанга кёре – юлюшюнг.
- Ауругъанны сау билмез, ач къарынны токъ билмез.
- Асхат ашлыкъ сата, юйдегиси ачдан къата.
- Аурууну келиую тынч, кетиую – къыйын.
- Ашхы тенг джолгъа салыр, аман тенг джолдан тайдырыр.
- Ашда уялгъан – мухар, ишде уялгъан – хомух.
- Джылкъыдан – ат чыгъар, тукъумдан – джаш чыгъар.
- Ёзденликни джайгъан – джокълукъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Ауругъаннга – кийик саулукъ, джетген къызгъа – чилле джаулукъ.
- Ат да турмайды бир териде.
- Эл бла кёргенинг эрелей.
- Чакъырылмагъан джерге барма, чакъырылгъан джерден къалма.
- Ёлген ийнек сютлю болур.
- Агъач халкъгъа алтынды, иссиликге салкъынды.
- Байдан умут эте, джарлыдан ёгюз багъасы къорады.
- Ач отунчуну ачыуу – бурнунда.
- Биреу къой излей, биреу той излей.
- Адам сёзюнден белгили.
- Билим ат болуб да чабар, къуш болуб да учар.
- Джаралыны джастыгъында сау ёлюр.
- Эр абынмай, эл танымаз.
- Чыбыкълыкъда бюгюлмеген, къазыкълыкъда бюгюлмей эди.
- Джылар джаш, атасыны сакъалы бла ойнар.
- Аууз сакълагъан – джан сакълар.
- Ким бла джюрюсенг, аны кёзю бла кёрюнюрсе.
- Тынгылагъан тынгы бузар.
- Баргъанынга кёре болур келгенинг.
- Ёгюзню мюйюзюнден тутадыла, адамны сёзюнден тутадыла.
- Чарсда алчыны эл кёреди.
- Эркишини аманы тиширыуну джылатыр.
- Эртде тургъан джылкъычыны эркек аты тай табар.
- Къызын тута билмеген, тул этер, джашын тута билмеген, къул этер.
- Ишни аллы бла къууанма да, арты бла къууан.
- Джыланны къуйругъундан басарынг келсе, аны башы болгъанын унутма.
- Тюзлюк тас болмайды.
- Аллахха ийнаннган кишини, Аллах онгдурур ишин.
- Эки итни арасына сюек атма, эки адамны арасында сёз чыгъарма.
- Тилчиден кери бол.
- Суу ичген шауданынга тюкюрме.
- Ёгюзню мюйюзлери ауурлукъ этмейдиле.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
