Не найдено
Форум Мобильный | Стационарный
| 15 Июня | 2026 года |
Навигация
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чакъырылгъанны аты, чакъырылмагъанны багъасы болур.
- Аманнга игилик этсенг, юйюнге сау бармазса.
- Сескекли кесин билдирир.
- Таякъ этден ётер, тил сюекден ётер.
- Чакъырылмай келген къонакъ сыйланмай кетер.
- Тенгинг джокъ эсе – изле, бар эсе – сакъла!
- Ёлген эшек бёрюден къоркъмайды.
- Уллу къазанда бишген эт, чий къалмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Арпа, будай – ащды, алтын, кюмюш а – ташды.
- Игиге айтсанг – билир, аманнга айтсанг – кюлюр.
- Ариу сёз – джаннга азыкъ, аман сёз – башха къазыкъ.
- Ойнай билмеген, оюн бузар.
- Къартны сыйын кёрмеген, къартлыгъында сыйлы болмаз.
- Кийимни бир кюнню аясанг, минг кюннге джарар.
- Тюзню ётмеги тюзде къалса да, тас болмаз.
- Сагъышы джокъ – джукъучу, акъылы джокъ – къаугъачы.
- Босагъагъа джууукъ орун болса, ашыгъыб тёрге озма.
- Тойгъан антын унутур.
- Адамны джюреги нени кёрюрге сюйсе, кёзю да аны кёрюрге ёч болады.
- Ашыкъгъанны этеги бутуна чырмалыр.
- Нёгер болсанг, тенг бол, тенг болмасанг, кенг бол.
- Къуллукъчума, деб махтанма, къуллукъ – хаух джамчыды!
- Ауузу аманнга «иги», деме.
- Гугук кесини атын айтыб къычыргъанча, мен, мен деб нек тураса?
- Аз сёлеш, кёб ишле.
- Кирсизни – саны таза, халалны – къаны таза.
- Эки элинги тыйсанг, джети элде махталырса.
- Суугъа – чабакъ, къаягъа – ыргъакъ.
- Хунаны тюбюн къазсанг, юсюнге ауар.
- Биреу къой излей, биреу той излей.
- Джашлыкъ этмеген, башлыкъ этмез.
- Суугъа – таянма, джаугъа – ийнанма.
- Къызбайны юйюне дери сюрсенг, батыр болур.
- Чыбыкълыкъда бюгюлмеген, къазыкълыкъда бюгюлмей эди.
- Бек ашыкъгъан меннге джетсин, дегенди аракъы.
- Башсыз урчукъ тюзюне айланмаз.
- Бёрю да ач къалмасын, эчки да ашалмасын.
- Джерни букъусу кёкге къонмаз.
- Тойгъандан сора, ашны сёкме.
- Тели турса – той бузар.
- Суу кетер, таш къалыр.
- Джетген къыз джерли эшекни танымаз.
- Ургъан суудан башынгы сакъла.
- Бек анасы джыламаз.
- Аджашханны ызындагъы кёреди, джангылгъанны джанындагъы биледи.
- Юреннген ауруу къалмаз.
- Асхат ашлыкъ сата, юйдегиси ачдан къата.
- Ач бёрюге мекям джокъ.
Фонд содействия развитию карачаево-балкарской молодежи «Эльбрусоид»
© 2003-2026 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
