Расширенный поиск
30 Апреля 2026 года
Логин: Регистрация
Пароль: Забыли пароль?
Навигация
Словарь
  • Чомарт къонакъ юй иесин сыйлар.
  • Айырылгъанланы айю ашар, бёлюннгенлени бёрю ашар.
  • Акъыллы эркиши атын махтар, акъылсыз эркиши къатынын махтар.
  • Урунуу – насыбны анасы.
  • Тилде сюек болмаса да, сюек сындырыр.
  • Тамбла алтындан бюгюн багъыр ашхы.
  • Тюкюрюк баш джармаз, налат кёз чыгъармаз!
  • Биреуню тёрюнден, кесинги эшик артынг игиди.
  • Аман адамны тепсинге олтуртсанг, къызынгы тилер.
  • Тюз сёз баргъан сууну тыяр.
  • Эл ауузу – элек, анга ийнаннган – халек.
  • Къарт болгъан джерде, берекет болур, сабий болгъан джерде, оюн болур.
  • Чабакъгъа акъыл, табагъа тюшсе келеди.
  • Кийимни бичсенг, кенг бич, тар этген къыйын тюлдю.
  • Тилчи тилден къаныкъмаз.
  • Ойнаб айтсанг да, эслеб айт.
  • Къумурсхала джыйылсала, пилни да джыгъадыла.
  • Сангырау къулакъ эл бузар.
  • Насыблы элин сюер, насыбсыз кесин сюер.
  • Арбаз къынгырды да, ийнек сауалмайма.
  • Адеби болмагъан къыз – тузсуз хант.
  • Юй кюйдю да, кюйюз чыкъды, ортасындан тюйюш чыкъды.
  • Эки итни арасына сюек атма, эки адамны арасында сёз чыгъарма.
  • Тау башында, тау болмаз, джангыз терек, бау болмаз.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Дуния аламаты сен эсенг да, игиме деб айтма.
  • Харам къарнашдан, халал тенг ашхы.
  • Ёгюзню мюйюзлери ауурлукъ этмейдиле.
  • Айныгъанлы алты кюн, тогъайгъанлы тогъуз кюн.
  • Адамны аты башхача, акъылы да башхады.
  • Ашына кёре табагъы, балына кёре къалагъы.
  • Адеб джокъда, намыс джокъ.
  • Айтханы чапыракъдан ётмеген.
  • Ачлыкъда тары гырджын халыуадан татлы.
  • Окъугъан озар, окъумагъан тозар.
  • Азыгъы аз, алгъа къабар, аты аман, алгъа чабар.
  • Ишге юренсин къоллары, халкъ бла болсун джоллары.
  • Аш иеси бла татлыды.
  • Адам боллукъ, атламындан белгили болур.
  • Керти сёзге тёре джокъ.
  • Къарт бла баш аша, джаш бла аякъ аша.
  • Сормай – алма, чакъырылмай – барма.
  • Ашхы адам – халкъ байлыгъы, ашхы джер – джашау байлыгъы.
  • Ачны эсинде – аш.
  • Алтыннга тот къонмаз.
  • Терек ауса, отунчу – кёб.
  • Билимли ёлмез, билимсиз кёрмез.
  • Билим къая тешер.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Атадан ёксюз – бир ёксюз, анадан ёксюз – эки ёксюз.

Фотографии

+ Создать галерею
Альбомы Эльбрусоида / Современники

Ярмарка народов 1 мая в РУДН.

Фотографий - 56