Расширенный поиск
12 Октября 2025 года
Логин: Регистрация
Пароль: Забыли пароль?
Навигация
Словарь
  • Таугъа чыгъаллыкъ эсенг, тюзде къалма.
  • Къая джолда джортма, ачыкъ сёзден къоркъма.
  • Этим кетсе да, сюегим къалыр.
  • Джахил болса анасы, не билликди баласы?
  • Термилгенинги табмазса, кюлгенинге тюберсе.
  • Рысхы джалгъанды: келген да этер, кетген да этер.
  • Нёгер болсанг, тенг бол, тенг болмасанг, кенг бол.
  • Кёлсюзден сёзсюз тууар.
  • Тойну къарнашы – харс, джырны къарнашы – эжиу.
  • Бети – къучакълар, джюреги – бычакълар.
  • Чакъырылгъанны аты, чакъырылмагъанны багъасы болур.
  • Агъач – джерни чырайы, кийим – эрни чырайы.
  • Сормай – алма, чакъырылмай – барма.
  • Аз айтсам, кёб ангылагъыз.
  • Сыфатында болмагъаны, суратында болмаз.
  • Билим ат болуб да чабар, къуш болуб да учар.
  • Тас болгъан бычакъны сабы – алтын.
  • Магъанасыз сёз – тауушсуз сыбызгъы.
  • Иги болса, тамадама – махтау, аман болса, меннге – айыб.
  • Кёкдеги болмаса, джердегин кёрмейди.
  • Джумушакъ терекни къурт ашар.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Ашын ашагъанынгы, башын да сыйла.
  • Сескекли кесин билдирир.
  • Гугук кесини атын айтыб къычыргъанча, мен, мен деб нек тураса?
  • Джарлы эскисин джамаса, къууаныр.
  • Кёзню ачылгъаны – иги, ауузну джабылгъаны – иги.
  • Тил джюрекге джол ишлейди.
  • Сёз садакъдан кючлюдю.
  • Кечеси – аяз, кюню – къыш, джарлы къаргъагъа бир аш тюш!
  • Сагъышы джокъ – джукъучу, акъылы джокъ – къаугъачы.
  • Ишленмеген джаш – джюгенсиз ат, ишленмеген къыз – тузсуз хант.
  • Сабийни джумушха джибер да, ызындан бар.
  • Баргъанынга кёре болур келгенинг.
  • Къонакъ болсанг, ийнакъ бол.
  • Тыш элде солтан болгъандан эсе, кесинги элде олтан болгъан игиди!
  • Тойгъан антын унутур.
  • Ата Джуртча джер болмаз, туугъан элча эл болмаз.
  • Керилген да, ургъан кибикди.
  • Халкъны юйю – туугъан джери.
  • Мал тутхан – май джалар.
  • Тилчи бир сагъатха айлыкъ хата этер.
  • Харам къарнашдан, халал тенг ашхы.
  • Сютден ауузу кюйген, суугъа юфгюре эди.
  • Ата Джуртуму башы болмасам да, босагъасында ташы болайым.
  • Башда акъыл болмаса, эки аякъгъа кюч джетер.
  • Эри аманны, къатыны – аман.
  • Акъдан къара болмаз.
  • Къан бла кирген, джан бла чыгъар.
  • Кёрмегеннге кебек – танг, битмегеннге сакъал – танг.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии