Расширенный поиск
14 Сентября 2025 года
Логин: Регистрация
Пароль: Забыли пароль?
Навигация
Словарь
  • Тёрени джагъы джокъ.
  • Джаз бир кюнню джатсанг, къыш талай кюнню абынырса.
  • Мураты болгъанны джюрек тебюую башхады.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ариу сёз – къылычдан джити.
  • Тойгъан джерге джети къайт.
  • Ишлегенден, къарагъан уста.
  • Айтханы чапыракъдан ётмеген.
  • Аманны эки битли тону болур, бирин сеннге кийдирир, бирин кеси киер.
  • Рысхы – сют юсюнде кёмюк кибикди.
  • Джаралыны джастыгъында сау ёлюр.
  • Кюн кёрмеген, кюн кёрсе, кюндюз чыракъ джандырыр.
  • Ёнгкюч къууана барыр, джылай келир.
  • Джаш къарыу бла кючлю, къарт акъыл бла кючлю.
  • Кёзню ачылгъаны – иги, ауузну джабылгъаны – иги.
  • Ёлюк кебинсиз къалмаз.
  • Тешигини къатында, чычхан да батыр болур.
  • Кюл тюбюндеги от кёрюнмейди.
  • Айраннга суу къош, телиге джол бош.
  • Миллетни бойну – базыкъ, аны бла кюрешген – джазыкъ.
  • Кёбден умут этиб, аздан къуру къалма.
  • Тойгъа барсанг, тоюб бар, эски тонунгу къоюб бар.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Къыз келсе, джумуш эте келеди, къатын келсе, ушакъ эте келеди.
  • Байлыкъ адамны сокъур этер.
  • Адамны аманы адамны бети бла ойнар.
  • Иесиз малны бёрю ашар.
  • Ишлегенде эринме, ишде чолакъ кёрюнме.
  • Тойчу джашха къарама, къойчу джашха къара.
  • Суугъа – таянма, джаугъа – ийнанма.
  • Атадан ёксюз – бир ёксюз, анадан ёксюз – эки ёксюз.
  • Сууда джау джокъ, кёб сёзде магъана джокъ.
  • Туз, гырджын аша, тюзлюк бла джаша.
  • Окъ къызбайны джокълайды.
  • Сабыр джетер муратха, сабырсыз къалыр уятха.
  • Биреуге кёлтюрген таягъынг, кесинги башынга урур.
  • Адам сёзюнден белгили.
  • Халкъгъа джарагъан, джарлы къалмаз.
  • Эр сокъур болсун, къатын тилсиз болсун.
  • Таукел адам тау тешер.
  • Ишин билген, аны сыйын чыгъарады.
  • Мухарны эси – ашарыкъда.
  • Къартха ушагъан джаш – акъыллы, джашха ушагъан къарт – тели.
  • Ашхы болсанг, атынг чыгъар, аман болсанг, джанынг чыгъар.
  • Ёлген ийнек сютлю болур.
  • Кийиминг бла танылма, адамлыкъ бла таныл.
  • Ач да бол, токъ да бол – намысынга бек бол.
  • Кирсизни – саны таза, халалны – къаны таза.
  • Ачлыкъда тары гырджын халыуадан татлы.

Статьи

Статьи: культура, история, современность

Случайные Лучшие Рекомендуемые

Новые статьи

следующие 5 предыдущие 5

Популярные

за неделю за месяц

Последние комментарии