Песен: 20 Создан:
06.05.2015 Обновлен:
06.05.2015
| 1 Июня | 2024 года |
Навигация
- Къайгъы тюбю – тенгиз.
- Дуния аламаты сен эсенг да, игиме деб айтма.
- Джашда акъыл джокъ, къартда къарыу джокъ.
- Ач, тоймам, дейди, тойгъан, ач болмам, дейди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джыланны къуйругъундан басарынг келсе, аны башы болгъанын унутма.
- Акъыллы айтыр эди, акъылсыз къоймайды.
- Хата – гитчеден.
- Ёнгкюч къууана барыр, джылай келир.
- Ариу сёз аурууунгу алыр.
- Джогъун бар этген, барын бал этген.
- Орундукъ тюбюнде атылсам да, орта джиликме, де да айлан.
- Чабар ат – джетген къыз.
- Окъ къызбайны джокълайды.
- Ата Джуртча джер болмаз, туугъан элча эл болмаз.
- Таула не мийик болсала да, аууш табылыр.
- Ашхылыкъ джерде джатмайды, аманлыкъ суугъа батмайды.
- Ётюрюкден тюбю джокъ, кёлтюрюрге джиби джокъ.
- Уллу суу бла уллу ауруудан башынгы сакъла.
- Къолунгдан къуймакъ ашатсанг да, атаны борчундан къутулмазса.
- Ашхы тенг джолгъа салыр, аман тенг джолдан тайдырыр.
- Тил бла келеди джыр да.
- Ётюрюкчюню шагъаты – къатында.
- Биреуге кёлтюрген таягъынг, кесинги башынга урур.
- Кёзню ачылгъаны – иги, ауузну джабылгъаны – иги.
- Махтаннган къыз, тойда джукълар.
- Тас болгъан бычакъны сабы – алтын.
- Тин – байлыгъынг, терен саулугъунг.
- Чабакъгъа акъыл, табагъа тюшсе келеди.
- Ёлген эшек бёрюден къоркъмайды.
- Къарнынг тойгъунчу аша да, белинг талгъынчы ишле.
- Эркиши – от, тиширыу – суу.
- Тенгинг джокъ эсе – изле, бар эсе – сакъла!
- Ашхы атаны – джашы ашхы, ашхы ананы – къызы ашхы.
- Сыфатында болмагъаны, суратында болмаз.
- Ашыкъгъан cуу, тенгизге джетмез.
- Кёл ашады да, кеси ашады.
- Асхат ашлыкъ сата, юйдегиси ачдан къата.
- Иги адам абынса да, джангылмаз.
- Арыгъан къош чамчы болур.
- Аш кетер да бет къалыр.
- Башы джабылгъан челекге, кир тюшмез.
- Къанны къан бла джуума, аманны аман бла къуума.
- Къайгъыны сюйген, къайгъы табар.
- Къатын къылыкъсыз, эр тынчлыкъсыз.
- Бал – татлы, балдан да бала – татлы.
- Илму – джашауну джолу.
- Кюлме джашха – келир башха.
- Тели турса – той бузар.
- Бети къызарыучу адамны, джюреги харам болмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
