Аудио :: Аудио:: Узденов П

Агъач халкъгъа алтынды, иссиликге салкъынды.
Арбаз къынгырды да, ийнек сауалмайма.
Аякъларынгы джууургъанынга кёре узат.
Гыдай эчки суугъа къараб, мюйюзле кёрмесе, джашма алкъын, дегенди.
Сёз садакъдан кючлюдю.
Байлыкъ болгъан джерде, тынчлыкъ джокъду.
Бичгенде ашыкъма, тикгенде ашыкъ.
Юйюнг бла джау болгъандан эсе, элинг бла джау бол.
Чыкълы кюнде чыкъмагъан, чыкъса къуру кирмеген.
Къайтырыкъ эшигинги, къаты уруб чыкъма.
Къарт болгъан джерде, берекет болур, сабий болгъан джерде, оюн болур.
Уллу айтханны этмеген – уллаймаз.
Тойгъан джерден туугъан джер игиди.
Болджал ишни бёрю ашар.
Баланы адам этген анады.
Джарлыны тону джаз битер.
Ач уят къоймаз.
Керти сёзге тёре джокъ.
Минг тенг да азды, бир джау да кёбдю.
Башынга джетмегенни сорма.
Ана кёлю – балада, бала кёлю – талада.
Ётюрюк хапар аякъ тюбю бла джюрюйдю.
Шайтан алдады, тюзлюк къаргъады.
Тилде сюек болмаса да, сюек сындырыр.
Джылыгъа джылан илешир.
Айраннга суу къош, телиге джол бош.
Джюрекге ариу – кёзге да ариу.
Танг атмайма десе да, кюн къоярыкъ тюйюлдю.
Ашха уста, юйюнде болсун
Къатын байлыкъны сюер, эр саулукъну сюер.
Кёб джат да, бек чаб.
Тамчы таш тешер.
Акъыл бла адеб эгизледиле.
Рысхы – сют юсюнде кёмюк кибикди.
Уллу къашыкъ эрин джыртар.
Ёлмесенг да, къарт дамы болмазса?
Насыб бютеу халкъны юлюшюдю.
Ата Джуртуму башы болмасам да, босагъасында ташы болайым.
Чабакъсыз кёлге къармакъ салгъанлыкъгъа, чабакъ тутмазса.
Билмезни кёзю кёрмез, этмезни къулагъы эшитмез.
Айран ичген – къутулду, джугъусун джалагъан – тутулду.
Аманны эки битли тону болур, бирин сеннге кийдирир, бирин кеси киер.
Къошда джокъгъа – юлюш джокъ.
Мал ёлсе, сюек къалыр, адам ёлсе, иши къалыр.
Ач келгенни – тойдур, кеч келгенни – къондур.
Джарлы эскисин джамаса, къууаныр.
Баш – акъыл ючюн, акъылман – халкъ ючюн.
Къартны сыйын кёрмеген, къартлыгъында сыйлы болмаз.
Акъыл сабырлыкъ берир.
Аш кетер да бет къалыр.

Логин:	Регистрация

Пароль:	Забыли пароль?

Запомнить меня

Аудио

Узденов П

Скачать

Адрес