Аудио :: Аудио:: Чам хапарла

Ашхы сёз таш тешер.
Къайтырыкъ эшигинги, къаты уруб чыкъма.
Байны къызы баймакъ болса да, юйде къалмаз!
Сёлеш деб шай берген, тохта деб, сом берген.
Ёксюзню къалачы уллу кёрюнюр.
Намыс болмагъан джерде, насыб болмаз.
Ана – юйню кюн джарыгъы.
Махтаннган къыз, тойда джукълар.
Ариу сёз аурууунгу алыр.
Къартха ушагъан джаш – акъыллы, джашха ушагъан къарт – тели.
Уллу сёлешме да, уллу къаб.
Бичгенде ашыкъма, тикгенде ашыкъ.
Къонакъ аз олтурур, кёб сынар.
Тин – байлыгъынг, терен саулугъунг.
Юреннген ауруу къалмаз.
Асхат ашлыкъ сата, юйдегиси ачдан къата.
Эрине къаргъыш этген къатын, эрнин къабар.
Чакъырылмагъан къонакъ тёрге атламаз.
Телини эшигин, махтау джабар.
Аурууну келиую тынч, кетиую – къыйын.
Къарт болгъан джерде, берекет болур, сабий болгъан джерде, оюн болур.
Таукелге нюр джауар.
Джол бла сёзню къыйыры джокъ.
Уллу къазанда бишген эт, чий къалмаз.
Магъанасыз сёз – тауушсуз сыбызгъы.
Бёрю да ач къалмасын, эчки да ашалмасын.
Чакъырылгъанны аты, чакъырылмагъанны багъасы болур.
Биреу ашаб къутулур, биреу джалаб тутулур.
Хаухну атма, ёнгкючню сатма.
Байлыкъдан саулукъ ашхыды.
Окъугъан – асыу, окъумагъан – джарсыу.
Онгсузну – джакъла, тенгликни – сакъла.
Окъуу – билимни ачхычы, окъуу – дунияны бачхычы.
Билгенни къолу къарны джандырыр.
Шапа кёб болса, аш татымсыз болур.
Окъ къызбайны джокълайды.
Къыйынлы джети элге оноу этер.
Эшекни не къадар тюйсенг да, ат болмаз.
Джылыгъа джылан илешир.
Чомарт къонакъ юй иесин сыйлар.
Сёз сёзню айтдырыр.
Къоркъакъны кёзю экили кёрюр.
Аманнга игилик этсенг, юйюнге сау бармазса.
Сууда джау джокъ, кёб сёзде магъана джокъ.
Къуллукъчума, деб махтанма, къуллукъ – хаух джамчыды!
Ауузу бла къуш тута айланады.
Башсыз урчукъ тюзюне айланмаз.
Баланы адам этген анады.
Насыблы элин сюер, насыбсыз кесин сюер.
Намыс сатылыб алынмайды.

Логин:	Регистрация

Пароль:	Забыли пароль?

Запомнить меня

Аудио

Чам хапарла

Скачать

Адрес