Песен: 13 Создан:
06.05.2015 Обновлен:
06.05.2015
| 1 Июня | 2024 года |
Навигация
- Аман адам этегингден тутса, кес да къач.
- Садакъачыны джаны – къапчыгъында.
- Насыблы элин сюер, насыбсыз кесин сюер.
- Адам туугъан джеринде, ит тойгъан джеринде.
- Къуллукъчума, деб махтанма, къуллукъ – хаух джамчыды!
- Борчунг бар эсе, хурджунунга ойлаб узал.
- Окъдан джара эртде-кеч болса да бителир, сёз джара, ёмюрге къалыр.
- Тёзгеннге, джабылгъан эшик ачылыр.
- Ётген ёмюр – акъгъан суу.
- Булут кёкге джарашыу, уят бетге джарашыу.
- Тенги кёбню джау алмаз, акъылы кёбню дау алмаз.
- Джетген къыз джерли эшекни танымаз.
- Намыс сатылыб алынмайды.
- Бек ашыкъгъан меннге джетсин, дегенди аракъы.
- Эки ойлашыб, бир сёлешген.
- Къызгъанчдан ычхыныр, мухардан ычхынмаз.
- Иесиз малны бёрю ашар.
- Къыз чыгъаргъан – къызыл къымжа.
- Окъуусуз билим – джокъ, билимсиз кюнюнг – джокъ.
- Адам къыйынлыгъын кёлтюрюр, зауукълугъун кёлтюрмез.
- Бермеген къол, алмайды.
- Атадан ёксюз – бир ёксюз, анадан ёксюз – эки ёксюз.
- Билим ат болуб да чабар, къуш болуб да учар.
- Ариу сёз – къылычдан джити.
- Этни да ашады, бетни да ашады.
- Аллахха ийнаннган кишини, Аллах онгдурур ишин.
- Туз, гырджын аша, тюзлюк бла джаша.
- Чыбыкълыкъда бюгюлмеген, къазыкълыкъда бюгюлмей эди.
- Бир абыннган – минг сюрюнюр.
- Ёлмесенг да, къарт дамы болмазса?
- Ёлюк кебинсиз къалмаз.
- Намысы джокъну – дуниясы джокъ.
- Аурууну келиую тынч, кетиую – къыйын.
- Айтылгъан сёз ызына къайтмаз.
- Ат да турмайды бир териде.
- Кютгени беш эчки, сызгъыргъаны уа, джерни джарады.
- Ышармагъан – кюлмез, кюлмеген – къууанчны билмез.
- Джангыз торгъай джырламаз.
- Къан бла кирген, джан бла чыгъар.
- Байлыкъ адамны сокъур этер.
- Адамны сыфатына къарама, сёзюне къара.
- Уруну арты – къуру.
- Хоншуну тауугъу къаз кёрюнюр, келини къыз кёрюнюр.
- Ашатыргъа иш – ашхы, ишлетирге аш – ашхы.
- Аманны тукъумуна къарама, игини тукъумун сорма.
- Тас болгъан бычакъны сабы – алтын.
- Аман хансны – урлугъу кёб.
- Джауумдан сора, кюн кюйдюрюр, ётюрюкден сора, айыб кюйдюрюр.
- Мен да «сен», дейме, сен да «кесим», дейсе.
- Къартны сыйын кёрмеген, къартлыгъында сыйлы болмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
