Аудио :: Аудио:: Мамырлыкъ, къууанч сизге, саула…

Акъыл аздырмаз, билим тоздурмаз.
Джыгъылгъанны сырты джерден тоймаз.
Бетинги сатма, малынгы сат.
Кийимни бичсенг, кенг бич, тар этген къыйын тюлдю.
Ата Джуртча джер болмаз, туугъан элча эл болмаз.
Билмейме деген – бир сёз
Босагъагъа джууукъ орун болса, ашыгъыб тёрге озма.
Къонагъы джокъну – шоху джокъ.
Билеги кючлю, бирни джыгъар, билими кючлю, мингни джыгъар.
Эркишини аманы тиширыуну джылатыр.
Юйюнг бла джау болгъандан эсе, элинг бла джау бол.
Эл бла кёргенинг эрелей.
Насыблы элин сюер, насыбсыз кесин сюер.
Уясында не кёрсе, учханында аны этер.
Иги – алгъыш этер, аман – къаргъыш этер.
Джашны джигитлиги сорулур, къызны джигерлиги сорулур.
Кёл – къызбай, къол – батыр.
Тулпарлыкъ, билекден тюл – джюрекден.
Къартны бурнун сюрт да, оноугъа тут.
Таукел адам тау тешер.
Татлы тилде – сёз ариу, чемер къолда – иш ариу.
Мухардан ач ычхынмаз.
Чомарт джарлы болмаз.
Арпа, будай – ащды, алтын, кюмюш а – ташды.
Атынг аманнга чыкъгъандан эсе, джанынг тамагъынгдан чыкъсын.
Адеби болмагъан къыз – тузсуз хант.
Гырджын – тепсини тамадасы.
Соргъан айыб тюлдю, билмеген айыбды.
Ауузу аманнга «иги», деме.
Баланы адам этген анады.
Ишлегенден, къарагъан уста.
Халкъгъа джарагъан, джарлы къалмаз.
Билим къая тешер.
Джерни букъусу кёкге къонмаз.
Кесине гебен этелмеген, биреуге черен эте эди.
Джарашыу сюйген – джалынчакъ.
Шайтан алдады, тюзлюк къаргъады.
Хунаны тюбюн къазсанг, юсюнге ауар.
Узун джолну барсанг, бюгюн келирсе, къысха джолну барсанг, тамбла келирсе.
Тойгъан джерге джети къайт.
Джуртун къоругъан озар.
Аджал соруб келмез, келсе, къайтыб кетмез.
Ач уят къоймаз.
Джигер – джаннга къыйынлыкъ.
Ишни ахырын ойламай, аллын башлама.
Къыз келсе, джумуш эте келеди, къатын келсе, ушакъ эте келеди.
Ат басханны джер билед.
Хантына кёре тузу, юйюне кёре къызы.
Башынга джетмегенни сорма.
Берекет берсин деген джерде, берекет болур.

Логин:	Регистрация

Пароль:	Забыли пароль?

Запомнить меня

Аудио

Мамырлыкъ, къууанч сизге, саула…

Скачать

Адрес