Аудио :: Аудио:: Иги сёзню бичакъ кесмез

Телиге от эт десенг, юйюнге от салыр.
Бети бедерден, намыс сакълама.
Сабыр джетер муратха, сабырсыз къалыр уятха.
Бойнуму джети джерден кессенг да, мен ол ишни этеллик тюлме.
Ариу – кёзге, акъыл – джюрекге.
Байлыкъ адамны сокъур этер.
Башланнган иш битер, къымылдагъан тиш тюшер.
Чомартха хар кюн да байрамды.
Къазанчы аман болса, къазаны къайнамаз.
Ариу сёз – къылычдан джити.
Чомартны къолун джокълукъ байлар.
Джангыз терек къынгыр ёсер.
Тюкюрюк баш джармаз, налат кёз чыгъармаз!
Тамырсыз терекге таянма – джыгъылырса.
Керилген да, ургъан кибикди.
Уллу сёзде уят джокъ.
Иги джашны ышаны – аз сёлешиб, кёб тынгылар.
Байдан умут эте, джарлыдан ёгюз багъасы къорады.
Эринчекни эр алмаз, эр алса да, кёл салмаз, кёл салса да, кёб бармаз!
Къобан да къуру да къобханлай турмайды, адам да къуру да патчахлай турмайды.
Къызын тута билмеген, тул этер, джашын тута билмеген, къул этер.
Чабакъгъа акъыл, табагъа тюшсе келеди.
Адамны бетине къарама, адетине къара.
Харам къарнашдан, халал тенг ашхы.
Бал ашаргъа сюе эсенг, чибин ургъаннга тёз.
Таукел адам тау тешер.
Айырылмаз джууугъунга, унутмаз сёзню айтма.
От кюйдюрген, сау болса да, тот кюйдюрген, сау болмаз.
Къартны сыйын кёрмеген, къартлыгъында сыйлы болмаз.
Чыкълы кюнде чыкъмагъан, чыкъса къуру кирмеген.
Тура эдим джата, къайдан чыкъды хата?
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ишлегенден, къарагъан уста.
Эркишини аманы тиширыуну джылатыр.
Таукел къуру къалмаз.
Къыйынлы джети элге оноу этер.
Гырджын – тепсини тамадасы.
Тойгъа барсанг, тоюб бар, эски тонунгу къоюб бар.
Сакъламагъан затынга джолукъсанг, не бек къууанаса, не бек ачыйса.
Кёпюр салгъан кеси ётер, уру къазгъан кеси кетер.
Тенги кёбню джау алмаз, акъылы кёбню дау алмаз.
Джырына кёре эжиую.
Сангырау къулакъ эл бузар.
Тилчи бир сагъатха айлыкъ хата этер.
Алтыда кюлмеген, алтмышда кюлмез.
Айранын берсенг, челегин да къызгъанма.
Тыш элде солтан болгъандан эсе, кесинги элде олтан болгъан игиди!
Ётюрюк хапар аякъ тюбю бла джюрюйдю.
Ёлмесенг да, къарт дамы болмазса?
Асхат ашлыкъ сата, юйдегиси ачдан къата.

Логин:	Регистрация

Пароль:	Забыли пароль?

Запомнить меня

Аудио

Иги сёзню бичакъ кесмез

Скачать

Адрес