Аудио :: Аудио:: Иги сёзню бичакъ кесмез

Чабакъгъа акъыл, табагъа тюшсе келеди.
Суу кетер, таш къалыр.
Сакъламагъан затынга джолукъсанг, не бек къууанаса, не бек ачыйса.
Аурууну келиую тынч, кетиую – къыйын.
Билген билмегенни юретген адетди.
Аман къатын сабий табса, бий болур…
Джырчы ёлсе, джыры къалыр.
Бойнуму джети джерден кессенг да, мен ол ишни этеллик тюлме.
Аллахдан тилесенг, кёб тиле.
Ата джурт – алтын бешик.
Кёпюр салгъан кеси ётер, уру къазгъан кеси кетер.
Кюн – узун, ёмюр – къысха.
Хата – гитчеден.
Аякъларынгы джууургъанынга кёре узат.
Адамгъа аман кюн соруб келмейди.
Аз айтсам, кёб ангылагъыз.
Эки итни арасына сюек атма, эки адамны арасында сёз чыгъарма.
Къайгъы тюбю – тенгиз.
Билим – акъылны чырагъы.
Ёмюрлюк шохлукъну джел элтмез.
Мухар, кеси тойса да, кёзю тоймаз.
Ариуну – ауруу кёб.
Къарын къуру болса, джюрек уру болур.
Чакъырылмагъан къонакъ къачан кетерин сормаз.
Къонакъ кёб келюучю юйню, къазаны отдан тюшмез.
Мухарны эси – ашарыкъда.
Ётюрюкчюню шагъаты – къатында.
Кёбден умут этиб, аздан къуру къалма.
Къайгъыны сюйген, къайгъы табар.
Къралынгы – душмандан, башынгы от бла суудан сакъла.
Магъанасыз сёз – тауушсуз сыбызгъы.
Кёб джат да, бек чаб.
Кёзюнде тереги болгъан, чёбю болгъаннга кюле эди.
Чарсда алчыны эл кёреди.
Сормай – алма, чакъырылмай – барма.
Арба аугъандан сора, джол кёргюзтюучю кёб болур.
Таукел къуру къалмаз.
Къыйынлы джети элни къайгъысын этер.
Бермеген къол, алмайды.
Адебсиз адам – джюгенсиз ат.
Окъуу – билимни ачхычы, окъуу – дунияны бачхычы.
Огъурлуну сёзю – суу, огъурсузну сёзю – уу.
Гугук кесини атын айтыб къычыргъанча, мен, мен деб нек тураса?
Адам бла мюлк юлешмеген эсенг, ол адамны билиб бошагъанма, деб кесинги алдама.
Эл элде бирер малынг болгъандан эсе, бирер тенгинг болсун.
Айтхан сёзюне табылгъан.
Эки къатын алгъан – эки ташны ортасына башын салгъан.
Джети тилни билген джети кишиди.
Ариу джол аджал келтирмез.
Бёрю да ач къалмасын, эчки да ашалмасын.

Логин:	Регистрация

Пароль:	Забыли пароль?

Запомнить меня

Аудио

Иги сёзню бичакъ кесмез

Скачать

Адрес