Аудио :: Аудио:: Алания (группа)

Джюз элде джюз ёгюзюм болгъандан эсе, джюз джууугъум болсун.
Къазанчы аман болса, къазаны къайнамаз.
Акъыл неден да кючлюдю.
Джангыз терек къынгыр ёсер.
Намысы болмагъанны, сыйы болмаз.
Келинин тута билмеген, къул этер, къызын тута билмеген, тул этер.
Aдам боллукъ, сыфатындан белгили.
Къуру гыбыт бек дыгъырдар.
Аманнга игилик этсенг, юйюнге сау бармазса.
Узун джолну барсанг, бюгюн келирсе, къысха джолну барсанг, тамбла келирсе.
Чакъырылмагъан къонакъ къачан кетерин сормаз.
Телини эшигин, махтау джабар.
Экиндини кеч къылсанг, чабыб джетер ашхам.
Къарт айтханны этмеген, къартаймаз.
Эли джокъну – кёлю джокъ.
Биреуню эскиси биреуге джангы болмайды.
Суу ичген шауданынга тюкюрме.
Къайгъыны сюйген, къайгъы табар.
Эл ауузу – элия.
Джаз бир кюнню джатсанг, къыш талай кюнню абынырса.
Аллахдан тилесенг, кёб тиле.
Джумушакъ сёз къаты таякъны сындырыр.
Сютден ауузу кюйген, суугъа юфгюре эди.
Адамны аты башхача, акъылы да башхады.
Ариу сёз – къылычдан джити.
Башда акъыл болмаса, эки аякъгъа кюч джетер.
Баргъанынга кёре болур келгенинг.
Керек ташны ауурлугъу джокъ.
Къолунгдан къуймакъ ашатсанг да, атаны борчундан къутулмазса.
Бетинги сатма, малынгы сат.
Чомартны къолун джокълукъ байлар.
Адеб джокъда, намыс джокъ.
Байма, деб да, къууанма, джарлыма, деб да, джылама.
Ата – баланы уясы.
Чыкълы кюнде чыкъмагъан, чыкъса къуру кирмеген.
Кёб джат да, бек чаб.
Акъыллы эркиши атын махтар, акъылсыз эркиши къатынын махтар.
Малны кют, джерни тюрт.
Ач къарным, тынч къулагъым.
Артына баргъанны, къатына барма.
Иги бла джюрюсенг, джетерсе муратынга, аман бла джюрюсенг, къалырса уятха.
Аз сёлешген, къайгъысыз турур.
Къанны къан бла джуума, аманны аман бла къуума.
Иши джокъну, сыйы джокъ.
Акъыл сабырлыкъ берир.
Джаным-тиним – окъуу, билим.
Кийимни бир кюнню аясанг, минг кюннге джарар.
Джогъун бар этген, барын бал этген.
Сёз – кюмюш, джыр – алтын.
Джюрекге ариу – кёзге да ариу.

Логин:	Регистрация

Пароль:	Забыли пароль?

Запомнить меня

Аудио

Алания (группа)

Скачать

Адрес