Аудио :: Аудио:: Отаров Омар

Ётюрюк хапар аякъ тюбю бла джюрюйдю.
Шекер бла туз – бир болмаз, ушамагъан – юй болмаз.
Байны къызы баймакъ болса да, юйде къалмаз!
Арыгъан къош чамчы болур.
Аш хазыр болса, иш харам болур.
Абынмазлыкъ аякъ джокъ, джангылмазлыкъ джаякъ джокъ.
Ханнга да келеди хариблик.
Танг атмайма десе да, кюн къоярыкъ тюйюлдю.
Джюрекден джюрекге джол барды.
Къралынгы – душмандан, башынгы от бла суудан сакъла.
Къартха ушагъан джаш – акъыллы, джашха ушагъан къарт – тели.
Атадан ёксюз – бир ёксюз, анадан ёксюз – эки ёксюз.
Ачны эсинде – аш.
Кёлсюзден сёзсюз тууар.
Адам сёзге тынгыла, акъыл сёзню ангыла.
Адамны аманы адамны бети бла ойнар.
Ашхы сёз таш тешер.
Тёзгеннге, джабылгъан эшик ачылыр.
Джылыгъа джылан илешир.
Мухардан ач ычхынмаз.
Аджашхан тёгерек айланыр.
Тулпарлыкъ, билекден тюл – джюрекден.
Джумушакъ сёз къаты таякъны сындырыр.
Джауумдан сора, кюн кюйдюрюр, ётюрюкден сора, айыб кюйдюрюр.
Къарыусузгъа кюлме, онгсузгъа тийме.
Башда акъыл болмаса, эки аякъгъа кюч джетер.
Сютню башын джалагъан къутулур, тюбюн ичген тутулур.
Чомарт бергенин айтмаз.
Этек чакъмакълары баш джаргъан, сёлешген сёзлери таш джаргъан.
Тай асырагъан, атха минер.
Хоншуну тауугъу къаз кёрюнюр, келини къыз кёрюнюр.
Бал чибинни ургъаны – ачы, балы – татлы.
Орундукъ тюбюнде атылсам да, орта джиликме, де да айлан.
Эл элде бирер малынг болгъандан эсе, бирер тенгинг болсун.
Магъанасыз сёз – тауушсуз сыбызгъы.
Ач бёрюге мекям джокъ.
Джырына кёре эжиую.
Ашха уста, юйюнде болсун
Дженгил джетерикме деб, узун джолну къоюб, къысхасын барма.
Джаралыны джастыгъында сау ёлюр.
Аман къатын сабий табса, бий болур…
Ишленмеклик адамлыкъды.
Аман адам этегингден тутса, кес да къач.
Тойгъандан сора, ашны сёкме.
Айран тёгюлсе, джугъусу къалыр.
Нёгер болсанг, тенг бол, тенг болмасанг, кенг бол.
Ёнгкюч къууана барыр, джылай келир.
Тилчи бир сагъатха айлыкъ хата этер.
Джырчы джырчыгъа – къарнаш.
Ашарыкъда сайлагъаннга – чий гырджын.

Логин:	Регистрация

Пароль:	Забыли пароль?

Запомнить меня

Аудио

Отаров Омар

Скачать

Адрес