Аудио :: Аудио:: Жашуев Башир

Джангыз терек къынгыр ёсер.
Ачлыкъ отха секиртир.
Ёзденликни джайгъан – джокълукъ.
Биреуге кёлтюрген таягъынг, кесинги башынга урур.
Артына баргъанны, къатына барма.
Аууз сакълагъан – джан сакълар.
Дууулдаса – бал чибин, къонса – къара чибин.
Эллинг бла джау болсанг да, юйюнг бла джау болма.
Ишлегенден, къарагъан уста.
Сакъ юйюне сау барыр.
Ана къолу ачытмаз.
Иши джокъну, сыйы джокъ.
Адам къыйынлыгъын кёлтюрюр, зауукълугъун кёлтюрмез.
Ёмюрлюк шохлукъну джел элтмез.
Тенги кёбню джау алмаз, акъылы кёбню дау алмаз.
Къыз келсе, джумуш эте келеди, къатын келсе, ушакъ эте келеди.
Оюмсуз атлагъан, аджалсыз ёлюр.
Рысхы – насыбха къор.
Кёбню кёрген – кёб билир.
Джетген къыз джерли эшекни танымаз.
Садакъачыны джаны – къапчыгъында.
Къуру гыбыт бек дыгъырдар.
Чомартха Тейри да борчлуду.
Ашына кёре табагъы, балына кёре къалагъы.
Иги сёз – джаннга азыкъ, аман сёз башха – къазыкъ.
Тюзлюк тас болмайды.
Акъыллы башны – тили къысха.
Кюл тюбюндеги от кёрюнмейди.
Насыб бютеу халкъны юлюшюдю.
Кёб джашагъан – кёб билир.
Байлыкъдан саулукъ ашхыды.
Джогъун бар этген, барын бал этген.
Эркишини аманы тиширыуну джылатыр.
Сагъышы джокъ – джукъучу, акъылы джокъ – къаугъачы.
Суугъа – таянма, джаугъа – ийнанма.
Битмегеннге сакъал – танг.
Билгенни къолу къарны джандырыр.
Джыйырма къойну юч джыйырма эбзе кюте эди.
Ата – баланы уясы.
Рысхысына кёре, джаш ёсер, къышлыгъына кёре, мал ёсер.
Чыбыкълыкъда бюгюлмеген, къазыкълыкъда бюгюлмей эди.
Рысхы джалгъанды: келген да этер, кетген да этер.
Кюлме джашха – келир башха.
Аш берме да, къаш бер.
Аууздан келген, къолдан келсе, ким да патчах болур эди.
Ашхы адам – халкъ байлыгъы, ашхы джер – джашау байлыгъы.
Бек ашыкъгъан меннге джетсин, дегенди аракъы.
Адамгъа аман кюн соруб келмейди.
Джолда аягъынга сакъ бол, ушакъда тилинге сакъ бол.
Суугъа – чабакъ, къаягъа – ыргъакъ.

Логин:	Регистрация

Пароль:	Забыли пароль?

Запомнить меня

Аудио

Жашуев Башир

Скачать

Адрес