Песен: 13 Создан:
06.05.2015 Обновлен:
05.12.2015
| 11 Июня | 2024 года |
Навигация
- Къозулугъунда тоймагъан, къойлугъунда тоймаз.
- Суу кетер, таш къалыр.
- Ач – эснер, ат – кишнер.
- Олтуруб кёрюнмей эди да, ёрге туруб кёрюне эди.
- Окъуусуз билим – джокъ, билимсиз кюнюнг – джокъ.
- Тынгылагъан тынгы бузар.
- Онгсузну – джакъла, тенгликни – сакъла.
- Окъуу – билимни ачхычы, окъуу – дунияны бачхычы.
- Айран ичген – къутулду, джугъусун джалагъан – тутулду.
- Тойгъанлыкъ къойгъа джарашады.
- Экиндини кеч къылсанг, чабыб джетер ашхам.
- Чакъырылмагъан къонакъ къачан кетерин сормаз.
- Мухардан ач ычхынмаз.
- Орну джокъну – сыйы джокъ.
- Сангырау къулакъ эл бузар.
- Къобан да къуру да къобханлай турмайды, адам да къуру да патчахлай турмайды.
- Иги болса, тамадама – махтау, аман болса, меннге – айыб.
- Ашыкъгъанны этеги бутуна чырмалыр.
- Элде адам къалмаса, ит тахтагъа минер.
- Ойнай-ойнай кёз чыгъар.
- Кийимни бир кюнню аясанг, минг кюннге джарар.
- Иги адам абынса да, джангылмаз.
- Тешик этген тынчды, аны джамагъан къыйынды.
- Кийиминг бла танылма, адамлыкъ бла таныл.
- Тил джюрекге джол ишлейди.
- Билимден уллу байлыкъ джокъду.
- Ханнга да келеди хариблик.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бал – татлы, балдан да бала – татлы.
- Мал ёлсе, сюек къалыр, адам ёлсе, иши къалыр.
- Кийимни бичсенг, кенг бич, тар этген къыйын тюлдю.
- Таш бла ургъанны, аш бла ур.
- Кесинг сынамагъан затны, адамгъа буюрма.
- Сакъалы текени да бар, мыйыгъы киштикни да бар.
- Арбаз сайлама да, хоншу сайла.
- Уллу къашыкъ эрин джыртар.
- Этим кетсе да, сюегим къалыр.
- Адамгъа аман кюн соруб келмейди.
- Игиге айтсанг – билир, аманнга айтсанг – кюлюр.
- Чомартха Тейри да борчлуду.
- Тёрде – темир таякълы, къаяда – чыпчыкъ аякълы.
- Эллинг бла джау болсанг да, юйюнг бла джау болма.
- Ичимден чыкъды хата, къайры барайым сата?
- Бозаны арты дауур болур.
- Ата Джуртуму башы болмасам да, босагъасында ташы болайым.
- Нарт сёз къарт болмаз.
- Чомарт къонакъ юй иесин сыйлар.
- Кёбню кёрген – кёб билир.
- Атлыны кёрсе, джаяуну буту талыр.
- Джетген къыз джерли эшекни танымаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
