Песен: 2 Создан:
06.05.2015 Обновлен:
06.05.2015
| 31 Октября | 2024 года |
Навигация
- Айраннга суу къош, телиге джол бош.
- Ашда уялгъан – мухар, ишде уялгъан – хомух.
- Чомарт къолда мал къалмаз.
- Ашын ашагъанынгы, башын да сыйла.
- Гитче джилтин уллу элни джандырыр.
- Айтханы чапыракъдан ётмеген.
- Ачлыкъда тары гырджын халыуадан татлы.
- Ат да турмайды бир териде.
- Дуния малгъа сатылма, кесингден телиге къатылма.
- Таугъа чыгъаллыкъ эсенг, тюзде къалма.
- Башынга джетмегенни сорма.
- Тилсиз миллет джокъ болур.
- Танг атмайма десе да, кюн къоярыкъ тюйюлдю.
- Битмегеннге сакъал – танг.
- Билген билмегенни юретген адетди.
- Уллу суу бла уллу ауруудан башынгы сакъла.
- Ёгюзню мюйюзюнден тутадыла, адамны сёзюнден тутадыла.
- Кимни – тили, тиши онглу, кимни – къолу, иши онглу.
- Намыс сатылыб алынмайды.
- Ёпкелегенни ашы татлы болады.
- Тилде сюек болмаса да, сюек сындырыр.
- Бастасын ашагъан, хантусун да ичер.
- Айыбны суу бла джууалмазса.
- Чакъырылмагъан къонакъ – орунсуз.
- Кёрмегеннге кебек – танг, битмегеннге сакъал – танг.
- Аш берме да, къаш бер.
- Эрине къаргъыш этген къатын, эрнин къабар.
- Джахил болса анасы, не билликди баласы?
- Ашхылыкъ джерде джатмайды, аманлыкъ суугъа батмайды.
- Садакъачыны джаны – къапчыгъында.
- Ётюрюкчюню шагъаты – къатында.
- Ичимден чыкъды хата, къайры барайым сата?
- Къонакъны къачан кетерин сорма, къачан келлигин сор.
- Эр абынмай, эл танымаз.
- Джылыгъа джылан илешир.
- Биреуню тёрюнден, кесинги эшик артынг игиди.
- Суу кетер, таш къалыр.
- Къарны аманнга къазан такъдырма, къолу аманнга от джакъдырма.
- Ауузу аманнга «иги», деме.
- Ана къойну – балагъа джандет.
- Уллу атлама – абынырса, уллу къабма – къарылырса.
- Ашхы болсанг, атынг чыгъар, аман болсанг, джанынг чыгъар.
- Юй ишлеген балта эшикде къалыр.
- Элге къуллукъ этмеген, элге ие болмаз.
- Тойгъан джерден туугъан джер игиди.
- Элде адам къалмаса, ит тахтагъа минер.
- Дуния мал дунияда къалады.
- Акъыллы – эл иеси, тели – эл баласы.
- Ариу сёз джыланны орнундан чыгъарыр.
- Кюлме джашха – келир башха.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
