Аудио :: Аудио:: Токова Альбина

Ойнай билмеген, уруб къачар.
Намысы болмагъанны, сыйы болмаз.
Башсыз урчукъ тюзюне айланмаз.
Тилчи тилден къаныкъмаз.
Ёксюзню къалачы уллу кёрюнюр.
Тёрени джагъы джокъ.
Къонакъ кёб келюучю юйню, къазаны отдан тюшмез.
Айтылгъан буйрукъ, сёгюлмез
Уллу сёзде уят джокъ.
Сютню башын джалагъан къутулур, тюбюн ичген тутулур.
Ач да бол, токъ да бол – намысынга бек бол.
Рысхы джалгъанды: келген да этер, кетген да этер.
Келлик заман – къартлыкъ келтирир, кетген заман – джашлыкъ ёлтюрюр.
Эски джаугъа ышанма.
Артына баргъанны, къатына барма.
Миллетни бойну – базыкъ, аны бла кюрешген – джазыкъ.
Нёгер болсанг, тенг бол, тенг болмасанг, кенг бол.
Билим къая тешер.
Джыйырма къойну юч джыйырма эбзе кюте эди.
Ишлерге уял да, ашаргъа табма.
Ёлген аслан – сау чычхан.
Суугъа – чабакъ, къаягъа – ыргъакъ.
Окъдан джара эртде-кеч болса да бителир, сёз джара, ёмюрге къалыр.
Aдам боллукъ, сыфатындан белгили.
Арбаз къынгырды да, ийнек сауалмайма.
Аджашханны ызындагъы кёреди, джангылгъанны джанындагъы биледи.
Акъыллы эркиши атын махтар, акъылсыз эркиши къатынын махтар.
Хоншуну тауугъу къаз кёрюнюр, келини къыз кёрюнюр.
Кёб джат да, бек чаб.
Ёгюзню мюйюзюнден тутадыла, адамны сёзюнден тутадыла.
Ишлемеген – тишлемез.
Ачны эсинде – аш.
Окъугъанны бети джарыкъ.
Къазанны башы ачыкъ болса, итге уят керекди.
Къарт бла баш аша, джаш бла аякъ аша.
Адамгъа аман кюн соруб келмейди.
От кюйдюрген, сау болса да, тот кюйдюрген, сау болмаз.
Иесиз малны бёрю ашар.
Азыкъ аз болса, эртде орун сал.
Адамны аты башхача, акъылы да башхады.
Къыйынлы джети элге оноу этер.
Битмегеннге сакъал – танг.
Таукелге нюр джауар.
Ата Джуртча джер болмаз, туугъан элча эл болмаз.
Къуру гыбыт бек дыгъырдар.
Атынг аманнга чыкъгъандан эсе, джанынг тамагъынгдан чыкъсын.
Огъурлуну сёзю – суу, огъурсузну сёзю – уу.
Бал чибинни ургъаны – ачы, балы – татлы.
Ашда – бёрю, ишде – ёлю.
Чакъырылмагъан къонакъ тёрге атламаз.

Логин:	Регистрация

Пароль:	Забыли пароль?

Запомнить меня

Аудио

Токова Альбина

Скачать

Адрес