Аудио :: Аудио:: Гузиева Дженнет

Хаухну атма, ёнгкючню сатма.
Термилгенинги табмазса, кюлгенинге тюберсе.
Сабийни джумушха джибер да, ызындан бар.
Къазанчы аман болса, къазаны къайнамаз.
Малны кют, джерни тюрт.
Байлыкъ адамны сокъур этер.
Аманны къуугъан, аманлыкъ табар.
Хар адамгъа кеси миннген тау кибик.
Ач келгенни – тойдур, кеч келгенни – къондур.
Сакъламагъан затынга джолукъсанг, не бек къууанаса, не бек ачыйса.
Ёлюк кебинсиз къалмаз.
Иги болса, тамадама – махтау, аман болса, меннге – айыб.
Ёлген ийнек сютлю болур.
Ачны эсинде – аш.
Байлыкъ келсе, акъыл кетер.
Джашны джигитлиги сорулур, къызны джигерлиги сорулур.
Сёз – кюмюш, джыр – алтын.
Айранны сюйген, ийнек тутар.
Бек ашыкъгъан меннге джетсин, дегенди аракъы.
Джыланны къуйругъундан басарынг келсе, аны башы болгъанын унутма.
Тойгъанлыкъ къойгъа джарашады.
Эрни эр этерик да, къара джер этерик да, тиширыуду.
Эски джаугъа ышанма.
Къонагъынгы артмагъын алма да, алгъышын ал.
Къонакъ аман болса, къонакъбай джунчур
Ач къалгъандан, кеч къалгъан къолай.
Биреу ашаб къутулур, биреу джалаб тутулур.
Хунаны тюбюн къазсанг, юсюнге ауар.
Олтуруб кёрюнмей эди да, ёрге туруб кёрюне эди.
Тойну къарнашы – харс, джырны къарнашы – эжиу.
Артына баргъанны, къатына барма.
Соргъан айыб тюлдю, билмеген айыбды.
Тойгъандан сора, ашны сёкме.
Юйюнгден чыкъдынг – кюнюнгден чыкъдынг.
Кесине гебен этелмеген, биреуге черен эте эди.
Аз айтсам, кёб ангылагъыз.
Юй кюйдю да, кюйюз чыкъды, ортасындан тюйюш чыкъды.
Къумурсхала джыйылсала, пилни да джыгъадыла.
Айныгъанлы алты кюн, тогъайгъанлы тогъуз кюн.
Ушамагъан – джукъмаз.
Ханы къызы буюгъа-буюгъа киштик болду.
Тойгъан джерден туугъан джер игиди.
Къарыусузгъа кюлме, онгсузгъа тийме.
Байны оноуу, джарлыгъа джарамаз.
Джюрекден джюрекге джол барды.
Сабыр джетер муратха, сабырсыз къалыр уятха.
Биреуге аманлыкъны тилеме да, кесинге ашхылыкъны тиле.
Кирсизни – саны таза, халалны – къаны таза.
Джиби бир къат джетмей эди да, эки къат тарта эди.
Эри аманны, къатыны – аман.

Логин:	Регистрация

Пароль:	Забыли пароль?

Запомнить меня

Аудио

Гузиева Дженнет

Скачать

Адрес