Аудио :: Аудио:: Гергокова Тамара

Къартны бурнун сюрт да, оноугъа тут.
Ойнаб айтсанг да, эслеб айт.
Ашлыкъ – бюртюкден, джюн – тюкден.
Тик ёргени, тик энгишгеси да болады.
Ашхы болсанг, атынг чыгъар, аман болсанг, джанынг чыгъар.
Кийим тукъум сордурур.
Биреу ашаб къутулур, биреу джалаб тутулур.
Джаш къарыу бла кючлю, къарт акъыл бла кючлю.
Къайтырыкъ эшигинги, къаты уруб чыкъма.
Илму – джашауну джолу.
Ёгюзню мюйюзлери ауурлукъ этмейдиле.
Ушамагъан – джукъмаз.
Ариуну – ауруу кёб.
Этек чакъмакълары баш джаргъан, сёлешген сёзлери таш джаргъан.
Кёлсюзден сёзсюз тууар.
Акъыл аздырмаз, билим тоздурмаз.
Бойнуму джети джерден кессенг да, мен ол ишни этеллик тюлме.
Ашарыкъда сайлагъаннга – чий гырджын.
Бетинги сатма, малынгы сат.
Болджал ишни бёрю ашар.
Ата Джуртча джер болмаз, туугъан элча эл болмаз.
Джыгъылгъанны сырты джерден тоймаз.
Башы джабылгъан челекге, кир тюшмез.
Чоюнну башы ачыкъ болса, итге уят керекди.
Тойчу джашха къарама, къойчу джашха къара.
Кюл тюбюндеги от кёрюнмейди.
Тюзню ётмеги тюзде къалса да, тас болмаз.
Халкъны юйю – туугъан джери.
Билгенни къолу къарны джандырыр.
Гугурук къычырмаса да, тангны атары къалмаз.
Нёгерсизни джолу узун.
Ашын ашагъанынгы, башын да сыйла.
Сакъламагъан затынга джолукъсанг, не бек къууанаса, не бек ачыйса.
Экиндини кеч къылсанг, чабыб джетер ашхам.
Сакъалы текени да бар, мыйыгъы киштикни да бар.
Тойгъа барсанг, тоюб бар, эски тонунгу къоюб бар.
Тёрдеги кюлсе, эшикдеги ышарыр.
Айырылгъанланы айю ашар, бёлюннгенлени бёрю ашар.
Рысхы – насыбха къор.
Къарыусузгъа кюлме, онгсузгъа тийме.
Экеулен сёлеше тура эселе, орталарына барыб кирме.
Джети тилни билген джети кишиди.
Ишни ахырын ойламай, аллын башлама.
Бети бедерден, намыс сакълама.
Намыс болмагъан джерде, насыб болмаз.
Джюрекге ариу – кёзге да ариу.
Ишге юренсин къоллары, халкъ бла болсун джоллары.
Къызны минг тилер, бир алыр.
Сабийни джумушха джибер да, ызындан бар.
Джыланны къуйругъундан басарынг келсе, аны башы болгъанын унутма.

Логин:	Регистрация

Пароль:	Забыли пароль?

Запомнить меня

Аудио

Гергокова Тамара

Скачать

Альбом “1”

Адрес