Аудио :: Аудио:: Аппаев Алим

Аш иеси бла татлыды.
Суугъа – таянма, джаугъа – ийнанма.
Болджал ишни бёрю ашар.
Юйлю уругъа ит чабмаз.
Юре билмеген ит, къонакъ келтирир.
Къайгъы тюбю – тенгиз.
Башланнган иш битер, къымылдагъан тиш тюшер.
Ишленмеген джаш – джюгенсиз ат, ишленмеген къыз – тузсуз хант.
Кёрмегеннге кебек – танг, битмегеннге сакъал – танг.
Билгенни къолу къарны джандырыр.
Суу да къайтады чыкъгъан джерине.
Тик ёргени, тик энгишгеси да болады.
Башы ишлегенни, ауузу да ишлер.
Тай асырагъан, атха минер.
Урама да – ёледи, сатама да – келеди.
Къыз келсе, джумуш эте келеди, къатын келсе, ушакъ эте келеди.
Юй ишлеген балта эшикде къалыр.
Ёлген аслан – сау чычхан.
Къонакъ хазыр болгъанлыкъгъа, къонакъбай хазыр тюлдю.
Ётюрюкчюню шагъаты – къатында.
Акъыл сабырлыкъ берир.
Иши джокъну, сыйы джокъ.
Джол бла сёзню къыйыры джокъ.
Эм ашхы къайын ана мамукъ бла башынгы тешер.
Къумурсхала джыйылсала, пилни да джыгъадыла.
Айраннга суу къош, телиге джол бош.
Къозулугъунда тоймагъан, къойлугъунда тоймаз.
Кёбню кёрген – кёб билир.
Ишлегенде эринме, ишде чолакъ кёрюнме.
Тил бла келеди джыр да.
Эркишиге тары кебек танг кёрюнюр.
Адам къаллай бир ишленмесе, аллай бир кесин уллу кёреди.
Джарлыны тону джаз битер.
Джарашыу сюйген – джалынчакъ.
Къыйынлы джети элни къайгъысын этер.
Терек ауса, отунчу – кёб.
Эртде тургъан бла эртде юйленнген сокъуранмаз.
Окъугъан озар, окъумагъан тозар.
Кесинге джетмегенни, кёб сёлешме.
Арбаз къынгырды да, ийнек сауалмайма.
Ач къалгъандан, кеч къалгъан къолай.
Келгинчи, къонакъ уялыр, келгенден сора, къонакъбай уялыр.
Окъуусуз билим – джокъ, билимсиз кюнюнг – джокъ.
Ариуну – ауруу кёб.
Тюзлюк шохлукъну бегитир.
Ёлмесенг да, къарт дамы болмазса?
Келинин тута билмеген, къул этер, къызын тута билмеген, тул этер.
Элде адам къалмаса, ит тахтагъа минер.
Тюзлюк тас болмайды.
Дженгил джетерикме деб, узун джолну къоюб, къысхасын барма.

Логин:	Регистрация

Пароль:	Забыли пароль?

Запомнить меня

Аудио

Аппаев Алим

Скачать

Адрес