Аудио :: Аудио:: Гергокаева Халимат

Эллинг бла джау болсанг да, юйюнг бла джау болма.
Адам туугъан джеринде, ит тойгъан джеринде.
Тёгюлген тюгел джыйылмайды.
Ишин билген, аны сыйын чыгъарады.
Ургъан суудан башынгы сакъла.
Огъурлуну сёзю – суу, огъурсузну сёзю – уу.
Атлыны ашхысы, ат тизгининден билинир
Ашда уялгъан – мухар, ишде уялгъан – хомух.
Ёлюк кебинсиз къалмаз.
Уясында не кёрсе, учханында аны этер.
Гугук кесини атын айтыб къычыргъанча, мен, мен деб нек тураса?
Байлыкъ адамны сокъур этер.
Къолунгдан къуймакъ ашатсанг да, атаны борчундан къутулмазса.
Душманны тышы – акъ, ичи – къара.
Иши джокъну, сыйы джокъ.
Къарнынг къанлынга кийирир.
Джол бла сёзню къыйыры джокъ.
Ата Джуртун танымагъан, атасын да танымаз.
Къан бла кирген, джан бла чыгъар.
Эли джокъну – кёлю джокъ.
Къазанны башы ачыкъ болса, итге уят керекди.
Иги джашны ышаны – аз сёлешиб, кёб тынгылар.
Тилде сюек болмаса да, сюек сындырыр.
Таула не мийик болсала да, аууш табылыр.
Кёлю джокъну – джолу джокъ.
Арбаз сайлама да, хоншу сайла.
Кёрмегеннге кебек – танг, битмегеннге сакъал – танг.
Ишге юренсин къоллары, халкъ бла болсун джоллары.
Адамны аты башхача, акъылы да башхады.
Тешигини къатында, чычхан да батыр болур.
Накъырда – кертини келечиси.
Джыйырма къойну юч джыйырма эбзе кюте эди.
Адеб джокъда, намыс джокъ.
Акъыллы эркиши атын махтар, акъылсыз эркиши къатынын махтар.
Аджашхан тёгерек айланыр.
Адамны сабийин сюйген джюреги, бычакъча, джитиди.
Рысхысына кёре, джаш ёсер, къышлыгъына кёре, мал ёсер.
Къарын къуру болса, джюрек уру болур.
Аманнга игилик этсенг, юйюнге сау бармазса.
Ат да турмайды бир териде.
Къууут – джелге, берне – бошха.
Этни бети бла шорпасы.
Ач къарным, тынч къулагъым.
Аш иеси бла татлыды.
Къая джолда джортма, ачыкъ сёзден къоркъма.
Уллу айтханны этмеген – уллаймаз.
Джаханимни кёрмей, джандетге кёл салмазса.
Чакъырылгъанны аты, чакъырылмагъанны багъасы болур.
Аз айтсам, кёб ангылагъыз.
Аякъларынгы джууургъанынга кёре узат.

Логин:	Регистрация

Пароль:	Забыли пароль?

Запомнить меня

Аудио

Гергокаева Халимат

Скачать

Адрес