Аудио :: Аудио:: Габаев Тенгиз

Кёб къычыргъандан – къоркъма, тынч олтургъандан – къоркъ.
Сууда джау джокъ, кёб сёзде магъана джокъ.
Сормай – алма, чакъырылмай – барма.
Таула не мийик болсала да, аууш табылыр.
Кёлсюзден сёзсюз тууар.
Ауурну тюбю бла, дженгилни башы бла джюрюген.
Иги адам абынса да, джангылмаз.
Аман эсирсе, юйюн ояр.
Билеги кючлю, бирни джыгъар, билими кючлю, мингни джыгъар.
Экеулен сёлеше тура эселе, орталарына барыб кирме.
Ариу сёз – джаннга азыкъ, аман сёз – башха къазыкъ.
Ашлыкъны арба юйге келтирир, чана базаргъа элтир.
Сакъалы текени да бар, мыйыгъы киштикни да бар.
Окъ къызбайны джокълайды.
Эл элде бирер малынг болгъандан эсе, бирер тенгинг болсун.
Билген билмегенни юретген адетди.
Эртде тургъан бла эртде юйленнген сокъуранмаз.
Этек чакъмакълары баш джаргъан, сёлешген сёзлери таш джаргъан.
Чакъырылмагъан къонакъ къачан кетерин сормаз.
Чоюнну башы ачыкъ болса, итге уят керекди.
Бет бетге къараса, бет да джерге къарар.
Эли джокъну – кёлю джокъ.
Адамны сыфатына къарама, сёзюне къара.
Тай асырагъан, атха минер.
Къарнынг къанлынга кийирир.
Акъыл къартда, джашда тюйюлдю – башдады.
Адамны адамлыгъы къыйынлыкъда айгъакъланады.
Байма, деб да, къууанма, джарлыма, деб да, джылама.
Дженгил джетерикме деб, узун джолну къоюб, къысхасын барма.
Аман киши кеси юйюнде – къонакъ.
Агъач – джерни чырайы, кийим – эрни чырайы.
Джаз бир кюнню джатсанг, къыш талай кюнню абынырса.
Бек ашыкъгъан меннге джетсин, дегенди аракъы.
Аманнга да, игиге да оноусуз къатышма.
Алма терегинден кери кетмез.
Урунуу – насыбны анасы.
Азыгъы аз, алгъа къабар, аты аман, алгъа чабар.
Аджал соруб келмез, келсе, къайтыб кетмез.
Аман адам элни бир-бирине джау этер.
Аман къатын алгъан, арыр, иги къатын алгъан джарыр.
Бек анасы джыламаз.
Джюрек кёзден алгъа кёрюр.
Ёгюзню мюйюзюнден тутадыла, адамны сёзюнден тутадыла.
Кесинг сынамагъан затны, адамгъа буюрма.
Адам боллукъ, атламындан белгили болур.
Адеб этмеген, адеб кёрмез.
Тешик этген тынчды, аны джамагъан къыйынды.
Бастасын ашагъан, хантусун да ичер.
Арба аугъандан сора, джол кёргюзтюучю кёб болур.
Биреуню къыйынлыгъы бла кесинге джол ишлеме.

Логин:	Регистрация

Пароль:	Забыли пароль?

Запомнить меня

Аудио

Габаев Тенгиз

Скачать

Скачать

Альбом “Зикирле”

Адрес