Аудио :: Аудио:: Байкулов Солтан

Ичимден чыкъды хата, къайры барайым сата?
Айтхан сёзюне табылгъан.
Болджал ишни бёрю ашар.
Окъугъанны бети джарыкъ.
Эл тойса, тоймагъан, эл къойса, къоймагъан.
Эртде тургъан бла эртде юйленнген сокъуранмаз.
Сормай – алма, чакъырылмай – барма.
Нёгерсизни джолу узун.
Эринчекни аурууу – кёб.
Джарлыны эшигин махтагъан джабар.
Адамны аты башхача, акъылы да башхады.
Байдан умут эте, джарлыдан ёгюз багъасы къорады.
Олтуруб кёрюнмей эди да, ёрге туруб кёрюне эди.
Кёзюнде тереги болгъан, чёбю болгъаннга кюле эди.
Рысхы джалгъанды: келген да этер, кетген да этер.
Тюзлюк шохлукъну бегитир.
Терек ауса, отунчу – кёб.
Къызгъанчдан ычхыныр, мухардан ычхынмаз.
Мухар, кеси тойса да, кёзю тоймаз.
Керилген да, ургъан кибикди.
Билмейме деген – бир сёз
Ёнгкюч къууана барыр, джылай келир.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Эркишиге тары кебек танг кёрюнюр.
Акъыллы – эл иеси, тели – эл баласы.
Сескекли кесин билдирир.
Бозаны арты дауур болур.
Къан бла кирген, джан бла чыгъар.
Экеулен сёлеше тура эселе, орталарына барыб кирме.
Тамчы таш тешер.
Сабий болмагъан джерде, мёлек болмаз.
Акъыл къартда, джашда тюйюлдю – башдады.
Кечеси – аяз, кюню – къыш, джарлы къаргъагъа бир аш тюш!
Кеси юйюмде мен да ханма.
Къонагъы джокъну – шоху джокъ.
Сыфатында болмагъаны, суратында болмаз.
Тамбла алтындан бюгюн багъыр ашхы.
Ариуну – ауруу кёб.
Ач келгенни – тойдур, кеч келгенни – къондур.
Джаш къарыу бла кючлю, къарт акъыл бла кючлю.
Эте билген, этген этеди, эте билмеген, юретген этеди!
Биреуню эскиси биреуге джангы болмайды.
Ана къолу ачытмаз.
Эл элде бирер малынг болгъандан эсе, бирер тенгинг болсун.
Эшекге миннген – биринчи айыб, андан джыгъылгъан – экинчи айыб.
Къая джолда джортма, ачыкъ сёзден къоркъма.
Адеб базарда сатылмаз.
Джырчы ёлсе, джыры къалыр.
Юйюнгден чыкъдынг – кюнюнгден чыкъдынг.
Тамырсыз терекге таянма – джыгъылырса.

Логин:	Регистрация

Пароль:	Забыли пароль?

Запомнить меня

Аудио

Байкулов Солтан

Скачать

Адрес