Песен: 6 Создан:
06.05.2015 Обновлен:
06.05.2015
| 1 Ноября | 2024 года |
Навигация
- Къарт бла баш аша, джаш бла аякъ аша.
- Алма терегинден кери кетмез.
- Бал чибинни ургъаны – ачы, балы – татлы.
- Къыйынлы джети элге оноу этер.
- Элде адам къалмаса, ит тахтагъа минер.
- Эрине къаргъыш этген къатын, эрнин къабар.
- Мал ёлсе, сюек къалыр, адам ёлсе, иши къалыр.
- Хантына кёре тузу, юйюне кёре къызы.
- Джаралыны джастыгъында сау ёлюр.
- Борчунг бар эсе, хурджунунга ойлаб узал.
- Бир онгсуз адам адет чыгъарды, деб эштирик тюлсе.
- Дуния малгъа сатылма, кесингден телиге къатылма.
- Тау башында, тау болмаз, джангыз терек, бау болмаз.
- Сангырау къулакъ эл бузар.
- Ишленмеген джаш – джюгенсиз ат, ишленмеген къыз – тузсуз хант.
- Булут кёкге джарашыу, уят бетге джарашыу.
- Эртде тургъан бла эртде юйленнген сокъуранмаз.
- Аллахха ийнаннган кишини, Аллах онгдурур ишин.
- Къыз тиширыу кеси юйюнде да къонакъды.
- Таш ата билмеген, башына урур.
- Джаз бир кюнню джатсанг, къыш талай кюнню абынырса.
- Хазыр ашха – терен къашыкъ.
- Джарашыу сюйген – джалынчакъ.
- Азыгъы аз, алгъа къабар, аты аман, алгъа чабар.
- Кечеси – аяз, кюню – къыш, джарлы къаргъагъа бир аш тюш!
- Кесине гебен этелмеген, биреуге черен эте эди.
- Къайгъы тюбю – тенгиз.
- Биреуню къыйынлыгъы бла кесинге джол ишлеме.
- Алгъанда – джууукъ, бергенде – джау.
- Юйюнг бла джау болгъандан эсе, элинг бла джау бол.
- Дуния аламаты сен эсенг да, игиме деб айтма.
- Чабакъсыз кёлге къармакъ салгъанлыкъгъа, чабакъ тутмазса.
- Ата Джуртча джер болмаз, туугъан элча эл болмаз.
- Билгенни къолу къарны джандырыр.
- Джаш къарыу бла кючлю, къарт акъыл бла кючлю.
- Аманнга алтын чыдамаз.
- Аман киши кеси юйюнде – къонакъ.
- Айран тёгюлсе, джугъусу къалыр.
- Акъыллы айтыр эди, акъылсыз къоймайды.
- Этни бети бла шорпасы.
- Ана кёлю – балада, бала кёлю – талада.
- Хансыз джомакъ болмаз.
- Баш – акъыл ючюн, акъылман – халкъ ючюн.
- Къазанны башы ачыкъ болса, итге уят керекди.
- Тёзген – тёш ашар!
- Къошда джокъгъа – юлюш джокъ.
- Джюз элде джюз ёгюзюм болгъандан эсе, джюз джууугъум болсун.
- Къумурсхала джыйылсала, пилни да джыгъадыла.
- Кёб ант этген, кёб ётюрюк айтыр.
- Акъыл аздырмаз, билим тоздурмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
