Песен: 8 Создан:
06.05.2015 Обновлен:
05.11.2015
| 18 Мая | 2025 года |
Навигация
- Кютгени беш эчки, сызгъыргъаны уа, джерни джарады.
- Джарлы эскисин джамаса, къууаныр.
- Аманны эки битли тону болур, бирин сеннге кийдирир, бирин кеси киер.
- Тиширыусуз юй – отсуз от джагъа.
- Мухардан ач ычхынмаз.
- Аман къатын алгъан, арыр, иги къатын алгъан джарыр.
- Акъыллы башны – тили къысха.
- Къууут – джелге, берне – бошха.
- Аджашхан тёгерек айланыр.
- Билим насыб берир, билим джолну керир.
- Хар ишни да аллы къыйынды.
- Тойчу джашха къарама, къойчу джашха къара.
- Гыдай эчки суугъа къараб, мюйюзле кёрмесе, джашма алкъын, дегенди.
- Гугурук къычырмаса да, тангны атары къалмаз.
- Ата Джуртуму башы болмасам да, босагъасында ташы болайым.
- Элиб деген, элге болушур.
- Чакъырылмагъан къонакъ – орунсуз.
- Джумушакъ терекни къурт ашар.
- Тамырсыз терекге таянма – джыгъылырса.
- Мал кёб болса, джууукъ кёб болур.
- Мухарны эси – ашарыкъда.
- Тойгъандан сора, ашны сёкме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашлыкъ – бюртюкден, джюн – тюкден.
- Гырджын – тепсини тамадасы.
- Байлыкъ болгъан джерде, тынчлыкъ джокъду.
- Намыс болмагъан джерде, насыб болмаз.
- Къартха ушагъан джаш – акъыллы, джашха ушагъан къарт – тели.
- Ашха уста, юйюнде болсун
- Ашатыргъа иш – ашхы, ишлетирге аш – ашхы.
- Къартны сыйын кёрмеген, къартлыгъында сыйлы болмаз.
- Бетинги сатма, малынгы сат.
- Элни кючю – эмеген.
- Тюз сёз баргъан сууну тыяр.
- Мадар болса, къадар болур.
- Окъумагъан сокъурду, сокъур ташха абыныр!
- Джаш болсун, къыз болсун, акъылы, саны тюз болсун.
- Таукел тауну аудурур.
- Нафысынгы айтханын этме, намысынгы айтханын эт.
- Кийим тукъум сордурур.
- Тамчы таш тешер.
- Сабий болмагъан джерде, мёлек болмаз.
- Тёгюлген тюгел джыйылмайды.
- Эшекни не къадар тюйсенг да, ат болмаз.
- Бети бедерден, намыс сакълама.
- Адам сёзге тынгыла, акъыл сёзню ангыла.
- Эки ойлашыб, бир сёлешген.
- Чомарт бергенин айтмаз.
- Къарт бла баш аша, джаш бла аякъ аша.
- Ётюрюкню башын керти кесер.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
