Аудио :: Аудио:: Текеев Артур

Ёксюзню къалачы уллу кёрюнюр.
Тюкюрюк баш джармаз, налат кёз чыгъармаз!
Эркишиге тары кебек танг кёрюнюр.
Суугъа – чабакъ, къаягъа – ыргъакъ.
Суу да къайтады чыкъгъан джерине.
Биреуню къыйынлыгъы бла кесинге джол ишлеме.
Кёзю сокъурдан – къоркъма, кёлю сокъурдан – къоркъ.
Ашхы адам – халкъ байлыгъы, ашхы джер – джашау байлыгъы.
Тёрде – темир таякълы, къаяда – чыпчыкъ аякълы.
Эки элинги тыйсанг, джети элде махталырса.
Тил джюрекге джол ишлейди.
Нарт сёз – тилни бети.
Джашда акъыл джокъ, къартда къарыу джокъ.
Сёз – кюмюш, джыр – алтын.
Билмейме деген – бир сёз
Джаралыны джастыгъында сау ёлюр.
Кюлме джашха – келир башха.
Кёл – къызбай, къол – батыр.
Ашхы – джыяр, аман – джояр.
Ач къалгъандан, кеч къалгъан къолай.
Суу ичген шауданынга тюкюрме.
Аджал соруб келмез, келсе, къайтыб кетмез.
Насыб бютеу халкъны юлюшюдю.
Къарны аманнга къазан такъдырма, къолу аманнга от джакъдырма.
Къартны сыйын кёрмеген, къартлыгъында сыйлы болмаз.
Кёл ашады да, кеси ашады.
Аз сёлеш, кёб ишле.
Сабий болмагъан джерде, мёлек болмаз.
Ашха уста, юйюнде болсун
Джаным-тиним – окъуу, билим.
Аман къатын сабий табса, бий болур…
Ёксюзню тилеги къабыл болур.
Булут кёкге джарашыу, уят бетге джарашыу.
Эллинг бла джау болсанг да, юйюнг бла джау болма.
Босагъа таш юйге кирмей эди, тыбыр таш эшикге чыкъмай эди.
Акъыл аздырмаз, билим тоздурмаз.
Арба аугъандан сора, джол кёргюзтюучю кёб болур.
Ариуну – ауруу кёб.
Къолу уллу – асыу, аягъы уллу – джарсыу.
Чакъырылмагъан джерге барма, чакъырылгъан джерден къалма.
Рысхы – насыбха къор.
Кечеси – аяз, кюню – къыш, джарлы къаргъагъа бир аш тюш!
Къартны бурнун сюрт да, оноугъа тут.
Ашлыкъны арба юйге келтирир, чана базаргъа элтир.
Айырылгъанланы айю ашар, бёлюннгенлени бёрю ашар.
Кёлю джокъну – джолу джокъ.
Алим болгъандан эсе, адам болгъан къыйынды.
Баш – акъыл ючюн, акъылман – халкъ ючюн.
Ач, тоймам, дейди, тойгъан, ач болмам, дейди.
Гугурук къычырмаса да, тангны атары къалмаз.

Логин:	Регистрация

Пароль:	Забыли пароль?

Запомнить меня

Аудио

Текеев Артур

Скачать

Адрес