Песен: 4 Создан:
06.05.2015 Обновлен:
05.11.2015
| 1 Ноября | 2024 года |
Навигация
- Бастасын ашагъан, хантусун да ичер.
- Бал ашаргъа сюе эсенг, чибин ургъаннга тёз.
- Эки къатын алгъан – эки ташны ортасына башын салгъан.
- Кенгеш болса, уруш болмаз.
- Чакъырылмагъан джерге барма, чакъырылгъан джерден къалма.
- Джаралыны джастыгъында сау ёлюр.
- Ана къолу ачытмаз.
- Уруну арты – къуру.
- Ауурну тюбю бла, дженгилни башы бла джюрюген.
- Кийиминг бла танылма, адамлыкъ бла таныл.
- Къатыны харакетли болса, эри къымсыз болур.
- Бал чибинни ургъаны – ачы, балы – татлы.
- Юйлю уругъа ит чабмаз.
- Къыз чыгъаргъан – къызыл къымжа.
- Байлыкъдан саулукъ ашхыды.
- Абынмазлыкъ аякъ джокъ, джангылмазлыкъ джаякъ джокъ.
- Байны къызы баймакъ болса да, юйде къалмаз!
- Элде адам къалмаса, ит тахтагъа минер.
- Кёлю джокъну – джолу джокъ.
- Аш кетер да бет къалыр.
- Къанны къан бла джуума, аманны аман бла къуума.
- Ашда – бёрю, ишде – ёлю.
- Сёз сёзню айтдырыр.
- Аякъларынгы джууургъанынга кёре узат.
- Босагъа таш юйге кирмей эди, тыбыр таш эшикге чыкъмай эди.
- Къарыусузгъа кюлме, онгсузгъа тийме.
- Ана – юйню кюн джарыгъы.
- Эринчекни аурууу – кёб.
- Ачны эсинде – аш.
- Биреуге кёлтюрген таягъынг, кесинги башынга урур.
- Ашлыкъ – бюртюкден, джюн – тюкден.
- Аманнга игилик этсенг, юйюнге сау бармазса.
- Джашлыкъ этмеген, башлыкъ этмез.
- Тойгъан джерге джети къайт.
- Эл элде бирер малынг болгъандан эсе, бирер тенгинг болсун.
- Къазанны башы ачыкъ болса, итге уят керекди.
- Джаз бир кюнню джатсанг, къыш талай кюнню абынырса.
- Сакъламагъан затынга джолукъсанг, не бек къууанаса, не бек ачыйса.
- Сабийни джумушха джибер да, ызындан бар.
- Кёлсюзден сёзсюз тууар.
- Окъуусуз билим – джокъ, билимсиз кюнюнг – джокъ.
- Кечеси – аяз, кюню – къыш, джарлы къаргъагъа бир аш тюш!
- Къонакъ кёб келюучю юйню, къазаны отдан тюшмез.
- Атынг аманнга чыкъгъандан эсе, джанынг тамагъынгдан чыкъсын.
- Ишин билген, аны сыйын чыгъарады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кюн – узун, ёмюр – къысха.
- Биреуню тёрюнден, кесинги эшик артынг игиди.
- Хунаны тюбюн къазсанг, юсюнге ауар.
- Таякъ этден ётер, тил сюекден ётер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
