Аудио :: Аудио:: Кузнецов Игорь

Иги джашны ышаны – аз сёлешиб, кёб тынгылар.
Акъыл бла адеб эгизледиле.
Джолунга кёре – джюрюшюнг, джагъанга кёре – юлюшюнг.
Къыз келсе, джумуш эте келеди, къатын келсе, ушакъ эте келеди.
Адам сёзге тынгыла, акъыл сёзню ангыла.
Билими азны – ауузунда кирит.
Рысхы – насыбха къор.
Тыш элде солтан болгъандан эсе, кесинги элде олтан болгъан игиди!
Тай асырагъан, атха минер.
Кёзю сокъурдан – къоркъма, кёлю сокъурдан – къоркъ.
Таш ата билмеген, башына урур.
Орундукъ тюбюнде атылсам да, орта джиликме, де да айлан.
Къошда джокъгъа – юлюш джокъ.
Къарын къуру болса, джюрек уру болур.
Кесине оноу эте билмеген, халкъына да эте билмез.
Суу кетер, таш къалыр.
Бети къызарыучу адамны, джюреги харам болмаз.
Тёрде – темир таякълы, къаяда – чыпчыкъ аякълы.
Арбаз къынгырды да, ийнек сауалмайма.
Окъугъан озар, окъумагъан тозар.
Булут кёкге джарашыу, уят бетге джарашыу.
Къазанны башы ачыкъ болса, итге уят керекди.
Накъырда – кертини келечиси.
Ашда уялгъан – мухар, ишде уялгъан – хомух.
Башланнган иш битер, къымылдагъан тиш тюшер.
Аурууну келиую тынч, кетиую – къыйын.
Уллу айтханны этмеген – уллаймаз.
Бетинги сатма, малынгы сат.
Биреуге кёлтюрген таягъынг, кесинги башынга урур.
Адеб этмеген, адеб кёрмез.
Кюлме джашха – келир башха.
Тойгъанлыкъ къойгъа джарашады.
Хунаны тюбюн къазсанг, юсюнге ауар.
Сангырау къулакъ эл бузар.
Адамны адамлыгъы къыйынлыкъда айгъакъланады.
Аман хансны – урлугъу кёб.
Экеу тутушса, биреу джыгъылыр.
Хоншуну тауугъу къаз кёрюнюр, келини къыз кёрюнюр.
Тилчиден кери бол.
Ётюрюкден тюбю джокъ, кёлтюрюрге джиби джокъ.
Сакъ юйюне сау барыр.
Кёб джашагъан – кёб билир.
Чабакъ башындан чирийди.
Ауругъанны сау билмез, ач къарынны токъ билмез.
Ушамагъан – джукъмаз.
Алтыда кюлмеген, алтмышда кюлмез.
Тенгинг джокъ эсе – изле, бар эсе – сакъла!
Бермеген къол, алмайды.
Ашхы атаны – джашы ашхы, ашхы ананы – къызы ашхы.
Адебсиз адам – джюгенсиз ат.

Логин:	Регистрация

Пароль:	Забыли пароль?

Запомнить меня

Аудио

Кузнецов Игорь

Скачать

Адрес