Расширенный поиск
16 Мая 2024 года
Логин: Регистрация
Пароль: Забыли пароль?
Навигация
Словарь
  • Босагъа таш юйге кирмей эди, тыбыр таш эшикге чыкъмай эди.
  • Кёбге таш атма.
  • Къызгъанчдан ычхыныр, мухардан ычхынмаз.
  • Тулпарлыкъ, билекден тюл – джюрекден.
  • Чабакъгъа акъыл, табагъа тюшсе келеди.
  • Элни кючю – эмеген.
  • Кёзден кетген, кёлден да кетеди.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ашыкъгъанны этеги бутуна чырмалыр.
  • Билген билмегенни юретген адетди.
  • Тойгъан джерден туугъан джер игиди.
  • Къонакъ болсанг, ийнакъ бол.
  • Ким бла джюрюсенг, аны кёзю бла кёрюнюрсе.
  • Джаралыны джастыгъында сау ёлюр.
  • Ач, тоймам, дейди, тойгъан, ач болмам, дейди.
  • Тилчи тилден къаныкъмаз.
  • Ишлегенде эринме, ишде чолакъ кёрюнме.
  • Этни бети бла шорпасы.
  • Биреуге кёлтюрген таягъынг, кесинги башынга урур.
  • Тау башында, тау болмаз, джангыз терек, бау болмаз.
  • Киштикге къанат битсе, чыпчыкъ къалмаз эди.
  • Къайгъы тюбю – тенгиз.
  • Бек ашыкъгъан меннге джетсин, дегенди аракъы.
  • Башда акъыл болмаса, эки аякъгъа кюч джетер.
  • Тёгюлген тюгел джыйылмайды.
  • Эркиши – от, тиширыу – суу.
  • Айыбны суу бла джууалмазса.
  • Къазанда болса, чолпугъа чыгъар.
  • Билмейме деген – бир сёз
  • Биреу ашаб къутулур, биреу джалаб тутулур.
  • Ач къарным, тынч къулагъым.
  • Ойнай билмеген, оюн бузар.
  • Тойгъанлыкъ къойгъа джарашады.
  • Душманны тышы – акъ, ичи – къара.
  • Къобан да къуру да къобханлай турмайды, адам да къуру да патчахлай турмайды.
  • Сагъышы джокъ – джукъучу, акъылы джокъ – къаугъачы.
  • Ашхы атаны – джашы ашхы, ашхы ананы – къызы ашхы.
  • Экеулен сёлеше тура эселе, орталарына барыб кирме.
  • Байлыкъ тауусулур, билим тауусулмаз.
  • Иги адамны бир сёзю эки болмаз.
  • Кёлсюзден сёзсюз тууар.
  • Ушамагъан – джукъмаз.
  • Сёлеш деб шай берген, тохта деб, сом берген.
  • Бермеген къол, алмайды.
  • Огъурлуну сёзю – суу, огъурсузну сёзю – уу.
  • Арыгъан къош чамчы болур.
  • Мени джылытмагъан кюн, меннге тиймесин!
  • Чоюнну башы ачыкъ болса, итге уят керекди.
  • Мал тутхан – май джалар.
  • Джаз бир кюнню джатсанг, къыш талай кюнню абынырса.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 11, Рейтинг: 4.64)

Описание

Дата: 17.11.2012
Прослушиваний: 9509
Скачиваний: 2896
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.