Песен: 54 Создан:
06.05.2015 Обновлен:
29.01.2018
| 16 Мая | 2024 года |
Навигация
- Дуния мал дунияда къалады.
- Байны оноуу, джарлыгъа джарамаз.
- Кёб ант этген, кёб ётюрюк айтыр.
- Арба аугъандан сора, джол кёргюзтюучю кёб болур.
- Аууздан келген, къолдан келсе, ким да патчах болур эди.
- Тилчи бир сагъатха айлыкъ хата этер.
- Кёбге таш атма.
- Аз айтсам, кёб ангылагъыз.
- Ёлюр джаннга, ёкюл джокъ.
- Джашлыкъ этмеген, башлыкъ этмез.
- Ариуну – ауруу кёб.
- Джылар джаш, атасыны сакъалы бла ойнар.
- Игиге айтсанг – билир, аманнга айтсанг – кюлюр.
- Юре билмеген ит, къонакъ келтирир.
- Юй ишлеген балта эшикде къалыр.
- Акъыллы эркиши атын махтар, акъылсыз эркиши къатынын махтар.
- Сакъалы текени да бар, мыйыгъы киштикни да бар.
- Хата – гитчеден.
- Ашыкъгъан cуу, тенгизге джетмез.
- Таякъ этден ётер, тил сюекден ётер.
- Сёлеш деб шай берген, тохта деб, сом берген.
- Кютгени беш эчки, сызгъыргъаны уа, джерни джарады.
- Джарлы эскисин джамаса, къууаныр.
- Ёлген аслан – сау чычхан.
- Келлик заман – къартлыкъ келтирир, кетген заман – джашлыкъ ёлтюрюр.
- Халкъны джырын джырласанг, халкъ санга эжиу этер.
- Къолунгдан къуймакъ ашатсанг да, атаны борчундан къутулмазса.
- Ата Джуртун танымагъан, атасын да танымаз.
- Ата Джуртча джер болмаз, туугъан элча эл болмаз.
- Суугъа – чабакъ, къаягъа – ыргъакъ.
- Мени джылытмагъан кюн, меннге тиймесин!
- Тойгъан джерге джети къайт.
- Окъ къызбайны джокълайды.
- Тил джюрекге джол ишлейди.
- Джарлы джети элни сёзюн этер.
- Эл элде бирер малынг болгъандан эсе, бирер тенгинг болсун.
- Баш – акъыл ючюн, акъылман – халкъ ючюн.
- Аманны тукъумуна къарама, игини тукъумун сорма.
- Тик ёргени, тик энгишгеси да болады.
- Иги адам абынса да, джангылмаз.
- Ат да турмайды бир териде.
- Ичимден чыкъды хата, къайры барайым сата?
- Экеулен сёлеше тура эселе, орталарына барыб кирме.
- Ачыу алгъа келсе, акъыл артха къалады.
- Бастасын ашагъан, хантусун да ичер.
- Сёз сёзню айтдырыр.
- Айырылгъанланы айю ашар, бёлюннгенлени бёрю ашар.
- Суу да къайтады чыкъгъан джерине.
- Иги – алгъыш этер, аман – къаргъыш этер.
- Аманны эки битли тону болур, бирин сеннге кийдирир, бирин кеси киер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
