Расширенный поиск
13 Сентября 2025 года
Логин: Регистрация
Пароль: Забыли пароль?
Навигация
Словарь
  • Чабакъ башындан чирийди.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Къайтырыкъ эшигинги, къаты уруб чыкъма.
  • Суугъа – таянма, джаугъа – ийнанма.
  • Айранын берсенг, челегин да къызгъанма.
  • Джарлыны тону джаз битер.
  • Бетинги сатма, малынгы сат.
  • Къар – келтирди, суу – элтди.
  • Къартны бурнун сюрт да, оноугъа тут.
  • Эл тойса, тоймагъан, эл къойса, къоймагъан.
  • Чабакъгъа акъыл, табагъа тюшсе келеди.
  • Малны кют, джерни тюрт.
  • Эр абынмай, эл танымаз.
  • Алма терегинден кери кетмез.
  • Къыз тиширыу кеси юйюнде да къонакъды.
  • Кёлсюзден сёзсюз тууар.
  • Айраннга суу къош, телиге джол бош.
  • Ашатыргъа иш – ашхы, ишлетирге аш – ашхы.
  • Эркишини аманы тиширыуну джылатыр.
  • Ёлген эшек бёрюден къоркъмайды.
  • Башсыз урчукъ тюзюне айланмаз.
  • Джарлы джети элни сёзюн этер.
  • Чакъырылмагъан джерге барма, чакъырылгъан джерден къалма.
  • Айыбны суу бла джууалмазса.
  • Экеулен сёлеше тура эселе, орталарына барыб кирме.
  • Минг тенг да азды, бир джау да кёбдю.
  • Ышармагъан – кюлмез, кюлмеген – къууанчны билмез.
  • Узун джолну барсанг, бюгюн келирсе, къысха джолну барсанг, тамбла келирсе.
  • Азыкъ аз болса, эртде орун сал.
  • Ач уят къоймаз.
  • Биреуню тёрюнден, кесинги эшик артынг игиди.
  • Байлыкъ тауусулур, билим тауусулмаз.
  • Джюрекден джюрекге джол барды.
  • Окъ къызбайны джокълайды.
  • Тура эдим джата, къайдан чыкъды хата?
  • Нарт сёз – тилни бети.
  • Ач – эснер, ат – кишнер.
  • Атлыны кёрсе, джаяуну буту талыр.
  • Суу да къайтады чыкъгъан джерине.
  • Чабакъсыз кёлге къармакъ салгъанлыкъгъа, чабакъ тутмазса.
  • Бюгюн дуния кибик, тамбла ахыратды.
  • Адамны аты башхача, акъылы да башхады.
  • Ата джурт – алтын бешик.
  • Мухарны эси – ашарыкъда.
  • Таякъ этден ётер, тил сюекден ётер.
  • Къызны минг тилер, бир алыр.
  • Ач бёрюге мекям джокъ.
  • Ойнай билмеген, оюн бузар.
  • Сууда джау джокъ, кёб сёзде магъана джокъ.
  • Аман адам элни бир-бирине джау этер.

События

События

Случайные Лучшие Рекомендуемые

Новые события

следующие 5 предыдущие 5

Популярные

за неделю за месяц

Последние комментарии