Расширенный поиск
8 Сентября 2026 года
Логин: Регистрация
Пароль: Забыли пароль?
Навигация
Словарь
  • Эртде тургъан джылкъычыны эркек аты тай табар.
  • Къызбайны юйюне дери сюрсенг, батыр болур.
  • Къаллай салам берсенг, аллай джууаб алырса.
  • Тил бла келеди джыр да.
  • Билим насыб берир, билим джолну керир.
  • Мен да «сен», дейме, сен да «кесим», дейсе.
  • Сыфатында болмагъаны, суратында болмаз.
  • Сютден ауузу кюйген, суугъа юфгюре эди.
  • Ариу – кёзге, акъыл – джюрекге.
  • Къонакъ хазыр болгъанлыкъгъа, къонакъбай хазыр тюлдю.
  • Суугъа – таянма, джаугъа – ийнанма.
  • Джарлы эскисин джамаса, къууаныр.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Тилчиден кери бол.
  • Шапа кёб болса, аш татымсыз болур.
  • Джаханимни кёрмей, джандетге кёл салмазса.
  • Тюкюрюк баш джармаз, налат кёз чыгъармаз!
  • Аджал соруб келмез, келсе, къайтыб кетмез.
  • Адамны джюреги нени кёрюрге сюйсе, кёзю да аны кёрюрге ёч болады.
  • Рысхы джалгъанды: келген да этер, кетген да этер.
  • Алгъанда – джууукъ, бергенде – джау.
  • Адамны аманы адамны бети бла ойнар.
  • Къарт бла баш аша, джаш бла аякъ аша.
  • Иги адам абынса да, джангылмаз.
  • Сютню башын джалагъан къутулур, тюбюн ичген тутулур.
  • Адеби болмагъан къыз – тузсуз хант.
  • Аман киши кеси юйюнде – къонакъ.
  • Айран ичген – къутулду, джугъусун джалагъан – тутулду.
  • Джарлы тюеге минсе да, ит къабар.
  • Къууут – джелге, берне – бошха.
  • Къызгъанчдан ычхыныр, мухардан ычхынмаз.
  • Юйюнг бла джау болгъандан эсе, элинг бла джау бол.
  • Джангыз торгъай джырламаз.
  • Юй кюйдю да, кюйюз чыкъды, ортасындан тюйюш чыкъды.
  • Кёб ант этген, кёб ётюрюк айтыр.
  • Ана къолу ачытмаз.
  • Эл бла кёргенинг эрелей.
  • Окъуусуз билим – джокъ, билимсиз кюнюнг – джокъ.
  • Тиширыусуз юй – отсуз от джагъа.
  • Акъылсызны джууукъгъа алма, акъыллыны кенгнге салма.
  • Ким бла джюрюсенг, аны кёзю бла кёрюнюрсе.
  • Хар зат кесини орнуна иги.
  • Къонакъ болсанг, ийнакъ бол.
  • Игиге айтсанг – билир, аманнга айтсанг – кюлюр.
  • Таукел тауну аудурур.
  • Кёл – къызбай, къол – батыр.
  • Кютгени беш эчки, сызгъыргъаны уа, джерни джарады.
  • Джылкъыдан – ат чыгъар, тукъумдан – джаш чыгъар.
  • Мадар болса, къадар болур.
  • Джауумдан сора, кюн кюйдюрюр, ётюрюкден сора, айыб кюйдюрюр.

Аудио

Домбай (группа)

Файлов: 55

Обновлен: 10.07.2017

  • Домбай (группа) Алгъыш
(Голосов: 1, Рейтинг: 5)

Описание

Дата: 20.04.2005
Прослушиваний: 5133
Скачиваний: 602
Размер: 11.4 МБ
Текст песни:
Музыка Маджита Ногайлиева, стихи Азамата Суюнчева.

Огъурлу болсун келген келиннге
Ол ётген джангы босагъа!
Игилик кирсин ол кирген юйге,
Къууанчдан толсун отджагъа!

Припев:
Эй, сюйюмчюлюк айтыгъыз
Джуукълагъа, тенглеге.
Къууаныб алгъыш этигиз
Бу насыблы юйюрге!

Къарачай таула бир мийикдиле,
Кёкге джетеди бойлары.
Келин, кюеу да, насыблы болуб,
Узакъгъа барсын тойлары!

Припев.

Таулада хауа таза болады,
Кёллери анга ушасын!
Джангы юйдеги кюле-ышара,
Къууанч тыбырлы джашасын!

Припев.

Къобанны суу таркъаймагъанча,
Ашхы адетле барсынла,
Къралгъа, халкъгъа халал урунуб,
Махтау да, сый да табсынла.

Припев.

Комментариев нет

  • Зарегистрируйтесь чтобы пользоваться плейлистом.