Аудио ::

Баргъанынга кёре болур келгенинг.
Бюгюн дуния кибик, тамбла ахыратды.
Борчунг бар эсе, хурджунунга ойлаб узал.
Накъырданы арты керти болур.
Кёзюнде тереги болгъан, чёбю болгъаннга кюле эди.
Арбаз къынгырды да, ийнек сауалмайма.
Джарашыу сюйген – джалынчакъ.
Урунуу – насыбны анасы.
Халкъны джырын джырласанг, халкъ санга эжиу этер.
Джол бла сёзню къыйыры джокъ.
Бети бедерден, намыс сакълама.
Аман къатын сабий табса, бий болур…
Орундукъ тюбюнде атылсам да, орта джиликме, де да айлан.
Айныгъанлы алты кюн, тогъайгъанлы тогъуз кюн.
Эркишиге тары кебек танг кёрюнюр.
Бир абыннган – минг сюрюнюр.
Джаш болсун, къыз болсун, акъылы, саны тюз болсун.
Чомарт къонакъ юй иесин сыйлар.
Байлыкъ келсе, акъыл кетер.
Иги болса, тамадама – махтау, аман болса, меннге – айыб.
Миллетни бойну – базыкъ, аны бла кюрешген – джазыкъ.
Кёрмегеннге кебек – танг, битмегеннге сакъал – танг.
Аман адам этегингден тутса, кес да къач.
Ёлюк кебинсиз къалмаз.
Чомартны къолу берекет.
Уруну арты – къуру.
Къызгъанчдан ычхыныр, мухардан ычхынмаз.
Джырына кёре эжиую.
Юйлю уругъа ит чабмаз.
«Ёгюз, джаргъа джууукъ барма, меннге джюк боллукъса», - дегенди эшек.
Эл бла кёргенинг эрелей.
Кёб ант этген, кёб ётюрюк айтыр.
Эки элинги тыйсанг, джети элде махталырса.
Бет бетге къараса, бет да джерге къарар.
Ашхы болсанг, атынг чыгъар, аман болсанг, джанынг чыгъар.
Ашыкъгъан cуу, тенгизге джетмез.
Керек ташны ауурлугъу джокъ.
Чалманны аллы къалай башланса, арты да алай барады.
Ёлген эшек бёрюден къоркъмайды.
Танг атмайма десе да, кюн къоярыкъ тюйюлдю.
Тенгинг джокъ эсе – изле, бар эсе – сакъла!
Акъыл неден да кючлюдю.
Ёгюзню мюйюзюнден тутадыла, адамны сёзюнден тутадыла.
Ишленмеклик адамлыкъды.
Мал ёлсе, сюек къалыр, адам ёлсе, иши къалыр.
Аман адам элни бир-бирине джау этер.
Аманнга да, игиге да оноусуз къатышма.
Бастасын ашагъан, хантусун да ичер.
Ашатыргъа иш – ашхы, ишлетирге аш – ашхы.
Мени джылытмагъан кюн, меннге тиймесин!

Логин:	Регистрация

Пароль:	Забыли пароль?

Запомнить меня

Аудио

Скачать

Популярные песни

Адрес