Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Къаллай салам берсенг, аллай джууаб алырса.
  • Къалгъан ишге къар джауар.
  • Къонакъ хазыр болгъанлыкъгъа, къонакъбай хазыр тюлдю.
  • Аман къатын алгъан, арыр, иги къатын алгъан джарыр.
  • Ашарыкъда сайлагъаннга – чий гырджын.
  • Ёгюзню мюйюзлери ауурлукъ этмейдиле.
  • Эринчекни аурууу – кёб.
  • Сакъ юйюне сау барыр.
  • Чомартны къолу берекет.
  • Сёз садакъдан кючлюдю.
  • Таукелге нюр джауар.
  • Баргъанынга кёре болур келгенинг.
  • Сабий кёргенин унутмаз.
  • Джангыз терек къынгыр ёсер.
  • Сютден ауузу кюйген, суугъа юфгюре эди.
  • Билимден уллу байлыкъ джокъду.
  • Ишлегенден, къарагъан уста.
  • Эркишиге тары кебек танг кёрюнюр.
  • Ишленмеген джаш – джюгенсиз ат, ишленмеген къыз – тузсуз хант.
  • Кёбню кёрген – кёб билир.
  • Джашлыкъ этмеген, башлыкъ этмез.
  • Акъыллы – эл иеси, тели – эл баласы.
  • Ач да бол, токъ да бол – намысынга бек бол.
  • Кёб джашагъан – кёб билир.
  • Къыз чыгъаргъан – къызыл къымжа.
  • Джети тилни билген джети кишиди.
  • Чёбню кёлтюрсенг, тюбюнден сёз чыгъар.
  • Тау башында, тау болмаз, джангыз терек, бау болмаз.
  • Бет бетге къараса, бет да джерге къарар.
  • Къонагъы джокъну – шоху джокъ.
  • Билмейме деген – бир сёз
  • Айранны сюйген, ийнек тутар.
  • Къошда джокъгъа – юлюш джокъ.
  • Адам сёзге тынгыла, акъыл сёзню ангыла.
  • Ариу джол аджал келтирмез.
  • Къарнынг бла ёч алма.
  • Баш болса, бёрк табылыр.
  • Аман эсирсе, юйюн ояр.
  • Чакъырылмай келген къонакъ сыйланмай кетер.
  • Адамгъа аман кюн соруб келмейди.
  • Тил – миллетни джаны.
  • Сабийликде юретмесенг, уллу болса – тюзелмез.
  • Эки итни арасына сюек атма, эки адамны арасында сёз чыгъарма.
  • Шекер бла туз – бир болмаз, ушамагъан – юй болмаз.
  • Юйлю уругъа ит чабмаз.
  • Башынга джетмегенни сорма.
  • Эртде тургъан бла эртде юйленнген сокъуранмаз.
  • Аманны эки битли тону болур, бирин сеннге кийдирир, бирин кеси киер.
  • Адамны бетине къарама, адетине къара.
  • Ариу сёзде ауруу джокъ.

Аудио

Байчоров А

Файлов: 6

Обновлен: 06.02.2012

  • Байчоров А. - Заманында къайыталмасам
(Нет голосов)

Описание

Дата: 06.02.2012
Прослушиваний: 2124
Скачиваний: 148
Размер: 5.06 МБ
Текст песни: Музыка Азрета Байчорова, стихи Разбия Батдыева. 

Заманыма къайталмасам джолумдан, 
- Нек келмеди? - деб таш салма къыйналыб, 
Сен ашыра, къаты къысыб къолумдан, 
- Сакъларыкъма, - деген эдинг ышаныб. 

Айла, джылла озуб кетиб арадан, 
Мен а къайталмайын къалсам да санга, 
Ол заманда да, чыгъыб арбазынгдан, 
Ачма джюрек джарсыуунгу бир джанга. 

Барды сенден мени энтда тилерим: 
Ийнанма, ол келлик тюлдю деб, эштсенг, 
Амандыла деб къыйналма тюшлерим; 
Аман да игиди, игиге элтсенг. 

Чыртда чыдаб болалмасанг тансыкъдан, 
Чакъыр мени, эштирикмид деме да. 
Эшитерме мен тилегинги узакъдан, 
Къобандан ургъан джелге тюберме да. 

Сора келиб кече сени аллынга, 
Тансыгъынгы тансыгъыма къошарма, 
Сюймекликни сакълай билген джанынга, 
Къууанч бере, мен кечени бошарма. 

Комментариев нет

  • Зарегистрируйтесь чтобы пользоваться плейлистом.