Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Къарт бла баш аша, джаш бла аякъ аша.
  • Кийиминг бла танылма, адамлыкъ бла таныл.
  • Эркиши – от, тиширыу – суу.
  • Аман адам элни бир-бирине джау этер.
  • Таугъа чыгъаллыкъ эсенг, тюзде къалма.
  • Тамырсыз терекге таянма – джыгъылырса.
  • Акъыл бла адеб эгизледиле.
  • Къонакъ аз олтурур, кёб сынар.
  • Ачны эсинде – аш.
  • Кесинге джетмегенни, кёб сёлешме.
  • Чомарт джарлы болмаз.
  • Ишлегенден, къарагъан уста.
  • Ариу джол аджал келтирмез.
  • Атлыны ашхысы, ат тизгининден билинир
  • Къолу уллу – асыу, аягъы уллу – джарсыу.
  • Зар адам ашынгы ашар, кесинги сатар.
  • Джигер – джаннга къыйынлыкъ.
  • Ачлыкъда тары гырджын халыуадан татлы.
  • Тура эдим джата, къайдан чыкъды хата?
  • Кёбден умут этиб, аздан къуру къалма.
  • Алма терегинден кери кетмез.
  • Баш болса, бёрк табылыр.
  • Тёрдеги кюлсе, эшикдеги ышарыр.
  • Тил джюрекге джол ишлейди.
  • Джумушакъ терекни къурт ашар.
  • Шекер бла туз – бир болмаз, ушамагъан – юй болмаз.
  • Тешигини къатында, чычхан да батыр болур.
  • Джетген къыз джерли эшекни танымаз.
  • Аманны къуугъан, аманлыкъ табар.
  • Татлы тилде – сёз ариу, чемер къолда – иш ариу.
  • Шапа кёб болса, аш татымсыз болур.
  • Тюзлюк тас болмайды.
  • Джюрекге ариу – кёзге да ариу.
  • Аман хансны – урлугъу кёб.
  • Намысы джокъну – дуниясы джокъ.
  • Чабакъ башындан чирийди.
  • Ишни ахырын ойламай, аллын башлама.
  • Бёрю да ач къалмасын, эчки да ашалмасын.
  • Ышармагъан – кюлмез, кюлмеген – къууанчны билмез.
  • Байма, деб да, къууанма, джарлыма, деб да, джылама.
  • Ана – юйню кюн джарыгъы.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Уясында не кёрсе, учханында аны этер.
  • Ёмюрлюк шохлукъну джел элтмез.
  • Шайтан алдады, тюзлюк къаргъады.
  • Адамны бетине къарама, адетине къара.
  • Къыз тиширыу кеси юйюнде да къонакъды.
  • Ойнай билмеген, оюн бузар.
  • Эл бла кёргенинг эрелей.
  • Къыз чыгъаргъан – къызыл къымжа.

Аудио

Узденов Альберт

Файлов: 48

Обновлен: 06.07.2017

  • Узденов Альберт Акъчепкен
(Голосов: 16, Рейтинг: 4.69)

Описание

Дата: 27.05.2012
Прослушиваний: 6463
Скачиваний: 3251
Размер: 10.23 МБ
Текст песни:
муз. и сл. Альберта Узденова

Болгъан кибик сени кёрген кюнюмде,
Кёз аллыма сыфатынгы келтирсем,
Сен джюзесе къанкъаз халда кёлюмде.
Бу болумдан аязыргъа тебресем.

Кёзлерими къысыб, солуу алмайын
"Сабыр болсанг" деген менде умутха,
Акъ къанкъазча нюрюнг чырт бой салмайын,
Кёлтюрюб, ташаяды булутха.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Кюнден кюннге мен барама, тюшюне,
Сени кемсиз кереклинге - джаныма.
Кетген кече сени кёрдюм тюшюмде,
Акъ кийиниб келген эдинг къатыма.

Булбул джырлаб, чайкъай джайны хауасын,
Саугъа этген кибик бизге ауазын,
Кери эдик хар сагъышдан, ёчешден,
Уянмайын къалгъа эдим ол тюшден.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Комментариев нет

  • Зарегистрируйтесь чтобы пользоваться плейлистом.