Расширенный поиск
9 Сентября 2026 года
Логин: Регистрация
Пароль: Забыли пароль?
Навигация
Словарь
  • Акъыллы айтыр эди, акъылсыз къоймайды.
  • Ауузу бла къуш тута айланады.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Аллахха ийнаннган кишини, Аллах онгдурур ишин.
  • Таугъа чыгъаллыкъ эсенг, тюзде къалма.
  • Къая джолда джортма, ачыкъ сёзден къоркъма.
  • Къонакъ болсанг, ийнакъ бол.
  • Ариу сёз аурууунгу алыр.
  • Ариуну – ауруу кёб.
  • Тюкюрюк баш джармаз, налат кёз чыгъармаз!
  • Мухар, кеси тойса да, кёзю тоймаз.
  • Тешигини къатында, чычхан да батыр болур.
  • Ашлыкъны арба юйге келтирир, чана базаргъа элтир.
  • Окъ къызбайны джокълайды.
  • Болджал ишни бёрю ашар.
  • Ётген ёмюр – акъгъан суу.
  • Илму – джашауну джолу.
  • Ач, тоймам, дейди, тойгъан, ач болмам, дейди.
  • Аджашхан тёгерек айланыр.
  • Эки къатын алгъанны къулагъы тынгнгаймаз.
  • Адамны джюреги нени кёрюрге сюйсе, кёзю да аны кёрюрге ёч болады.
  • Нафысынгы айтханын этме, намысынгы айтханын эт.
  • Элиб деген, элге болушур.
  • Ана – юйню кюн джарыгъы.
  • Малны кют, джерни тюрт.
  • Этек чакъмакълары баш джаргъан, сёлешген сёзлери таш джаргъан.
  • Ата джурт – алтын бешик.
  • Булут кёкге джарашыу, уят бетге джарашыу.
  • Эшекге миннген – биринчи айыб, андан джыгъылгъан – экинчи айыб.
  • Телиге от эт десенг, юйюнге от салыр.
  • От этилмеген джерден тютюн чыкъмайды.
  • Айтханы чапыракъдан ётмеген.
  • Таш ата билмеген, башына урур.
  • Айранны сюйген, ийнек тутар.
  • Азыкъ аз болса, эртде орун сал.
  • Алтыда кюлмеген, алтмышда кюлмез.
  • Тас болгъан бычакъны сабы – алтын.
  • Билим къая тешер.
  • Шекер бла туз – бир болмаз, ушамагъан – юй болмаз.
  • Акъыл неден да кючлюдю.
  • Кёлю джокъну – джолу джокъ.
  • Бозанг болмагъан джерге, къалагъынгы сукъма.
  • Эм уллу байлыкъ – джан саулукъ.
  • Садакъачыны джаны – къапчыгъында.
  • Джюз элде джюз ёгюзюм болгъандан эсе, джюз джууугъум болсун.
  • Тай асырагъан, атха минер.
  • Бетинги сатма, малынгы сат.
  • Кёбден умут этиб, аздан къуру къалма.
  • Махтаннган къыз, тойда джукълар.
  • Ауузу аманнга «иги», деме.

Аудио

Апсаты (ансамбль)

Файлов: 3

Обновлен: 06.07.2017

  • Апсаты (ансамбль) Анам
(Голосов: 3, Рейтинг: 3.67)

Описание

Дата: 14.06.2012
Прослушиваний: 1633
Скачиваний: 224
Размер: 9.05 МБ
Текст песни: СЕМЕНЛАНЫ СЫМАЙЫЛ

АНАМ

Ата деген Минги Таугъа миннгенлей,
Ана деген дарий, дамха кийгенлей,
Кюнюм батды джарлы анам ёлгенлей,
Джулдуз атлы, балдан татлы, ой анам!

Билмегенлей кёчюрюрге бардыла,
Сормагьанлай машинагьа салдыла,
Эки джашынг эки джерде къалдыла
Джулдуз атлы, балдан татлы, ой анам!

Кимле чачдыла Семенлада къалангы,
Кимге айтайым джюрегимде джарамы,
Къайда къойдум акъ сют берген анамы?
Джулдуз атлы, балдан татлы, ой анам!

Ой Къарачай къуш тюгюнлей чачылды,
Бар палахны башы бери ачылды,
Джарлы миллет Азиягъа атылды...
Джулдуз атлы, балдан татлы, ой анам!

Ата деген ашхы ишге талпытхан,
Ана деген кёкню, джерни танытхан...
Ёлюм деген хар джюрекни ачытхан...
Джулдуз атлы, балдан татлы, ой анам!

Ата деген ёмюр юйню ачхычы,
Ана деген джашауунгу басхычы,
Елюм деген джашагъанны ачысы
Джулдуз атлы, балдан татлы, ой анам!

Ата деген накъут-налмаз къалады,
Ана деген джанынга джан салады,
Ол джашауну бир насыблы табады,
Джулдуз атлы, балдан татлы, ой анам!

Тогъуз айны ay тюбюнде кёлтюрдюнг,
Къайын ата, къайын ана къолунда,
Кече-кюн да гёзет этген джолунда,
Джулдуз атлы, балдан татлы, ой анам!

Эки джылны акъ сютюнгю ичирдинг,
Ешюнюнгю тёшек этиб ёсдюрдюнг,
Алай эте талай джылгъа джетдирдинг,
Джулдуз атлы, балдан татлы, ой анам!

Отха иймей, суугъа иймей сакъладынг,
Юй кёгюрчюн къанатларын джабханча,
Белляуунгда сени алгъыш сёзлеринг ?
Джанкъылычдан нюр таякъла къакъгъанча.

Кёк памилден кёлек, кёнчек этгененг,
Къаназирден къабдал этиб кийдирдинг,
Эркелете хар адамгъа сюйдюрдюнг...
Джулдуз атлы, балдан татлы, ой анам!

Джети джылда окъуу-билим алдырдынг,
Ишлей-ишлей санларынгы талдырдынг,
Джашачы деб, тоханала салдырдынг
Джулдуз атлы, балдан татлы, ой анам!

Таугъа чыкъсам, таш аджалдан титиреб,
Малгъа кетсем, садакъала кёлтюрюб,
Бушуу, къайгъы джюрегинге келтириб...
Джулдуз атлы, балдан татлы, ой анам!

Элден энчи ат атаенг атыма...
Джанауалда мен болмадым къатынгда,
Джаш тюрсюнюнг агъармагъан чачынгда...
Джулдуз атлы, балдан татлы ой анам!

Къулагъыма сууукъ салах тартылды,
Джулдуз ананг ёлгенди деб, айтылды,
Джюрегиме джюрек ауруу къатылды...
Джулдуз атлы, балдан татлы, ой анам!

Къайда къалды харекетинг, малларынг,
Ишлей-ишлей талчыкъмагьан санларынг,
Джюнню джибек этген алтын къолларынг?
Джулдуз атлы, балдан татлы ой анам!

Атам эсе Бейтуллахда ёлюбдю,
Анам эсе, бир мусафир шейитди,
Нек джылайма кимден да не келликди?
Джулдуз атлы, балдан татлы, ой анам!

Джыллыкъ джолдан келир эдим кёрюрге,
Санга, анам, олджан салам берирге,
Разылыгъынгы алыб ёлюрге,
Джулдуз атлы, балдан татлы, ой анам!

Къарачайда къабырынгы табсам эд,
Зияратха Азиягъа бармазем,
Былай болуб къаллыгъымы мен билсем,
Джан бермейин айырылыб къалмазем.

Бу дуниягъа туумай къалгъан мен болсам,
Сени ёлген ачыуунгу билмезем,
Къазах элде къабырынгы кёрмезем...
Джулдуз атлы, балдан татлы, ой анам!

Кёр узакъды, тура-тура безерсе,
Уллу Аллахны буйругьуна тёзерсе,
Махшар кюнде, ой балам деб, излерсе,
Джулдуз атлы, балдан татлы, ой анам!

Кюн садакъа мени санга беририм,
Аллах айтса, махшар кюндю кёрюрюм,
Къазах элде къалды, хариб, ёлюгюнг
Джулдуз атлы, балдан татлы, ой анам!

Кече ёмюрюм бир къарангы тёбеди,
Кюн ёмюрюм джюзюб кетген кемеди,
Ёлюм деген хар адамгъа тёреди,
Джулдуз атлы, балдан татлы ой анам!

Комментариев нет

  • Зарегистрируйтесь чтобы пользоваться плейлистом.