Расширенный поиск
1 Мая 2026 года
Логин: Регистрация
Пароль: Забыли пароль?
Навигация
Словарь
  • Биреу къой излей, биреу той излей.
  • Ышармагъан – кюлмез, кюлмеген – къууанчны билмез.
  • Ач отунчуну ачыуу – бурнунда.
  • Ишин билген, аны сыйын чыгъарады.
  • Ариу сёзде ауруу джокъ.
  • Борчунг бар эсе, хурджунунга ойлаб узал.
  • Эки элинги тыйсанг, джети элде махталырса.
  • Ёнгкюч къууана барыр, джылай келир.
  • Тёрдеги кюлсе, эшикдеги ышарыр.
  • Бир абыннган – минг сюрюнюр.
  • Джылар джаш, атасыны сакъалы бла ойнар.
  • Рысхы джалгъанды: келген да этер, кетген да этер.
  • Мени джылытмагъан кюн, меннге тиймесин!
  • Биреуге аманлыкъ этиб, кесинге игилик табмазса.
  • Тёзгеннге, джабылгъан эшик ачылыр.
  • Эркишиге тары кебек танг кёрюнюр.
  • Тюзню ётмеги тюзде къалса да, тас болмаз.
  • Мен да «сен», дейме, сен да «кесим», дейсе.
  • Къуллукъчума, деб махтанма, къуллукъ – хаух джамчыды!
  • Ишленмеген джаш – джюгенсиз ат, ишленмеген къыз – тузсуз хант.
  • Миллетни бойну – базыкъ, аны бла кюрешген – джазыкъ.
  • Иги сёз – джаннга азыкъ, аман сёз башха – къазыкъ.
  • Акъыл неден да кючлюдю.
  • Адамны сабийин сюйген джюреги, бычакъча, джитиди.
  • Эте билген, этген этеди, эте билмеген, юретген этеди!
  • Ачлыкъда тары гырджын халыуадан татлы.
  • Сютден ауузу кюйген, суугъа юфгюре эди.
  • Эм ашхы къайын ана мамукъ бла башынгы тешер.
  • Джолда аягъынга сакъ бол, ушакъда тилинге сакъ бол.
  • Эл элде бирер малынг болгъандан эсе, бирер тенгинг болсун.
  • Окъуусуз билим – джокъ, билимсиз кюнюнг – джокъ.
  • Ачыкъ джюрекге джол – ачыкъ.
  • Сабийликде юретмесенг, уллу болса – тюзелмез.
  • Башы джабылгъан челекге, кир тюшмез.
  • Экеулен сёлеше тура эселе, орталарына барыб кирме.
  • Юй ишлеген балта эшикде къалыр.
  • Сууда джау джокъ, кёб сёзде магъана джокъ.
  • Окъугъан – асыу, окъумагъан – джарсыу.
  • Аман къатын алгъан, арыр, иги къатын алгъан джарыр.
  • Киштикге къанат битсе, чыпчыкъ къалмаз эди.
  • Ойнай-ойнай кёз чыгъар.
  • Байлыкъ келсе, акъыл кетер.
  • Къарнынг ауруса, ауузунгу тый
  • Къартны сыйын кёрмеген, къартлыгъында сыйлы болмаз.
  • Аз сёлеш, кёб ишле.
  • Таш бла ургъанны, аш бла ур.
  • Адам туугъан джеринде, ит тойгъан джеринде.
  • Ёпкелегенни ашы татлы болады.
  • Халкъны юйю – туугъан джери.
  • Бозаны арты дауур болур.

Аудио

Занкишиев Марат

Файлов: 10

Обновлен: 10.07.2017

  • Занкишиев Марат Насыбны тою
(Голосов: 4, Рейтинг: 4.75)

Описание

Дата: 27.08.2012
Прослушиваний: 3361
Скачиваний: 208
Размер: 8.01 МБ
Текст песни:
музыка Маджита Ногайлиева
(аранжировка Алима Аппаева)
стихи Хусея Джаубаева

Джангы, ашхы адетлени
Халкъым бирча джарата,
Тау элимде той барады,
Тёгерекни сагъайта.

Припев:
Насыб джол бере,
Къууанч къол бере,
Келин келгенди, ой!
Гюлле нюр тёге,
Къобуз джыр тёге,
Келин келгенди, ой!

Адеб-намыс болуб бизде
Хар неден да багъалы,
Сый береди джарыкъ тойгъа
Элими хар адамы.

Припев.

Бу насыбха, мамырлыкъгъа
Къартла айта алгъышла,
Зауукъ эте тебсейдиле
Субай къызла эм джашла.

Припев.

Комментариев нет

  • Зарегистрируйтесь чтобы пользоваться плейлистом.