Расширенный поиск
10 Сентября 2026 года
Логин: Регистрация
Пароль: Забыли пароль?
Навигация
Словарь
  • Джырына кёре эжиую.
  • Ёмюрлюк шохлукъну джел элтмез.
  • Къанны къан бла джуума, аманны аман бла къуума.
  • Къарнынг бла ёч алма.
  • Чомарт къолда мал къалмаз.
  • Къартны бурнун сюрт да, оноугъа тут.
  • Билимсиз иш бармаз.
  • Сютден ауузу кюйген, суугъа юфгюре эди.
  • Джашда акъыл джокъ, къартда къарыу джокъ.
  • Биреу ашаб къутулур, биреу джалаб тутулур.
  • Къонагъынгы артмагъын алма да, алгъышын ал.
  • Дуния аламаты сен эсенг да, игиме деб айтма.
  • Ач бёрюге мекям джокъ.
  • Джол бла сёзню къыйыры джокъ.
  • Ауругъанны сау билмез, ач къарынны токъ билмез.
  • Иги сёз – джаннга азыкъ, аман сёз башха – къазыкъ.
  • Татлы сёз – балдан татлы.
  • Суугъа – таянма, джаугъа – ийнанма.
  • Намыс болмагъан джерде, насыб болмаз.
  • Тиширыусуз юй – отсуз от джагъа.
  • Бети – къучакълар, джюреги – бычакълар.
  • Тюзлюк шохлукъну бегитир.
  • Иги болса, тамадама – махтау, аман болса, меннге – айыб.
  • Акъыллы башны – тили къысха.
  • Сангырау къулакъ эл бузар.
  • Кийимни бир кюнню аясанг, минг кюннге джарар.
  • Ашына кёре табагъы, балына кёре къалагъы.
  • Халкъны юйю – туугъан джери.
  • Къайгъы тюбю – тенгиз.
  • Ана кёлю – балада, бала кёлю – талада.
  • Адеб базарда сатылмаз.
  • Эл ауузу – элек, анга ийнаннган – халек.
  • Акъыллы – эл иеси, тели – эл баласы.
  • Юйлю уругъа ит чабмаз.
  • Юй ишлеген балта эшикде къалыр.
  • Ханы къызы буюгъа-буюгъа киштик болду.
  • Киштикге къанат битсе, чыпчыкъ къалмаз эди.
  • Чомартха хар кюн да байрамды.
  • Игиге айтсанг – билир, аманнга айтсанг – кюлюр.
  • Нёгерсизни джолу узун.
  • Чабакъ башындан чирийди.
  • Ётюрюкню къуйругъу – бир тутум.
  • Джахил болса анасы, не билликди баласы?
  • Кёб къычыргъандан – къоркъма, тынч олтургъандан – къоркъ.
  • Кийим тукъум сордурур.
  • Кесине гебен этелмеген, биреуге черен эте эди.
  • Агъач халкъгъа алтынды, иссиликге салкъынды.
  • Аманны тукъумуна къарама, игини тукъумун сорма.
  • Шайтан алдады, тюзлюк къаргъады.
  • Бойнуму джети джерден кессенг да, мен ол ишни этеллик тюлме.

Аудио

Айдаруков Хасан

Файлов: 6

Обновлен: 06.07.2017

  • Айдаруков Хасан Гапалау
(Голосов: 2, Рейтинг: 5)

Описание

Дата: 08.09.2012
Прослушиваний: 1473
Скачиваний: 87
Размер: 7.38 МБ
Текст песни:
сл. и муз. народные

Гапалаула эки элле, бир болду,
Джарлы балам дуниядан тас болду.
Ой, анасына джигит туугъан Гапалау!

Ыстауатда толу къазан къайнайды,
Сени юсюнгде тогъуз къазыкъ ойнайды,
Ой, анасына джигит туугъан Гапалау!

Ыстауатынг джылан джырмаз мурсады,
Сени ёлтюрген Ижаланы Мусады,
Гапалауум къызыл къан бла къусады!

Къанынг барад къырдыкъланы мор этиб,
Ижалары ёлтюрдюле зор этиб,
Ой, анасына джигит туугъан Гапалау!

Гапалауну ёлтюрдюле, сойдула,
Джаш къатынын ау тюбюнде къойдула,
Ой, анасына джигит туугъан Гапалау!

Джалчыларынг малларынгы сюрелле,
Ижалары сени ызынгдан кюлелле,
Ой, анасына джигит туугъан Гапалау!

Комментариев нет

  • Зарегистрируйтесь чтобы пользоваться плейлистом.